"ဗျာ မေမေ"
"မင်းတကယ်ပဲ သူ့ကိုလက်ထပ်ဖို့ဆုံးဖြတ်လိုက်ပြီပေါ့"
"ဟုတ်ပါတယ်"
"သူက မင်းထက်10နှစ်ကျော်ငယ်တာနော်...ပြီးတော့ သူပြောတာက မင်းနဲ့သူနဲ့တွဲတာ တစ်လကျော်ကျော်ပဲ ရှိသေးတယ်တဲ့၊
အရမ်းမြန်လွန်းနေတယ်လို့ မင်းမထင်ဘူးလား"
"မေမေကတော့ မြန်တယ်လို့ထင်ကောင်းထင်နိုင်မှာပေါ့...
ဒါပေမဲ့လေ မေမေသိလား...
အဲ့ကောင်လေးကလေ ကျွန်တော့်ကို 14နှစ်နီးပါးစောင့်နေခဲ့တယ်ဆိုတာ"
သူ၏ စကားကိုကြားတော့ မေမေက အနည်းငယ်အံ့သြသွားဟန်။
သူစကားကိုထပ်မံ၍ဆက်လိုက်သည်။
"ကျွန်တော်က သူ့ကိုအမြဲစောင့်ခိုင်းစေခဲ့မိတာ
စောင့်ခိုင်းလိုက်တဲ့ အချိန်တိုင်းလည်း သူကကျွန်တော့်ကိုအမြဲစောင့်နေခဲ့တာ။
တကယ့်ကိုဆုံးဖြတ်ချက်ခိုင်ခိုင်မာမာနဲ့၊
အခြားသူအတွက် လက်ထပ်ဖို့ကိစ္စက မြန်တယ်လို့ထင်ရပေမဲ့
10နှစ်ကျော်အောင်စောင့်ခဲ့ရတဲ့ သူ့အတွက်တော့ကြာတာထက်ကိုပိုနေပါပြီ....ကျွန်တော်က နောက်ကျတယ်လို့တောင်ခံစားမိသေးတယ်ရယ်"
ဒေါ်သူဇာအောင် သူမ၏သားဖြစ်သူ၏မျက်နှာရိပ်မျက်နှာထားကို အကဲခတ်နေမိသည်။
တကယ့်ကိုနူးနူးညံညံနဲ့အချစ်မှာနစ်ဝင်နေတဲ့ပုံ။
"ကျွန်တော့်လိုလူကို သူတစ်ယောက်တည်းကသာထိန်းချုပ်နိုင်တာပါ၊ဒဏ်ရာတွေကိုလည်းသူကပဲ ကုစားပေးခဲ့တာ"
စိုင်း မီးဖိုချောင်ထဲ၌ မနက်စာဆက်လက်ချက်ပြုတ်နေသော
ကောင်လေးငယ်အား လှမ်းကြည့်လိုက်ရင်း ကြည်နူးစွာပြုံးလိုက်မိသည်။
"မေမေ ကျွန်တော်သူ့ကိုတဘဝလုံးစာအတွက်လက်ထပ်ချင်တယ်၊
အဲ့ကောင်လေးကို ကျွန်တော့်အပိုင်အဖြစ်လိုချင်တယ်"
သက်ပိုင်ဆိုသော ကောင်လေးက သူမသား၏နှလုံးသားကို အရည်ပျော်အောင်တကယ်ပဲလုပ်နိုင်ခဲ့သည်ထင်ပါ၏။
"ကျွန်တော့်ရဲ့ တစ်ခုတည်းသောဆန္ဒက နောက်ဆုံးထွက်သက်အထိ သက်ပိုင်ဘေးနားမှာနေသွားရဖို့ပါပဲ"
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
Part-29
Start from the beginning
