سفاح الوهمّ

part 10

خَايـفَين وياهَو يَدري بخوفنَا ؟
احنهَه شو ياهَو النحبَه يعوفنَا

__________

  لعابة متروسة دم بقيت اباوع يمنه ويسره مالگيت اي احد اخذتها وسديت الباب

ريم : وين يريد يوصل هذا

-ماعرف بس والله لعبت نفسي منه لازم اخليله حد

باوعت للعبة بتمعن وانتبهت اكو ورقة بداخلها طلعتها واني عاكده الحواجب

ريم : بسرعة اقري لمكتوب بيها

- چؤ، لتصيرين ملگوفة عيب بنتي عيب

ريم : اهووو ديلا افتحيها

فتحتها وقريت لمكتوب بصوت واضح

* ول خالي ميصير تطلع واتعب نفسك وانتَ عليك الشهرية انا ماخذلج اجازه من المعهد كُلشي ولا نتعب مجرمتنا الحلوة *

بقيت صافنة على الورقة شلون عرف هذا ، رحت اخذت الموبايل اتصلت على المعهد وفعلاً اجه شخص ماخذلي أجازه اسبوع كامل

ريم : عزهههه ميستحيي هذا

- هسه انتِ عفتيها كلها وركزتي على هاي خب ولي من گدامي بروح المامرتاح بكبره

ريم : يا شبيج غير عيب

عفتها ودخلت للغرفة بقيت صافنة على الورقة وكل دقيقه ارجع اقراها معقولة خالي دازه بس لا لو فعلاً هوه جان بسرعة رجعنا للعراق مو معقولة يعوفنه هيج

همه احتمالين لو فعلاً خالي لو صدك جان شاهد بيوم الحادثة

واول احتمال نشخطه ، تنهدت بضيق والله البيه مكفيني ، خلص اليوم بملل

اجه ثاني يوم ولاحظت بأن مختفية حته على الواتساب اخر ضهور منذ يومين اتصلت بيها وبسرعة ردت

بأن : لك هلا يحلو لازم مشتاقلي

رديت بابتسامة : امم مو شفتج مختفية وينج

بأن : موجوده بس شغل عندي هلفتره اي انتم شلونكم ترا اشتاقيتتت

- زينين الحمدلله ، عندج شي ليوم ؟

بأن : افرغلج ولايهمج

- چؤ ، لضغطين على نفسج من تشوفين ماعندج شي تعالي

بأن : تمام حبيبتي وهسه لازم اروح باي

- باي ، سديت الخط منها وانتبهت الساعة بـ10:46 صباحاً ، رحت للمطبخ لگيت ريم دتحضر بلريوگ

- هاريم ها تريدين رجل لازم

ألتفت بصدمه
ريم : يااا شوكت كايله اريد رجل

- ترا واضح وحته منتبهتلج هواي تنضفين عود شني شوفيني صرت نادرة وزوجيني

ريم : تحجين صدك قابل انخيس يعني لو شلون ؟