سفاح الوهمّ

part 18

لاتنسون التصويت+التعليقات بين الفقرات 💙
______

شَايف مِن يجن كِلهن ؟
لا بيك التگوملهن
ولا بيك التِرتبهن ..
حِزنك ،خُوفك ،والضياع البيك
كِلي شلون متحَملهن ؟.
________

__ريم ___

طلعت من الشركة واحس بگلبي مو نار شي اقوه !!

دموعي تنزل على خدي بكل هدوء ، ماجان مواعدني بشي ولا معترفلي ولا شيي بس حبيته بيني وبين نفسي

احساس جديد حسيت بي بحياتي ماحاسة بي من قبل من اباوعله احس شي يدغدغ بروحي چنت متوقعة هوه هيج احساس الحُب

بس للأسف نسيت سلبياته وشنو تگدر تسوي ، اكو حديقة قريبة على الشركة رحت يمها وبقيت اباوع لإرجائها بكل تركيز وكل مايمر من يمي شخص اگول معقولة مرتاح بحياته

درت وجهي على صوت وهمّ وهية جاية بتجاهيي ،

حجت وهية تلهث وواضح القلق عليها : وين جنتي يا امي والله گلبي راد يوگف من الخوف عليج

ريم : اريد أرجع للبيت

- هسه اخذلج أجازه واجي

أكتفيت ان اهزلها راسي ، شوية واجت وجايبة جنطنه وياها ، اخذنا باص وگعدنا على مقاعدنا

طول الطريق تباوعلي بقلق ، احس روحي طلعت اريد بس أوصل للشُقة واشبع خدي دموع

اول ماشفت الساحة الگدام العمارة بسرعة حضرت نفسي حته انزل

وگف الباص فتحت الباب ونزلت امشي سريع وصوت وهمّ وراية تصيح : لج ريم دوگفيي

غلست عليها وكملت مشي، حسيتها صارت بصفي بقيت ساكته ماجان الي نفس حته من اسحب هوا

فتحت الشقة طبيت گبل للغرفة سحبت ملابس ورحت للحمام اسبح

بقيت مدة جوه الدوش على نفس الوضعية لامة رجليه لصدري ومحاوطتهن بأديه والتفكير اله دور چبير بهلموقف

حجيت بشهگه : شَد حَيلك يَگلبي الليلة مَلتمات .!

بقيت ابجي واحاول ماطلع صوت اعرف هوه ماله ذنب لان أصلاً ميعرف احبه بس ماگدررر احس شي من روحي انوخذ

ابتسمت واني اذكر موقف وياه ، جان اكو ملفات وبصهن كوب الگهوة جان يشرحلي على الإجتماع وشلون لازم احنه نفوز بي

بلغلط ضرب الكوب وتبده عليه اباوعله يروح منا ويرجع منا وكلمة تتوجعين متوكع من السانه، نروح للطبيب ، اسف والله مامنتبه

نسيت حرارة الگهوة من كلامة وحنانه وهذا يزيد حُبي وتعلقي بي أكثر وأكثر

شهگت بقوة واني احجي : ليش ياربي ماجعلته نصيبي والله حبيته گمت اطلبه حته بصلاتي ، اذكرت قول الله تعالى
﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وانتِم لاتعلمَونّ ﴾