دامِك سكنتي القلب اسمعي العلوم إنتي سبب فرحِتي ومسك الختام .

الجزء الثلاثون

عشق احمرت خجل : بتوقف و لا ايش ؟ خلاص  استحيت !
النوفل ابتسم يتأمل جمالها :  سبحان الي خلقك و خلق هالجمال و حطه فيك !
التفتت عليه مبتسمة : و سبحانه الي خلاك بهالوسامة !
مسك شنبه يبتسم : اخ بس يا عشق !
عشق : سلامتك من الآخ ! وش صاير  ؟
النوفل : وش سويت بحياتي عشان ربي يرزقني اياك ؟
عشق ابتسمت : حظك و نصيبك ، مكتوبين لبعض !
ابتسم من تذكر : غمضي عينك
عشق بإستغراب : ايش ؟ اغمض عيني ؟
النوفل : غمضي فيه مفاجأة تستناك
عشق : هي ترا ما احب المزح البايخ الي تحط شي بحضني اكرهك لو سويتها
ضحك : ليش تسبقين الأحداث ؟ غمضي اول
غمضت بثقه : اعرف انك ما تسويها
طلع من جيبه بوكس يضم دبلتين وحده له و وحده لها ، النوفل بإبتسامة : فتّحي عيونك
فتحت عيونها و انصدمت من جمال الدبل : الله ! يجنون نوفل يجننون !
النوفل : والله محد يجنن غيرك !
اخذ الدبلة يلبسها اياها ، ابتسم من شافها تضم اصبعها ، غمض عينه يقبّل يدها بكل شعوره !
ابتسمت بخجل من رفع راسه يناظرها : تزهينها والله تزهينها ! و ما زانت الا عليك !
نزلت عيونها للدبلة المرصعة بأحسن انواع الألماس : جميييلة ! اخذت عقلي !
اخذت دبلته و ارتعشت من مسكت يده الضخمة ، لبسته الدبلة و حطت يدها بجانب يده : يالله ما توقعت بيوم من الأيام ان زوجي بيكون النوفل ! كيف كذا
النوفل ابتسم يتأمل يدينهم : و لا انا تخيلت ان زوجتي بتكون عشق !

بالخارج
هتاف : امسكيني دخت دخت ! وش هالجمال !
تغاني بكاميرتها : اصبببري جايك الكثير ! يالله عشق و النوفل وش ذا التناسق الرهيب الي بينهم ! مو صاحين
صفقت على خفيف و كتمت صرختها من شافت النوفل يحضن عشق و يدفن رقبته بشعرها : حييووااان حيوووان شوفي حركاته !
تغاني ضحكت : حرام عشق حمّرت زي لون فستانها هههههه
هتاف ابتسمت من لطافة منظرهم : كييووت ! شوفي كيف يتأملها و كأنها اعظم انجازاته !
تغاني كملت تصوير بدون محد يعرف

بـعد مُرور خَمس أيـام
الصالة
تغاني نقزت : انتو متخيلين ان بكره زواج غدق ؟ و هذي الليلة الأخيرة من غير شر و هي معنا ! يالله بشتاق
هداد : من بيصحيني الصباح ؟
نغم : اووف بشتاق بحشنا اخر الليل معها
هتاف دمعت : موجة اكتئاب مفاجئة
ابراق دخلت و بيدها قهوة سوداء : من بيهاوشني على القهوة و يبلشني ان الشاهي الذ من القهوة ؟
تنهدت نغم : اسكتوا لا اصيح
تغاني : هي وين ؟
هتاف : فوق غارقة بهواجيسها
هداد : يمه يا بنات وربي شعورها يخوف ، فجأة بتصير ببيت لحالها و متزوجة ! ببكي ما تعودت
ابراق : استغفرالله ليه تتكلمون و كأنكم ما بتشوفونها ؟
قاطع سواليفهم صوت رنين جوال نغم ، ابتسمت ترد : هلا الزين !
الزين : هلا والله ، اسمعي تعالي انتي و البنات و معكم غدق مجهزة لها مفاجأة ، ترا دقيت على عشق و بتجي
ضحكت نغم : اما بتجي ؟ ما ظنتي والله دام النوفل طايح عندها ليل نهار
الزين : لا ما عليك هي قالت بتجي ، بس باقي انتوا و العروسة
نغم ابتسمت بثقة : ابد خليها علي !
الزين : اي صح تذكرت تعالوا ببجايمكم لا تكشخون ، و جيبوا يسوري معكم
نغم : اول وحدة تركب السيارة يُسر ما عليك
التفتت للبنات و اللي باينة عليهم الأسألة : الزين مسوية مفاجأة لغدق و تقول تعالوا و جيبوها معكم ، وترا عشق موجودة
ابراق ابتسمت : وناسة !
هتاف صفقت : اهم شي زوجة ولد العم البطلة موجودة
تغاني ابتسمت : اشكر ربي ان كاميرتي شحنها فُل و لا من بيوثق الذكريات غيري ؟
هداد قامت : اقول قومي انتي و ياها خلونا ناخذ عباياتنا و نروح ترا بنتأخر !
تغاني قامت تركض و وراها هتاف ، نغم بصوت عالي : جيبوا يُسر معكم !
دخل سادن بإستغراب : السلام عليكم
الكل : و عليكم السلام
سادن : عسى ما شر ؟ على وين ؟
ابراق ابتسمت : بنروح لبيت الزين
اخفى ابتسامته من سيرتها ، اكملت هداد : و بناخذ يُسر ترا
ابتسم : انبسطوا !
نغم : بس ترا يمكن نطول
سادن : خذوا راحتكم ، بس لا تسهرون بكره وراكم عرس و لا تخلون يُسر تسهر مو زين لها
هداد ضحكت : و اصلا الزين بتخليها تسهر ؟ مستحيل
رفع راسه من سمع صوت يُسر الي تنزل من على الدرج : بابا !
تقدم يشيلها مبتسم : عيون بابا !
يسر ابتسمت بفرح : بروح لماما الزين و بتعطيني حلاو و شبس
ابتسم يشوف وحيدته : بالعافية عليك يا بابا ، بس نامي بدري زين ؟
يسر ابتسمت : طيّب
باس خدها و نزلها : انتبهوا على نفسكم و على سوسو ، استودعتكم الله
اكمل طريقة متوجه للأعلى ، نزلت هتاف لابسه عبايتها : يلا ؟
هداد التفتت : باقي تغاني و غدق
نغم قامت : شكلي بروح لغدق تغاني مطوله
توجهت للأعلى ، فتحت الغرفة و ابتسمت من شافت غدق جالسة على سريرها و ساهية عن الي حولها و تفكر : غدق
التفتت بفزع : بسم الله ! وش جايبك ؟
ضحكت تتقدم لها : قومي بس و البسي عبايتك الزين تقول تعالوا عندي و عشق بعد بتجي ترا
غدق : اوف ! طيب اصبري ببدل ملابسي
نغم : لا لا ما يحتاج كلنا بنروح ببجايمنا ما فيه احد غريب
غدق : طيب ما فيني حيل اجيب عبايتي جيبيها
ابتسمت : لأنك عروسة بس و لا تخسين
رفعت حواجبها : خير ! ترا اكنسل الطلعة
نغم التفتت بسرعه : لا تكفين ! يالله يالله خليتك تقومين
اعطتها العباية : البسي و تعالي بسليبر لتحت