What's wrong? ( Completed )

Ep - 5

' ကျေးဇူးတင်ပါတယ်နော် ဦးလေး ...။'

' ဟုတ်ပြီ။ ဦးလေး သွားပြီ။'

' ဟုတ်ကဲ့ ...။'

လိကွား သေတ္တာရဲ့ လက်ကိုင် ကို ဆွဲထုတ်ပြီး ဆွဲရင်း တံခါး ဘဲလ် သွားတီးလိုက်သည်။

~~~~~~~~

ခုန လမ်းထဲကို နောက်ထပ် ကား တစ်စီး ဝင်လာသည်။

အရှေ့မှာ ထိုင်နေတဲ့ ရှောင်းကျန့်ကတော့ ပင်လယ် နက်နက် အောက်က ရေမှော် အပင်လေးတွေ ၊ ရောင်စုံ ငါးတွေ ၊ ပုလဲတွေ ၊ ခရုတွေ ၊ လူတွေ အတွက် ထူးဆန်းတယ်ဆိုတဲ့ အရာများစွာ မြင်ဖူးတာကြောင့် အနောက်မှာ ထိုင်နေတဲ့ ယွီ့ကျင်း လို အိန္ဒြေပျက်အောင် ကား ရဲ့ အပြင်ဘက်ကို ဟိုကြည့် ဒီကြည့် လုပ်မနေပါ။

' ခဏနေ ဝမ် အိမ်တော် ရောက်တော့မယ်။'

ရှောင်းကျန့် ကြားပေမယ့် ဘာမှပြန်မပြောပဲ နေလိုက်သည်။ သူလည်း အမြန်ရောက်ချင်နေပြီ။ ခေါင်းပေါ်က ဆံပင်တု ကို အရမ်းကို ချွတ်ချင်နေပြီလေ။

ရိပေါ် သူ့ကို စကား ပြန်မပြောပေမယ့် သူကပဲ ဆက်ပြောလိုက်သည်။

' အိမ်တော်မှာက ဖိုးဖိုး နဲ့ သူ့ရဲ့ နောက်ထပ် လက်ထပ်ထားတဲ့ အမျိုးသမီး ရှိတယ်။ ပြောချင်တာက မင်း ကို သူမ က ဘာပဲ ပြောပြော ဖိုးဖိုး နဲ့ ကိုယ်က ဘာမှ မပြောသရွှေ့ မင်း စိတ်ထဲ ဘာမှ ထည့်ထားစရာ မလိုဘူး။'

' သူမ ကို အရာ မသွင်းကြဘူးပေါ့ ...။ အဲ့လိုလား ...။'

' အဲ ... မမလေး ...။'

ယွီ့ကျင်း ရှောင်း ရဲ့ စကားကြောင့် ဝမ် သခင်လေးက ဘယ်လို ဖြစ်မလဲ မသိ၊ သူကတော့ ဝမ် သခင်လေးကို အားနာနေပါသည်။

အဲ့ဒီ ရှောင်း ဘယ်က စကားတွေ တတ်လာသလဲ မသိဘူး။ တစ်ချို့စကားတွေက သိရုံ သိထားသင့်ပြီး ထုတ်မပြောသင့်ဘူးဆိုတာ မသိလေရော့သလား ...။

ရိပေါ် ကြားလိုက်ရတဲ့ စကားကြောင့် စိတ်ဆိုးရမယ့် အစား ခပ် လွန့်လွန့် တောင် ပြုံးမိသွားသည်။ ကောင်မလေး တစ်ယောက်ကတော့ သူ့ ကို စ ပြီး အကန် ပြောနေပြီ။

' အရာ မသွင်းတာတော့ မဟုတ်ဘူး။ အမှန်တိုင်း ပြောရရင် သူမ နဲ့ ကိုယ်က အရမ်းကြီး တည့်တာ မဟုတ်ဘူး။ အရင်က ကိုယ် က ကိုယ့်ဘာသာ အိမ် သပ်သပ် ခွဲနေတာ။ အခု မင်း က ဝမ် အိမ်တော်မှာ လာနေမယ်ဆိုတော့မှ ကိုယ်က အိမ် ပြန်လာနေတာ။'