لاتنسون التصويت وتعليقاتكم بين الفقرات 🦦
_________مشيت بدربك انه
وتيهت دربي
ماسويتلك موزين
هاي الضلت ابگلبي .___________________
سمعت صوت جهاد وهوه يكول : شني مانخفضت حرارتها صارلها ساعتين نفس الشي !
جنت اسمع كلامهم بس ماگدر افتح عيوني ، رجعت لنفس الضلام وماعرف الصار حته صوتهم گمت ما أسمعه
شهگت بقوة من نشمر علي مي بارد ، فتحت عيوني ببطء شديد
بقيت افتح واغمض بيهن ، وضحت الرويأ شفت نفسي بلحمام وجهاد لازمني
حجيت بخمول : بـ بارده وخـ رر
جهاد : مَيخالف هسه ترتاحين
- م مـ اگدر كلش بارد
جهاد : ألم دقيقه ولا عذاب ايام هانت
مارديت ورجع شمر مي بارد عليه ، بقيت أتنفس بسرعة من بروده المي
جهاد : رايح اجيبلج ملابس تا تغيرين هذول
بقيت ساكته ماجان عندي القوة بلرد ، شوية واجه انطاني الملابس
جهاد : تگدرين تبدلين ؟
- امم
جهاد : زين منتظرج بلباب !
مارديت طلع وسد الباب وراه ، بقيت انزع بلملابس بتعب
أول مالبست الدشداشه حسيت عبالك جانت على الطباخ من حرارتها ماعرف من الحرارة لبجسمي
گملت وفتحت الباب تلگاني جهاد ، مشاني للاستقبال
حجيت بتعب : چؤ، وديـ ني للغرفـ ة
جهاد : عوفج من الغرفه ابقي هنا أفضل
گعدني على التُخم وراح ماعرف وين ، تمددت وغمضت عيوني
عاط جهاد من بعيد ، جهاد : لتنامين يول
فتحت عيوني وحجيت بهدوء : انعـس
جهاد : بس اخذي العلاج ونامي
- جسمي يوجعني ولعبانه نفسي
جهاد : شبيدي عليج يول
مارديت وبقيت متمدده شوية واجه بيده گوب حليب حار ، گعدني عدل وانطانياه
بقيت اباوع على الكوب بشرود ومالي نفس شي ، فززني صوت جهاد
جهاد : اشربي ليبرد
- مالي نفس
جهاد : أشرب حبيبي تااطيب أسرع
أخذت نفس وبقيت أشرب بي ببطء ، اخذه جهاد من أيدي وراح ماعرف وين
شوية واجه وبيده كارتونه عرفت جاب بيتزا ،
- جهاد والله لعبانه نفسي كلش
جهاد : لخاطري يول لو ماعندي خاطر يمج؟
YOU ARE READING
سفاح الوهمّ
Actionاباوعله ودموعي تنزل على خدي بكل سلاسة باوع عليه بعتب وكره وگال ليش يُبا هيج تاذيني شمسويلج انا؟