قابله بي حته لو شر ليش هوه يجي منه شي يأذي؟؟كُتله حنان على شكل إنسان ماچنت رايده شي بس هوه ليش ربيييي
اذكرت كلماته العسل على گلبي
وليابة لتصيرين فاهية ، يواش لتستعجلين بوية ، ريماية لتقصرين بشغلج ابد ورانا حساب يم رب عضيم
ولج يمههه ماگدر والله ماگدر اتقبل خلص صار عنده خطيبة اكيد يحبها وتحبه
بقيت اشهگ واردد خلص صارت على ذمته مرة ، فزيت على دگة الباب ووهمّ تصيح : ريمة فدوة اروحلج اطلعي لاتسوين شي بنفسج
گمت مسحت دموعي وغسلت وجهي وجسمي شلون ماجان ، اول طلعت صارت وهمّ گدامي تباوعلي بعيونها الكلها قلق على خوف
تجاهلتها ورحت نمت على فراشي ماچان الي نفس احجي اي حرف ، غمضت عيوني من التعب بسرعة غفيت
فزيت من النوم باوعت بتجاه الساعة جانت بـ3 اله ربع ، گمت على كيف احاول ماطلع صوت
فتحت باب الغرفة ورحت بتجاه البلكون ، أخذت قمصلة لان الجو بارد بداية شتاء
فتحتها وگعدت بلگاع ، رفعت عيوني للسما بدون اي صوت
بقيت على علحال لفترة طويلة ، حسيت نزلن دموعي حجيت ببچي : الحسرة البَگلبِي بَعد مَا بيه أضمهَا وداعتج ييمة !!
___وهمّ___
حال ريم ابد موزين كل ماباوع عليها احس گلبي ينفطر على وضعها ، شَكد حجيت وگلت بس ماخذت بكلامي !
فزيت الفجر ، درت وجهي على فراش ريم مالگيتها ، گمت بسرعة امشي واوگع بألف ياعلي يله وصلت للباب بقيت أتلفت بلشقةة بس لا طلعت لو سوت بنفسها شي
سمعت صوت انين ركزت على مصدر الصوت يجي من البلكون ، رحت فتحت الباب وأشوف وضعيه ريم
حته الحايط المخلية رأسها علي يبجي على وضعها !! حست بوجودي
گالت بصوت ناصي : شَايفة ياوهمّ مِن اشِتاگله ومَاگدر احچِيله؟
مِثل اليحِب الله ومَا يصَليله .
دمعت عيوني عليها ليامدى واصلة بحبها اله !!
- گومي ريمه يعدي وتنسين ويصير سوالف
ريم : اتناسى اي بس ماراح انسه حُبه !
تنهدت بقهر على حالتها : يلا طبي جوه الجو بارد وروحي نامي
ريم : والدوام ؟
- اخذتلج إجازة سبوع
گامت بدون اي كلام ، دخلت وسديت الباب اباوعلها فاتت للغرفة وعيوني تلاحگها
باوعت للساعة صايرة بـ5 ، مو مال أرجع أنام بقيت گاعده وافكر بريم لو بلدراسة لو بجهاد وتهديداته لو بشنو ياربي والله مو حمل كل هذا ابد !!
ВЫ ЧИТАЕТЕ
سفاح الوهمّ
Боевикاباوعله ودموعي تنزل على خدي بكل سلاسة باوع عليه بعتب وكره وگال ليش يُبا هيج تاذيني شمسويلج انا؟
part 18
Начните с самого начала
