بليتني بنفسي ونفسي في غنى عنك

البارت 11

عند اهل الديره
دق راشد على سالم
راشد : يلا سالم تكفىى ردد والله ماهوب وقتكك
ناصر : يووهه ذا راشد الحين ويش اقوله
عايض : من راشد ؟
ناصر : اخو سالم
عايض : رد طيب وقل سالم راقد ؟
ناصر : اخاف يعرف من صوتي انه فيه شي
عايض : وانت ليه خايف ؟
ناصر ارتبك وقال : من ولاشي بس خايف على سالم
عايض فهم عليه وهز راسه ببطئ
ناصر رد : الو ؟؟
راشد : الووه سالم
ناصر : هلا راشد انا ناصر سم ويش بغيت ؟
راشد : ناصر سالم وينه
ناصر : سالم راقد
راشد : ااااووففف مب وقتهه قوومهه
ناصر : شفييكك ياولللد ؟؟؟
راشد : ابوي ابوي ياناصر طاح علينا وعلاجه مع سالم ماندري وين يحطهه بسرعهه
ناصر : راشد راشد اسمعني هد اذكر سالم مره قال لي انه في غرفته او في غرفه اختك رح بشويش تلاقيه على التسريحه شوي شوي لاتروع احد
راشد : طيب طيب خلك معي
ناصر : سرييع
راشد : لقييته لقيتته الله يوفقك ياناصر
ناصر : وياك يارشود ولا اوصيك عاد
راشد : لاتوصي مع السلامه

سالم : طلع يركض وهو ينادي الدكتوره ويقول ماتت ماتت ودموعه بمحاجر عيونه
عايض : انلجم مكانه وقعد على الكرسي بهدوء عكس الي داخله وهو يرفض فكره انه سمع ذا الخبر مره ثانيه
ناصر : كان يراقب سالم ويخاف من حالته ويخاف من سالم بكبره بحكم هيئته وهيبته
دخلو الدكاتره ونقلوها غرفه الانعاش وسالم تلطم وهو الي اذا ضاق او صار اي شي هو مايعجبه ولا عصب يتلطم على طول
سكتو هادين لمده عشر دقايق محد له حس
وسالم متر الممر روحه وجيه وينتفض
طلع الدكتور وركض له سالم وتجعمو عليه العيال
سالم وعايض ماقوو يتكلمون
ناصر بحكم انه مامر بذا الموقف قال بهدوء : ها يادكتور ؟
الدكتور : الحمدلله البنت مافيها شي يبغى لها كم ساعه بس ترتاح فيها وتقدرون تاخذونها
سالم الي طاح من طووله يسجد سجده شكر لربه وعايض كذلك وانظم لهم ناصر
طلعو سيلين وودوها بغرفه عاديه
قعدو العيال برا ينتضرونها تصحى ويناضرونها من القزاز
ناصر : انا بطلع الحديقه اذا خلصتو تعالو
عايض بهدوء : انا بقعد مع سالم
سالم : الله يسعدكم ياعيال وقفتو معي لاخلا ولاعدم وابشرو بالعوض
ناصر وعايض : راسك العوض
طلع ناصر وجلس سالم جنب عايض ينتضر سيلين تصحى
عايض : عرفني عليك ياسالم ؟
سالم : هدرتي واجده يابو محمد علمني انت
عايض : عمري 20 لواء مثل مانت خابر عزوبي
سالم : سكت وهو مايبي يحرجه قال للحين عزوبي
عايض : تكفى لاتقول انك متزوج
سالم : ضحك وقال لا وين
عايض : وناصر
سالم : والله مدري بس ظني عمره 20 بعد ووحيد اهله وعاطل وعزوبي
عايض : الله يعين وانا اخوك
سالم : امين
جات الدكتوره
د : من فيكم ولي امر المريضه سيلين السعد ؟
سالم : انا
د : صحت تقدر تشوفها واذا خلص المغذي تقدرون تتفضلون
سالم : شكرا
سالم لف على عايض : اعذرني يالخوي بشوف اخت الراشد واطلعها واجيكم
عايض : هجل انا وناصر ننتضرك
سالم : تم
راح عايض وسالم دخل بسرعه لسيلين
سالم : سيلين طيبه ؟
سيلين : طيبه بس طلعني خلاص بروح لامي
سالم : اصه خليه لين يخلص ونروح سواء
سيلين : ننععممم نعععمم ياخوو رااشدد !!!
سالم : وجع خير ؟؟
سيلين : في وجهه العدو ان شاء الله طلعني ولا نحرتك
سالم رفع يدينه لسماء وقال : ييالله اني في وجهك من ذا الاخت حتى وهي مريضه تتوعد وتتهد
سيلين : ضحكت ومسكت ضحكتها بجديه وقالت يلا يلا خلصني ؟
سالم : راح ودعى الدكتوره وفكت المغذي عن سيلين وطلعت سيلين وهي مستنده على يد سالم
راحو السياره وكانو فيها عايض وناصر
سالم : ها علومكم
عايض وناصر :الحمدلله على السلامه
سيلين وسالم : سلمكم الله
سيلين ركبت السياره بألم وسكر الباب وراها سالم
وركب ساالم وقال يلا ناصر على الديره
ناصر : ابشر بيي والله
وقعدو يسولفون تحت استماع سيلين لهم وكانت سانده ظهرها وحاطه يدها على خصرها بألم وشعرها متوزع حولها وتطالع بالطريق من الدريشه وساااهيه
سالم : لف عليها وهم الي وقفو عند المحطه يشترون لهم اكل وخرابيط بس هي ماحست وظلت ساهيه ومهوجسه بالطريق
سالم : اخت الراشد ؟
سيلين همهمت له :
سالم : ودس بشي من البقاله ؟
سيلين هزت راسها بالنفي
سالم : البوفيه طيب ؟
سيلين هزت راسها بالنفي
سالم : لذا الدرجه الزعل يابنت السعد ؟
سيلين وهي ترفع يدها وتحطها قدامه : خلاص ياسالم فكني عاد قلت مابي الا غصب ؟؟
سالم : بتشوفين طيب
يلا ياعيال ؟
العيال يلا
راحو كلهم السوبر ماركت الصغير الي بالمحطه وبدو يعبون سلالهم وسيلين سااهيه ومهي صوب احد
عايض خلصت وراح دفع وركب السياره لانه مايبي احد يدفع له وناصر وسالم يتضاربون على شوكلت وحده وهو فيه مليون غيرها

