Bonding Over The Book

Maa..

Maa, sabd toh hai ek akshar ka..
Par iss ek sabd par, mai chand-taare, jameen sab haar dun..
Maa, ek dafa Tu jo bole toh tujh par mai apni jaan bhi vaar doon..
Maa, maa kya hoti hai??
Maa woh hai, jo humare saare nakhre uthathi hai, sabki kich kich sehkar bhi ghar ko sawarti hai..
Maa woh hai jo hume bandhe rakhti hai..
Maa woh hai jo bina koi shikayat kare,humara har kaam karti hai...
Maa toh woh hai jisse roshan apni duniya hai..
Maa woh ek alfaaz hai, jismein basta jag mera hai..
Maa, sabd toh hai ek akshar ka..
Par iss ek sabd par, mai chand-taare, jameen sab haar dun..
Maa, ek dafa Tu jo bole toh tujh par mai apni jaan bhi vaar doon..
Ek maa ki duniya apne bache se shuru uspae hi khatam hoti hai...
Ek maa ko kaha khudki parwaah hoti hai..
Khud chahe kitna pareshaan ho, par apne bache k chehre par ek shikan na seh paye..
Khud chahe lakh aansun bahaye, par humari aankhon mai ek aansun na dekh paaye..
Maa, maa kya hoti hai??
Maa woh hai jise hardum humari chinta satati hai..
Aur ek hum hai jo usse chah kar bhi samjh na pate hai..
Bhale hi hum maa ko kuch bhi keh de...
Woh haste- haste sab seh jati hai...
Chahe kitna hi dil kyun na dukha ho..
Woh kaha apna dard batati hai...
Maa, sabd toh hai ek akshar ka..
Par iss ek sabd par, mai chand-taare, jameen sab haar dun..
Maa, ek dafa Tu jo bole toh tujh par mai apni jaan bhi vaar doon..
Maa kaha humse kuch chahti hai..
Woh bas hum par pyaar hi barsaati hai..
Shayad hi kabhi tujhse yeh keh paun mai maa..
Ki jab tu hasti hai toh meri duniya chal padti hai..
Jab tu udaas hoti hai toh jaise duniya tham si jaati hai..
Jo tu ek baar pyaar se sar par haath pher de toh saara tension bhag jaata hai..
Maa, tujh mai hi toh basta sansar hai mera..
Ek tu hi toh jeene ka aadhar hai mera...
Mere hona ka wajood hai tu maa..
Meri duniya ka ahem bhaag hai tu maa..
Maa..Maa,sabd toh hai ek akshar ka..
Par iss ek sabd par, mai chand-taare, jameen sab haar dun..
Maa, ek dafa Tu jo bole toh tujh par mai apni jaan bhi vaar doon..
....................................................

Ab is par toh kya hi kahu...Bas would only say Maa= World.. Love u mumma!!

Yours lovely,
Tansyy❤❤