دامِك سكنتي القلب اسمعي العلوم إنتي سبب فرحِتي ومسك الختام .

الجزء الرابع عشر

تغاني : اشكركم على تعبيركم الجميل ، نروح للي بعده ، عمتي الجميلة ابراق ، ابراق : اليوم انا فرحانه لفرح عيال اخواني الله يسعدهم ، وحابه اقول للنصراويين هاردلك
تغاني : اشكرك ياحلوه على تعبيرك نروح للي بعده ، هتاف القلب عبري ، هتاف بضحك : ليه تطالعيني كذا ؟ المهم اليوم غمرنا الفرح ولله الحمد ، فاز الأزرق الجذاب لدرجة العذاب !
تغاني : اشكرك حبيبتي بس قلت عبري عن فرحك مو عن مشاعرك ، كلنا دارين انك خاقه على اللعيبه وتتابعين بدون ما تعرفين شسالفه بس اوكي ، نروح لحبايب قلبي ، اختي هداد وبنت عمي نغم ، عبروا عن شعوركم ، نغم : والله اليوم مستانسين لولا الشخصنه الي صارت ، هداد اكملت : يارب لك الحمد ما كنا شايلين هم شي ابدا والفوز بالجيب !
تغاني : اشكركم على تعبيركم الجميل مثل وجيهكم ، نروح للفريق الخاسر للأسف المسمى بالفقراويين وما خاب ظن الي سماهم كذا ، الحمدلله والشكر لا لعيبه ولا لعب زين ولا خطه ، يلعبون بنياتهم مع شوي تمثيل ، عبروا عن شعوركم ، جبر بغبنه : ليه كذا ليه ؟ المدرب ما عرف يختار ابدا ، واللعيبه كلهم ميتين وكل واحد يلعب بجهه وش ذنبي انا المشجع اتفشل بدالهم ؟ !
تغاني : والله انت الي اخترت تشجع محد غصبك ، نروح للخاسر الثاني غانم ، عبر عن شعورك ، غانم : يعني لا لعب ولا تشكيله ، ومحملين كل شي الحارس الله يكتب اجره ويبون يفوزون ، لا تهايطون وتقولون بنقدر عالهلال وبنهزمه ، انت اول شي حط لك خطه مو كل واحد يلعب بجهه !
تغاني : والله مره اسف لك ان شاء الله تتخطى ، طبعا اليوم بنذوق اسوء كبسة بالحياة ادعوا ما نتسمم ، كملت التصوير ، يمن : يحمار حط طماط شلون كبسة بدون طماط ؟
غانم وهو ماسك السكينة : شرايك تنطعن اليوم ؟
يمن : بسم الله علي
منذر : يا متوحش اترك يُمني !
جبر بغى يصفقه لكن تماسك ، هداد : بالله نبي سلطة مع الكبسة
النيار : كثر بهارات يا ورع !
غانم : النيار شف اعزك واغليك بس انقلع
النيار ضحك ، يحب يستفزهم : كمل وانت ساكت بس
غدق : حطوا مع السفرة لبن
جبر رفع راسه من القدر : لا يكون حنا الي بنفرش السفره ؟
نغم : اجل حنا يعني ؟ وترا بتلفون على كل غرفة تقومون العالم يتسحرون
غانم حط يده على خصره : وش ؟ خير ان شاء الله ؟
النوفل : احد قالك تشجع الفقر ؟ لا طبعا !
جبر كمل يقلب الرز بالقدر وغانم يقطع طماط ، والباقي يطقطقون
طلعوا فوق يقومون الأعمام وحريمهم يتسحرون ،
جبر يطق الباب : يا عمي سحور
فتح الباب حكيم بإستغراب : شفيكم يا عيالي ليه انتم الي تقومونا عالسحور ؟
غانم : انزل تحت يا خالي وتعرف كل شي
حكيم : ابشر ، سكر الباب ولف على اغادير : وش صاير ؟
حكيم : غانم وجبر اللي يطقون الباب يقومونا عالسحور
اغادير بإستغراب : غريبه مو ميمونه ! ما سألتهم ليش ؟
حكيم ماسك بجواله : يقولون انزلوا وتعرفون

: يا يبه يلا سحور
حذيفه فتح الباب : هاه يا ولدي ؟ اوه غانم هنا يا هلا
غانم : هلا بك يا عم يلا سحور الكل ينتظر
حذيفه : زين زين ، سكر الباب ولف على سؤال تقاء : وش يبون العيال ؟
حذيفه : ينادونا عالسحور