سفاح الوهمّ

part 20

- شگد فاهية هوه هيج يندگ

دفعتني وشبعت الباب دفرات ، خفت لاينكسر الباب

اجانا صوت جهاد وهوه يگول بصياح : ايي ايي بس خلكمل بولتي

هوه گال هيج واحنا نمددنا بلگاع من الضحك ، نفتح الباب وشافنا نايمات بلگاع نضحك

بقه يباوعلنا بخزره ، جهاد : منو جانت ادگ بلباب هيج

- ريم گتلها عيب عيب بس ملگوفة بعد

بقيت اباوعلها بصدمةة اريد احجي ماكو ،

حجه جهاد بستهزاء : اي سوده عليه انتِ شكثر فقيرة عجل

حجت بحزن مصطنع : اي الله اني مريضه وتشوف يعني مال هيج ادفر الباب

جهاد. : اها دافره الباب يعني

- لتلح خوش، عود زلمه ومشورب وماعدك ملگه ولاصاحب ضيافة

بقه يباوعلها بصدمة حقه إذا هية حته مجال مانطته ولافتها عليه

جهاد : وانجعل محمد نبي كيدهن عظيم

رفعت شعرها بغرور بايدها السليمة : بنات حواء بعد يابة

باوعلها صفح، جهاد. : تفضلن طبن جوه خلنحجي بموضوعجن

- لايمه رجال وحدك بلشقة وأحنا بنات شابات كل تلاثه رابعهم الشيطان

مسح وجهه ورجع رفع رأسه ، جهاد : عليتي گلبي عل خالي نوديج يمنه لاترضين نوديج يسرة لاترضين شتردين انتِ؟

ريم  : عوفك منها جهاد اريد اكلك على شغله تخص حميد

بقه يباوعلي بتركيز وهوه منتظر اكمل كلامي ، نطت وهمّ وحجت بنتر : نزل عيونك لافكسهن

دار جسمه على داخل الشقة وحجه بجزع ، جهاد : رضيتييي؟؟

- كملي حبيبتي ريمه موضوعج

ريم. : احم اي واحنا رايحين على الصيدليه لحكتنا سيارة

گلت هيج وهوه بسرعة التفتليي وبقيه يباوع باهتمام ، جهاد : ايي كملي خوية ؟

ريم : اي بقت ورانا لحد ماحميد خابر واحد وكله راح ادزلك الموقع وتعال بس كال لتحجين الجهاد واني حجيتلك لان واضح مسوي مكسورة

جان يباوعلي بجدية من كلت آخر كلمة طگها بضحكه عالية وهوه يكول : مكسورة شني لاخوية وشكراً لان حجيتيلي على الارعن هذا

حجيت بتساؤل ، ريم : ليش هلگد مهتم بحميد ؟

رد بابتسامة ، جهاد : لان اخوية وابني

بقينا نباوعله بصدمةة

- عزهه حميد اخوك انتَ !

جهاد : اي وشبية انا؟

- لا مو اگول هذاك عاقل ورزن شجابة عليك

استغفر وحجه: تمونين انتِ