سفاح الوهمّ

part 14

يَتساقطُ، مِني شَعري، رمّوشي،مَشاعري، دُموعي، أصدِقائي،أحلامي رُبما أنا الخَريفُ، ذاته؟.

_________

من گلت بأن يمكن حبيبته اباوع لملامح ريم بين عليها الحزن

ريم : ماعتقد أصلا ممناسبين سوه

استغفرت من هلبنية اگلها ثور تگلي احلبة

- صح مبقه على داوم المدارس بس كم يوم

ريم : احنه حته منعرف وين ولا اسمها

- اممم، بأجر اشوف بأن وتسولفلي

ريم : رايحه الملم الشقة

- عوفي للصبح

ريم : لا عادي وها بأجر اروح وياج شوكت انضفه من نرجع قابل؟

تنهدت بملل ، ناوية تقدم نفسها للهلاك بطبق من ذهب ، عافتي وراحت تنظف طفيت الضوه وشغلت گلوب خفيف

____ريم_____

كلام وهمّ مثل الصاعقه ونزل على گلبي ، معقولة يحب بأن لو هيه تحبه

ويمكن على علاقة !! لازم ابقه اروح وي وهمّ وأعرف

ولو شعلية بي قابل مرته واغار ، بس ميخالف هم لازم اعرف

اوفف شهلتناقض هذا صرت وهمّ الثانية ، مرة انظف ومرة أذكر كلام وهمّ وأنقهر  بداخلي

گملت الشقة ورحت فتحت الغرفة لگيتها مطفية الضوه ومشغله گلوب خفيف ورايحه بسابع نومة

تنهدت ورحت نمت بفراشي وتفكير يجر تفكير لحد مجرني النعاس ونمت...

گعدت على صوت وهمّ المزنجر وهية تغني : نرجع سوه هيهات واعتبر حُبك مات

ريم : خاببب هااهاا شبيج من غبشة الله ؟؟

باعوتلي صفح ورجعت تكمل بصوتها المزنجر اقصد العذب : نرجعععع سوه هيهاتتتت واعتبر حُبك مات
بس احلى الايام  ضاعن حرامات يبوو يبووو

عفتها ورحت اغسل وجهي ، طلعت من الحمام وباوعت للساعة جانت بـ7ونص رحت صليت وگعدنا نحضر بلريوگ

وهمّ : ريم بدلي بسرعة لتتاخرين وتأخريني زين

ريم : اممم

گملنا علسريع ودائماً وجبة الريوگ تكون غير مرحب بيها وغالباً منتريگ متعودين ماعرف لان جانت رنا تحرمنا من الريوگ دائماً .

____وهمّ_____
بعد ماكملنا اكل ،
رحت لبست بنطرون اسود وياه تيشيرت لونه اسود وبي جملة بلون الأبيض" good day " بمعنى يوم جيد لبست فوكاه قمصلة كريمية وبوت طويل لونه كريمي  باوعت بلمراية وگعدت امشط بشعري واكتفين ارفعه من الجوانب واعوف لباقي مفتوح

خليت مكياج قليل مجرد مارسمت عيوني وحددتهن ، باوعت للشامة بتأمل احب مكانها وشكلها نزلت نضري لخدودي لبيهن غمازات خفيفة