"Sean ရော့ ဒါ ဝတ်ထားဦး"
Fred က ဒူးကာနဲ့ တံတောင်ကာတွေကို လှမ်းပေးသည်။ ရှောင်းကျန့်က မယူဘဲ လက်အိတ်ကိုပဲ ယူစွပ်လိုက်သည်။
"ကျစ် Sean ပေါ့တီးပေါ့ဆမလုပ်စမ်းပါနဲ့။ ဝတ်ထားစမ်းပါကွ။ အန္တရာယ်ဆိုတာ ကြိုမြင်ရတာမဟုတ်ဘူး"
"ပေး ပေး ငါဝတ်ပေးလိုက်မယ်။"
Will က Fred လက်ထဲက ဒူးကာ တံတောင်ကာတွေကို ဆွဲယူပြီး ရှောင်းကျန့်ကို ကိုယ်တိုင်လာဝတ်ပေးနေသည်။ သူကိုယ်တိုင်လည်း သူ့အတွက် အကာအကွယ်တွေ စုံနေအောင် ဝတ်လိုက်သည်။ ကားမောင်းမယ့် ရှောင်းကျန့်ထက်တောင် သူက protector စုံနေအောင် ဆင်မြန်းထားသည်။
"Will ငါ လိုက်သွားရမလား။ မင်းအဆင်ပြေလား"
သူတို့ အဖွဲ့ထဲမှာ Will က အစိုးရိမ်ကြီးတတ်၊ ကြောက်တတ်သူဖြစ်တာကြောင့် Victor က မေးလိုက်သည်။ Will က ခေါင်းညိမ့်ပြရင်း လက်ညှိုးနဲ့လက်မကို ဝိုင်းပြလိုက်ပြီး OK ဟု တိုးတိုးဖြေသည်။
"ဖြေပုံကလည်း တုန်တုန်ရီရီနဲ့ ဟ ဟ"
ကင်မရာနဲ့ မှတ်တမ်းယူနေသည့် Hilton က စ နေတာကြောင့် အားလုံး ရယ်လိုက်ကြသည်။
"ကဲ အားလုံး"
ရှောင်းကျန့်ကပြောလိုက်တော့ သူတို့သူငယ်ချင်း ၅ ယောက် တစ်ယော က်ကိုယ်တစ်ယောက်ဖက်လိုက်ကြပြီး ခေါင်းချင်းဆိုင်လိုက်ကြသည်။ ထို့နောက် လက်သီးဆုပ်ချင်းတိုက်လိုက်ပြီး
"We are winners"
Hilton က ထိုစကားကို တစ်ဖက်က Tommy တို့တွေ ကြားအောင် တမင်ခပ်ကျယ်ကျယ်အော်လိုက်သည်။ ပြိုင်ပွဲဝင်ကြမည့်သူတွေက ရှောင်းကျန့်၊ Tommy နဲ့ Jack တို့ ၃ ယောက်ဖြစ်သည်။
ရှောင်းကျန့်က ဦးထုပ်စောင်းလိုက်ပြီး ကားမောင်းသူနေရာမှာဝင်ထိုင်လိုက်သည်။ Will ကလည်း တစ်ဖက်ဘေးမှာဝင်ထိုင်သည်။ တစ်ခြားသူတွေလည်း ကိုယ်စီကားတွေပေါ်မှာ နေရာယူပြီးနေကြလေပြီ။ Hilton က ကင်မရာနဲ့ တောက်လျှောက်မှတ်တမ်းယူနေသည်။ ကျန်တဲ့သူတွေလည်း ကိုယ်စီဖုန်းကင်မရာ၊ ဗွီဒီယိုကင်မရာစသည်ဖြင့် ရိုက်ယူနေကြသည်။
YOU ARE READING
Liquor (ချစ်ဆိပ်ရည်)
Fanfictionအရက်ဆိုတာ သောက်မိရင် ဖြတ်ရခက်သလိုမျိုးပဲ အချစ်ဆိုတာကလည်း စ မိရင် နောက်ဆုတ်ဖို့မလွယ်တော့ဘူး။ သိပ်ချစ်မိသွားရင် သိပ်ပိုင်ဆိုင်ချင်လွန်းတော့ ချစ်ဆိပ်ရည်တွေထဲကူးခတ်ရင်း စုံးစုံးမြှုပ်သွားရတော့တာပါပဲ။ Start Date: 20230728 End Date:
