بليتني بنفسي ونفسي في غنى عنك

البارت 9

بعد ثلاث ايام .....

عند اهل سيلين : لا ليلهم ليل ولا نهارهم نهار يفكرون بسيلين ووش صار لها وحالهم مثله ماتغير الا للاسوء مو للاحسن
راشد : كان يناضر بعنتر الي يحاول في ابوه يطلع يغير جو عشان تتعدل نفسيته وابو سالم رافض قطعياً .
ابتسم بأستهزاء على حالهم وميل راسه وهو مايدري ايش يسوي وفكره كله مع سالم والي بالوييل يرد عليهم باليوم اربع مرات .

ناصر وسالم :
من اول يوم طلع سالم وهو يكمل تدوير عليها وقلبه مشغله كثيير
ناصر : يحاول يهديه وهو كانه معه عشره عمر وماصار لهم شهر حتى وعرفو لبعض وحبو بعض وكأنهم اصدقاء من سنيييين طوييله

اهل الكشته البائسه :
مجتمعين عند عايض بالقسم يشوفون عزيز وباهر ويفرغون غضبهم فيهم بالضرب ماخلو فيهم عظم سالم وقبلهم عايض الي مأنبه ضميره على البنت المضلومه

عرف عايض كل شي عن سيلين عن طريق عزيز .
وعرف وين تسكن عرف كل شي كل شي ينتضرها تصحى وتطيب ويرجعها لاهلها بحكم انه ماعنده رقم يدله
وعزيز الي منكر ان عنده رقم لاحد من اهلها وهم سكتو عن ذا الموضوع ولو اصلا يبي عايض مايكست عنه ويطلع رقم اهلها من سابع سما

كان واقف قدام النافذه الطويله العريضه تفصح له عن الشارع وحديقه المستشفى

فتحت عيونها بهدوء وهي تشوف بياض الغرفه وعقدت حاجبينها بأستغراب من الي تحس فيه
قلبها انكمش عليها
التفتت له وهو معطيها ظهره ويطلع الناس الرايحه والجايه ولايدري عنها

همست : سلوم ؟
فز قلبه كان بيلف بس سكت بما انها نادته بأسم اخوها
كان يدري انها بتتكلم بس ينتظر ذا اللحضه من الاساس

ونّت بألم وهو يسوي نفسه مو حاس عليها وهو كل حواسه اصلا متجهه لها
ظلت تناضره وهمست
كنت تقول مابيمسس ضرر وسالم موجود
ياسالم كسروني واجبروني عوروني من كل جهه وانا الي توني تخطيت الصدمه الاولى سلوم انا ليش حياتي كذا ليش اذا تخطيت شي يصير لي شي العن منه انا تعبت تعبت كثثثيير ضحكت بأستهزاء شفت الدموع الي تقول لاتنزل ياسالم ؟؟؟
نزلت كثيير بذا الايام وغيرها من ايام  اصلا مدري كم بس انا مابغى اعيش خلاص تلونت حياتي بالاسود مابغى شي الا سلامه خاطري
همست بخوف اكثر : دايم هاذي حركتك تخليني لمى اخلص كلامي وتلتفت لي بس الحين ماتوقع تلتفت لاني ماخلصت ايوه ماخلصت ولا راح اخلص
ضربوني وخلوك قاتل قدامي ولاقدرت اقول كلمه
سلووم رجآل يستقوون على حرمه ؟؟
صح قويت في البدايه ورديتهم وصديتهم وضربتهم وضربوني بس انهد حيلي انهديت
سويت كل شي انت علمتني اياه بس ماقويت عليهم رجال طول بعرض يسوون فيني كذا هزلت وسيطر علي مرضي من جد وجديد وانا الي توني تخطيته صارت تطلع مني كمياات كثييره من الدم وانا الي كنت ادري انها ضرر علي بس سكت مابيدي حيله تعبت وانا اتكلم ياسالم طلعونيي من ذا المهزله الي قاعده اعيشهاا انا ماقوى على كذا انا توني صغييره انا صغيره على هاذي الاشياء صغيره على المؤآمرات الي قاعدين تخوضونها وتحسبوني ما ادري عنها استسلمت لكم وخفضت جناحي لكم وسويت الي تبغونه ونقلت معكم الين متى يعني ياسالم لين اموت بحسرتي !!!
المرض ياكلني من كل جهه احس اني بموت في اي لحضه بس ماراح اموت وانا مو جنب امي وابوي انا لو خسرت واحد منكم تنتهي حياتي انا مابغى اعيش خلاص اصلا احس ان ايامي صارت معدوده والحين وش صاير فيني هاه مو تقول الحزن مايلوق على العيون الحور سويلم )؛ ؟؟ مو تقوله وانا مت بحزني وضيقتي وانتو ماتدرون ولاحسيتو ان ماطلعت الحين من ذا المستشفى اخر مابيني وبينك !
حطت يدها على عيونها همست بهدوء عكس الي داخلها
سالم اطلع مابغى اشوف احد وطلعني من المستشفى وخلاص !!