السياره
عايض : اخت الراشد ؟
سيلين لارد
عايض : يوجعك شي ؟
سيلين لارد
عايض سكت وهو يحسبها متعمده ماترد عليه وسيلين في عالم الاحلام نايمه عشان يخف الالم
سالم وهو يركب السياره
ايوه ياخت الراشد شريت لس وسكت وهو يشوفها نايمه بكل هدوء
سكت سالم وهو يقول غريبه رقدت ؟؟
عايض : شفيك سكتت
سالم : لا بس اخت الراشد راقده
ناصر : طيب واذا راقده ؟
سالم : تكفى يانصور لاتقول انك تغار منها
وفطسو ضحك العيال على الصامت عشان سيلين ماتقوم

عند اهل الديره
سالم : الووه رششود
راشد : ااررحبب
راشد : هاه كنك مسفهل تكفى اخبارن زينه ؟؟
سالم تنهد : زينه الا زينه ونص بعد
راشد اصبر اصبر تكفى بروح لامي وابوي واحط سبيكر
سالم : يلا سريع انتبه لاتطيح
ابو سالم وام سالم : ها ياسالم تكفى بالاخبار الزيينه
سالم : خمنو من الي راقد معي في السياره ؟
راشد : نويصر من غيره يعني ؟
ناصر : خير ياراشد عن الغلط
انفرطو العيال ضحك مع ام وابو سالم
سالم بجديه : لاعاد خمنو من يلا
ام سالم : تخيل تكون سيلين
سالم : صصحححححح
كلهم : اسألك بالله !!
سالم : اي نذر تبون اصورها لكم عشان تصدقون وبعد مافيها شي الحمدلله
ام سالم بدموع : اي تكفى ياسالم تكفى قر عيني بشوفتكم
سالم فز : افااااا يم الراشد لاتنزل دمعه وولدس موجود ساعتين ثلاث وواصلين مامن طواله جعلني فداس ولاعاد اشوف ذا الدموع نازله زعلت منس
ام سالم : والله انها من فرح وسعاده ياسالم والله
سالم : اي اذا هي حزن علميني منهو ووالله لا ابكيه ددممم
ام سالم وابو سالم : الله يخليكم لنا ولايحرمنا منكم
الكل : امين
سالم : يلا بصورها انتضرونا ياويل الي يرقد والكل ضحك واستبشر برجعه سيلين
ابو سالم : سويلم بدال ماتقول ارقدو وارتاحو تقول لاترقدون
سالم : عن الغلط يابو راشد داري اني لو قلت لكم ارقدو مارقدتو من الفرحه اسبوعين وهي ماهيب عندكم ولا لها لاحس ولاخبر مالومكم ياهلي لكن عشاني داري انكم مانتوب راقدين عشان كذا الزم عليكم واقول لاترقدون شفتو كيف
ابو سالم : يلا عاد امنعونا من السرعه والركاده زينه وانا ابوك
سالم : ابشر ابشر ياضلعي وانتو علمو الي عندكم خلهم يرتاحون واولهم منصور جعلني مافقده بلغ على طول وهو مامداه ساعه
ابو سالم : لاتوصي حريص يالله انتبهو
سالم : على خشمي

وصورها لهم وقعدو يتأملون الصوره وسيلين النايمه ووجهها كاسيه الحزن

ناصر : خير غش والله ماخلي رويشدد الزق
سالم : ههههههههههههههههههههههههههههههههههههه تكفىى ياناصر مت ضحك بطني
عايض : يازينكم ياسالم دعاويكم تاخذ العقل وابوك وامك الله يخليهم لك وجعل عمرهم مديد
الكل : امين يارب
سالم : ليه انتو مانتوب مثلنا
عايض : ياولد حتى لهجتكم زينه لعنبيكم
سالم : ااييييه مابعد شفت شي
عايض : تحمست اشوف ديرتكم
سالم : اي الحين تلاقيها كلها فرش احمر بيجهزون اكبر عزيمه في ذا الثلاث ساعات
عايض وناصر : ااماا عاد
سالم : أييّييه حتى لو انكم تعبانين جملوهم شوي وازرقو بيتي على طول الملحق ارقدو فيه الفرش جاهزه
ناصر : اصلا انا دقيت على اهلي وخليتهم يفرشون اقرب مفرش في اقرب غرفه قدامي
سالم : الله يعينكم واضح ماتعودتو على الخطوط
عايض وناصر : اي والله

نااصر شاف قدامه سياره واقفه في نص الطريق وسحب بريك بأقوى شيي

اعذروني بنوتات البارت قصير لكن بعوضكم ان شاء الله يا احباني ✨

انتهى البارت
ألكاتبه / نَجّد