بليتني بنفسي ونفسي في غنى عنك

البارت 10

عايض : الاخ سالم ؟
سالم : ايوه من معي سيلين اختي بخير فيها شي ؟؟
عايض :  مافيها الا العافيه احتاجك بالقسم في مكتبي قسم 6 مكتب ( عايض المحمد )
سالم : ان شاء الله بس مسافه الطريق وجاي مانيب مطول اختي امانه برقبتك انا جاي
وطبعاً هذا كله وهو اصلا قد ساق وقطع نصف المسافه من شوقه لاخته

عايض : الاخت سيلين ؟
سيلين : ماردت وهي تحاول تخفي شهقتها وتمسح دموعها
عايض : تتفضلين معي مكتبي لو سمحتي ؟
سيلين : هزت راسها
عايض : الحقيني
سيلين : قامت بهدوء من وجع خصرها ورفعت شعرها عن وجهها ومشت وراه وهي منزله راسها عشان الرجال مايشوفونها
دخلت والقت نظره على المكتب الكبير والواسع متوسطه مكتب وكرسي وقدامه كرسيين وطاوله وصوره الملوك وراه وخزاين وملفات واشياء كثيره جلست على الكنبه الي قريبه من الباب وعقدت حاجبها بألم
مشى عايض لين مكتبه ولمحها على الكنبه جالسه سكت لانه توقع ايوه توقع انها تألمت
عايض : اخت سيلين ؟
سيلين رفعت راسها : هلا ؟
عايض : اخوك بالطريق مامن طواله هو اصلا قريب مننا
سيلين : مشكور ويعطيك العافيه ماني قادره اوفيك حقكك من الشكر والكلمات تنعقد بالساني
عايض : ماسويت الا الواجب وانا اخوك

سالم وناصر :
سالم الي يمشي ميتين ورايح للمركز بسرعه يبي يشوفها يبي يفحصها فيها جروح فيها شي
ناصر : اعلم احد ولا اسكت ؟
سالم : اسكت اسكت ابي اشوفها بس ابي اشوفها ياناصر قلبي متقطع من الشوق
ناصر : الي يشوفك عاد يقول حبيبتك ولا مرتك تراهي اختك ؟
سالم ميل راسه وسكت
سالم جوا عقله : ماندري ياناصر ماتدري ان ذي قطعه من روحي ماهيب اختي والقطعه ذي لامن راحت راحت روحنا معها ماهيب اختي ماهيب اختي وكلن يدري ماهيب اختي ....

عايض وسيلين :

سيلين : ماتحملت الالم وشهقت تبكي من قو الالم
عايض : فز من مكانه واوراقه الي كان غارق فيها وجاها بسرعه
عايض : شفيك فيك شي يعورك شي ؟
سيلين هزت راسها وهي عاضه شفتها من الالم ودموعها تنزل وقال بصوت باكي : ابغى مسكن لو سمحت مو قادره اتحمل الالم الله يخليك
عايض : ابشري بكلمهم الحين يجيبون لك المسكن لايهمك ارتاحي بس واخذي نفس
خذا جواله يدق على طارق ويطلب منه مسكن ومويه
وجابه طارق وأشر له عايض يطلع وعطاها وكلت وهي ماسكه خصرها بكل قوتهاا
سكتت وهي تنتظر مفعوله يبدا ودموعها تنهمر بدون صوت

سمعو حركه برا وفزت سيلين هي متأكده متأكده انه جاء وقلبها دليلها همست جاو
عايض : دايم القسم كذا ماتوقع جاو
سيلين : الا جاو بطلع
عايض : طلع وراها وهي عاقد حجاجه من حاستها المميزه
طلعت وهي تطل من عند الممر وشافت قدامها منظر العساكر وسالم يسألهم عن مكتب عايض وهم يقولون له وش تبي به
ناصر : الي كان يطالعها بعبايتها الي مزخرفه بالكريستال وشعرها الي يغطي ضهرها وعيونها الباكيه ويدينها الي ترجف وبيضاها الجميل وصد بسرعه قبل يلمحه سالم