غموض جارنا

بارت 11

مر اسبوع من بدة الوام وجنت كلش متحمسة وخايفة لان الجامعة مرحلة جديدة ومختلفة بيها انواع واشكال من الناس بيها الشين والزين وآميد وصاني اكون حذرة من البنات وانتبه للبنات الاصادقهن وابتعد من الشباب وگال اذا تصير وياج اي مشكلة تعاي گوليلي حتى لو تحسينها تافهة لان يمكن تتحول لمشاكل شكد حباب ولطيف يعتبرني مثل اختة الصغيرة وحتى زوجتة حواء شكد حبابة راحت وياي واخذتلي ملابس للجامعة لان هي متخرجة وتعرف

جنت كلش اتمنى اخواني وياي ويشوفوني دخلت جامعة اتمنيت امي تگعد من الصبح تسويلي ريوگ وتودعني بدعأها تمنيت بابل ينطيني مصرف ودائما يسئلني على يومي حسيت مثل بقية البنات بس هاي مجرد امنيات مستحيل تتحقق

حسيت شي وگع على خدي تلمستة طلعن دموعي ينزلن دموعي بدون ما ادري بيهن صرت امسح بيهن وهنة يوگعن بالزايد

انتبهت لايد تمدلي كلينكس رفعت عيوني لگيت بنية واگفة فوگ راسي انطتني الكلينكس وعلى وجهة ابتسامة گعدت يمي بدون كلام

ورا فترة وگفت بجي والبنية بعدها گاعدة يمها گالت من بعد سكوت

_شنو اسمج

_غزل

_عاشت الاسامي كلش حلو

_شكرا حبيبتي ذوقج الحلو

بقيت ساكتة وما حجيت اي شي ورا شوية ضحكت وگالت

_اسمي عذراء قسم بايولوجي مرحلة اولى قريبة من قسمج

جاوبتها بأستغراب

_عاشت الاسامي بس شلون عرفتي قسمي

ردت بابتسامة

_مكتوب على ملزمتج

باوعت للملزمة جان مكتوب علوم فيزياء رفعت راسي بفشلة وگتلها

_ما منتبهة عليهن

ورا شوية گامت وشالت جنطتها گالت

_ان شاءلله راح نلتقي هواي تشرفت بمعرفتج عافتني وراحت

بقيت صافنة باثرها ما اعرف ليش حسيتها حزينة ووحيدة بس خلتني اتعجب من گالت راح نلتقي هواي فزيت من افكاري على صوت المنبه يعني عدنة محاضرة طفيت التنبيه وگمت اتجهت لقسمي

وصلت للقسم شفت جان اكو مقعد فارغ رحت گعدت انتظر وقت المحاضرة جنت حاطة ايدي على خدي وصافنة احس بملل فضيع حتى صديقات ما عندي والدوام بعدة ببدايتة حتى ما اگدر اميز الشين والزين فزيت من سمعت واحد صاح اسمي

رفعت راسي شفت بنبة واگفة يمي جانت وياي بنفس الگروب بنية حبابة وفرفوشة كل الدفعة تعرفها گالت

_انتي غزل

اي اني تفضلي محتاجة شي

_اكو واحد يريدج ينتظرج يم قاعة A