"တစ်လကျော်ကျော်လောက်ရှိပါပြီ"
"ဘာ!တစ်လကျော်ကျော်ဟုတ်လား၊
ဒီခွေးကောင်လေးစိုင်းအောင်မင်းခန့်ကတော့!"
သူမက အံ့သြတကြီးနှင့် စိတ်ရှုပ်စွာထအော်သောကြောင့်
သက်ပိုင်ပင်အနည်းငယ်တွန့်သွားရသည်။
ဒါလည်းလေးလေးငယ်နဲ့အကျင့်တူတယ်။
"ဒီမယ်ကောင်လေး
အန်တီအခုလိုမေးတာက နည်းနည်းအဆင်မပြေဖြစ်စေနိုင်ပေမဲ့
မင်းခန့်အကြောင်းမင်းဘယ်လောက်သိလဲ....."
"သိသင့်တာထက်ကိုပိုသိထားပါတယ်"
အန်တီ မျက်ခုံးစပ်နှစ်ခုကြားအား နှိပ်လိုက်ရင်း
"သူ့အရင်အလုပ်ကဘာအလုပ်လဲကောမင်းသိလား"
သက်ပိုင်တွန့်ဆုတ်ခြင်းအလျဉ်းမရှိပဲလေးနက်စွာပြန်လည်ဖြေကြားလိုက်၏။
"သိပါတယ်"
အောင်သက်ပိုင်ဆိုသော ကလေး၏အဖြေကြောင့်
ဒေါ်သူဇာအောင်အနည်းငယ်အံ့သြမိသွားသည်။
သူ မင်းခန့်ရဲ့အလုပ်ကိုသိတာလား။
"ဒါတောင် မင်းကသူ့ကိုလက်ထပ်ဖို့စိတ်ရှိသေးတယ်ပေါ့"
"အန္တီသိလား...လေးလေးငယ်လည်းကျွန်တော့်ကိုအဲ့လိုမေးဖူးတယ်၊
ဘယ္သူက ဘယ်အချိန်မေးမေး ကျွန်တော့်အဖြေက စိတ်ရှိတာထက်ကိုပိုပါတယ်အန်တီ။
ကျွန်တော် လေးလေးငယ်ကို ဘဝတစ်ခုလုံးနဲ့ရင်းပြီးလက်ထပ်ချင်ပါတယ်"
ဒေါ်သူဇာ သူမ၏အရှေ့မှကောင်လေးအား မယုံနိုင်စွာပင်စိုက်ကြည့်မိသည်။
သူမသည် လိင်တူလက်ထပ်ခြင်းကိုလက်မခံနိုင်သည့်မိဘများထဲတွင် မပါဝင်ပေ။
သို့သော်လည်း သူမ၏သမက်သည်ဘယ်လိုလူမျိုးဖြစ်သည်လည်းဆိုတာတော့သိပိုင်ခွင့်ရှိ၍
ထိုသူသည်လည်း မင်းခန့်၏ပုံစံအမှန်ကိုလက်ခံနိုင်ပါ့မလားဟူ၍ စိတ်ပူပန်နေခြင်းပင်။
သူမတို့နှစ်ယောက်စကားပြောနေချိန်မှာပဲ လှေကားရင်းမှ မင်းခန့်၏အံ့သြတကြီး ခေါ်သံကအိမ်တအိမ်လုံး၌ပျံ့နှံ့သွားလေတော့သည်။
"မေမေ?!"
****
"မင်းခန့်"
မာမီက သူ့အားစူးစိုက်ကြည့်ရင်းဖြင့် လေးနက်စွာ သူ၏နာမည်အားခေါ်လာသည်။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
Part-29
Start from the beginning
