دامِك سكنتي القلب اسمعي العلوم إنتي سبب فرحِتي ومسك الختام .

الجزء الرابع

قبل لا يدخل المجلس دق جواله ورد : هلا يمه
اغادير : نيّـار يمه روح شيك على العشاء مدري العامل جابه او لا وشوف اذا فيه ببسي وسفن وماء
نيّـار : ابشري بس شوفي لي طريق
اغادير: محد حولك رح
سكر نيّار الجوال واتجه الى مكان العشاء الخاص بالحريم والي كان يتميز ديكوره باللون الذهبي مع اللون الأبيض اللؤلؤي ، قعد يشيك على العشاء والمشروبات قاطعه صوت كعب غدق وهي تكلم شخص بالجوال : كم رقم المريض ؟ دق على الدكتورة فاطمه تشيك على الحالة سريع يمكن اتاخر .. ايش كيف حالته مو مستقره انا قبل شوي كنت اتكلم معه طبيعي وش حصل ؟ متاكدين ما حطيتو له شي يسبب حساسيه ؟ اايشش ثواني وجايه وطلعت وهي تركض وكل هذا كان تحت انظار النيّـار المستغرب من الي حصل

قسم النساء، مجلس الحريم :
غدق دخلت وعلى طول راحت عند جدتها : يا جدتي انا استأذن عندي حالة طارئة بالمستشفى
الجده لولوه :روحي يا بنتي الله يوفقك ، بدق على احد يوصلك
غدق : لا انا بسوق ما يحتاج
الجده لولوه بحنيه : طيب يا بنيتي خذي لك لقمه قبل لا تروحين
غدق : على طريقي يا جده ، يلا مع السلامه جميعا
الحريم : مع السلامة
وحده من الحريم بلقافه : وين بتروح غدق ؟
الجده لولوه وهي ودها تزبد لها : عندها شغل بالمستشفى
الحرمه :الا وراها تشتغل اللهم يا كافي كل شي عندها ، بعدين مردها لبيت زوجها ،اصلا المفروض الحرمة ما تشتغل
الجده وصلت حدها من جهل ذا الحرمه وتفكيرها القديم: انتي شدخلتس بفهم ؟ خليتس بسوالفتس وشاهيتس ابرك
نغم وهي ماسكه الضحكه بهمس : بومم تفقعت جبهتها تفقيع
هداد شوي وتموت من الضحك: اااخخخ يربي احب جده لولوه
الحرمه وجهها صار الوواان ودها الارض تنشق وتبلعها من الفشله

قسم الرجال :
يُمن بهمس : يا جد العشاء جاهز
الجد عياش : حياكم الله يا رجال على العشاء
بدو الرجال يمشون للمقلط الي موجود فيه العشاء

قسم النساء :
ابراق بهمس : يمه العشاء جاهز
الجدة : حياكم الله على عشاكم يا حريم اقلطو الحريم كذلك بدو يروحون للجلسه الي برا المتميزه باللون الخشبي واللؤلؤي الي موجود عنده البوفيه وكانو مبهورين بالفخامه والرقي: ماشاءالله لا اله الا الله وش هالزين يا ام حكيم
الجده لولوه : الله يسلمتس

المستشفى ، عند غدق :
:حبيبي محمد وين الالم ؟
الطفل محمد وهو يأشر على بطنه : هنا
غدق وهي تكلم الأب : اكل شي غريب عليه ؟
الأب وهو يتأمل غدق بشكل مقرف :هاه لا لا
غدق وهي ما انتبهت له : عنده حساسيه من شي ؟
الأب : لا
غدق وهي تكتب : روحو سوو اشعه وارجعو لي
لفت وهي تكلم الممرض : دلهم على غرفة الأشعه
طلعت ولحقها الأب : انتي متزوجه ؟
غدق انصدمت : عفوا ؟ ياليت نحط حدود ولا شايفني خويتك ؟ ، تركته وراحت
غدق : الله يقرفه تكفين
فاطمة صديقة غدق : شفيك شصاير ؟
غدق : واحد الله لا يوفقه جايني بولده مريض ويبي يتعرف
فاطمه : للحين ما انقرضوا ذا العينات الله ياخذهم ؟
غدق : مدري عنه المتخلف ولا جايني يسأل انتي متزوجه ؟ قسم بغيت اجلده
فاطمه وهي تضحك : يربي اتخيل رياكشنك ههههه
غدق : يربي الحين لازم اروح اسوي جوله عالمرضى
فاطمه : يووه الله يعينك