بليتني بنفسي ونفسي في غنى عنك

بارت 1

السلام عليكم ورحمه الله وبركاته حبيت اليوم ابدا معكم اول رواياتي والي هي ( بليتني في نفسي ونفسي في غنى عنك ) اتمنى تنال على اعجابكم

هذا البارت تعريف لشخصيات المهمه والباقي بتعرفونه داخل الاحداث

عائله ابو سالم
ابو سالم عمره (46) عسكري
ام سالم عمرها (40) ربه منزل
سالم (20) يشتغل بدكان ابوه
سيلين (19)
راشد (15)

عائله ابو ناصر
ابو ناصر (44) شرطي
ام ناصر (39) ربه منزل
ناصر(20) يشتغل بشركه ابوه
نوره(18)
سلمى (17)

ابو ناصر وهو ينده على ولده : ناااصرر يانااصر يلا اخلص علينا مابقى الا شنطه
ناصر طالع من البيت وهو يشيل الشنطه : يايبه لا اله الى الله والله ثقيله شوي شوي علي
ابو ناصر : اي اي عفيه على ولدي جبها ، وحطها بدبه السياره
رجع ناصر داخل البيت وهو يتمعن في ارجائه ومو مصدق انهم خلاص بيطلعون منه وبيبيعونه
نوره في غرفتها والدمعه بعينها : يووه يربي في هنا ذكريات حلوه مقدر امسك نفسي
سلمى : يربي منكم تراكم اوفر عاد خلاص انسو وبنروح مكان ثاني احسن من ذا المكان بس اسكتو لاحد يضيق ابوي
نوره تخصرت : لايحبيبتيي مو على كيفس تمشين الي في راسس والله لقول لابوي مايبيعه صح بنروح لديره بس والله ماينباع ذا البيت
ناصر وهو يدخل الغرفه : يلا يابنات ابوي يحتري بالسياره
نوره : يمااااه يمااه يلا بنمشي وينس ؟؟
ام ناصر : يلا ياعيالي هذاي طالعه
ركبو السياره وهم متوجهين لديره الي خلاص بيعيشون فيها باقي العمر
نوره وهي تحطلم : يبه تكفى ان كان لي خاطر عندك لاينباع ذا البيت
ابو ناصر : ابشري يابنتي ولايهمس كم عندي نوره
ناصر وهو فاتح عيونه على الاخيير : هيييئ يهببي عليسس وانا يايبه كم لي اقول لاينباع يعني يوم قالت لك نويره وافقت
ابو ناصر لا انا فكرت بالموضوع وقلت نخلي ذا البيت اجار وانتهى الكلام

سكتو وكملو الطريق لديره

••

في مكان ثانيي
سالم قاعد بملل بالدكان وهو يشوف اذا احد طلع من المدرسه عشان يروح ياخذ اخوانه
سالم : عنتر الا متى ماكنهم اليوم طولو
عنتر بقل حيله : سالم وش دراني انا خلني اخلص شغلي على كيفي تكفى
سالم : خلاص انا بروح اجيب راشد حتى لو ماطلع بطلعه بالغصب
عنتر وهو فانح عيونه : لا انهبلت انت وليه هو اصلا يدرس عشان تطلعه كذا كل يوم
سالم : اوووفف منك خلاص بقعدد اسكت
ابو سالم وهو يدخل الدكان : كفو عليكم ياعيالي الله يقويكم
سالم والابتسامه شاقه وجهه : ارحب ابوي شحالك سم شبغيت
ابو سالم : رح لراشد طلعه من دوامه وطلع بعد اختك معه
عنتر : عاد ياعم وش دراك انه يقول الا متى ماطلعو بطلعهم
ابو سالم : ماعليه ياولدي توهم دقو وقالو يلا اخذو عيالكم
سالم وهو طايير وماسك المفتاح بيده رايح لسياره
شغلها وتوجه لمدرسه راشد
راشد : هييييههه ياهوو خير ان شاء الله ماجيت تاخذني بدري ؟؟
سالم : رويشدد اسكت مني بنروح لسيلين
راشد : بعدد ياقل صبريي ياسلومم
سالم : رويشد امرح علي تراني معصب منك جداً عقب سواتك امس
راشد وهو ينزل راسه ومستحي من الي سواه : والله سلوم اعذري ماكنت اقصد بس تعبت من الحصص وقلت اهرب وطلعت ماهوب بوعي مني
سالم : اسكت اسكت لاعاد تعذر احمد ربك صرفتك عند ابوي ولا كان الحين انت الله يرحمك بس
سيلين وهي تنتضر برا وملانه من كثر الانتضار واخوانها ماجو
وقف سالم قدامها
وهي دخلت السياره والدمعه بعينها
سكتت ولفت على الدريشه تطالع الطريق وتكافح دمعتها
وسالم يعتذر منها وهي ساكته ..

نروح لاخوياء الطريق الطويل ؟

ام ناصر : نايمه
ابو ناصر يسولف مع عياله
صارخوو فجائه يوم شافو اللوحه
وقالو ماباقي الا ساعتييييييننننن بنوصل واخيراً
استانس ابوهم لفرحتهم وانهم متحمسين يشوفون الديره وهم عمرهم ماطلعو من المدينه لديره بس يروحون لمدن
قامت ام ناصر مفجوعه وهي تقول شفيكم شفييكم ؟؟؟
ناصر وهو يضمها بخفيف : سم الله عليس يمه مافيه شي بس باقي ساعتين ونوصلل
ام ناصر ابتسمت صح كانت خايفه بس تلاشى الخوف بشوفه فرحه عيالها
وهم الي ماكنهم قبل شوي يبكون لانهم بيفارقون المدينه

ألكاتبه 📝 / نَجّد

( لاتنسون دعمي بـ نجمه وكومنت 🤍)
{ حفزوني في اي بارت بالنجمه والكومنت + اشتغل على روايه جديده نختم هاذي مع بعض وانزل الثانيه لكم وبتكون احلا من هاذي والاحداث غيير حفزوني انزلها 🩷..}