ကိုယ်ကိုလှည့်လိုက်တဲ့ အချိန်မှာတော့ နဂိုနေရာမှာ ရှိနေသည့် အခင်းဟာ ဘယ်အချိန်တုန်းက ယူသွားမှန်း မသိပဲ လင်ပုယီ၏ ညာဘက်အနည်းငယ် နိမ့်သည့်နေရာတွင် ချထားသည်ကို တွေ့လိုက်ရသည်။ ဓားအမာရွတ်နှင့် ကိုယ်ရံတော်ဟာ အရမ်းကို ကြင်နာစွာနဲ့ ပြုံးလိုက်ပြီးတော့ ပြောသည်။
''သခင်မလေး အရင်ထိုင်ပါ´´
ရှောက်ရှန်းက ထိတ်လန့်သွားပြီး အဲ့ဒီနောက် ကြောင်တောင်တောင်နှင့် ထိုင်ချလိုက်သည်။ ချန်အိမ်တော်တွင် အမေချန် မရှိသရွေ့ အဖေချန်က ကျိုကျွေးခန်းမ၌ ဧည့်ခံချိန်များတွင် သခင်မရှောင်း၏နေရာဟာ ဒီလိုမျိုးနေရာတွင်ပင် ဖြစ်ကြောင်း သူမပြန်သတိရလိုက်သည်။ ဒီတော့ ဒါကနေရာပိုင်ရှင်ကို အရိုအသေပေးတဲ့ အဓိပ္ပာယ်လား? သူမက စီစဥ်နေပေမဲ့ ဒီအိမ်က လိီထိုက်ကုန်း ပိုင်တာလေ။ ချန်မိသားစုရဲ့ အဆင့်အတန်းက လီမိသားစုထက် မြင့်လို့များလား…?
စိတ်ရှုပ်ထွေးနေတုန်းမှာပဲ သူမက ရုတ်တရက် ပြင်းထန်သည့် သေရည်နံ့ကို ရလိုက်သည်။ အေးအေးဆေးဆေး လှည့်ကြည့်လိုက်တော့ သမားတော်ချန်ဟာ လင်ပုယီ၏ ဒဏ်ရာကို အသစ်ဖွင့်ထားသည့် သေရည်တစ်အိုးလုံးဖြင့် ထပ်ခါထပ်ခါ ဆေးနေသည်ကို တွေ့လိုက်ရသည်။ လီထိုက်ကုန်းက အနံ့ခံလိုက်ကာ ပြုံး၍မှတ်ချက်ပြုသည်။
''ဒီသေရည်က ဆယ်နှစ်အထက်ရှိတဲ့ သေရည်ကောင်းပဲ´´
လျန်ချိုးဖေးက အနည်းငယ် သဘောကျသွားသည့်ပုံ ပေါ်သည်။
''လောင်ကျောက်က အမြင်အာရုံကောင်းတာပဲ။ ဒါက ချန်ဝမ်နန်းတော် ဂိုဒေါင်မှာ တွေ့ခဲ့တဲ့ နှစ်ချို့သေရည်ပဲ။ ဖွက်ထားတာ ဘယ်လောက်တောင် ကြာပြီလဲမသိဘူး´´
''နှစ်သစ်ကူးတဲ့ အချိန်တုန်းက အရှင်မင်းကြီးက ချီးမြှင့်ခဲ့တာ။ အစတုန်းကတော့ ဂုဏ်ပြုစားပွဲမှာ သောက်မလို့ စီစဥ်ထားတာ´´
ရှောက်ရှန်းကလည်း အသက်ပြင်းပြင်း ရှိုက်လိုက်ပြီး ဒီသေရည်က တကယ့်ကို ပြင်းပြီး သင်းသင်းလေးမွှေးနေတာပဲဟု စိတ်ထဲမှာ ပြောလိုက်သည်။ သူမက ''ကျွန်မက အယ်ကိုဟောဓာတ် ပါဝင်မှုများတာကို သန့်စင်ပေးနိုင်တယ်။ ဒီလိုသေရည်ကောင်းကို ဖြုန်းတီးမပစ်နဲ့။ ဒါမှမဟုတ် ကျွန်မတို့အိမ်က အဖေချန်ကို ပေးလိုက်ပါ့လား´´ လို့ အရမ်းကို ပြောချင်နေသည်။ ဒီစကားကို သေချာပေါက် ပြောလို့မရဘူးပေါ့။ သူများက ကိုယ့်အသက်ကို ကယ်ထားတာကို ကျေးဇူးမဆပ်ပဲ တစ်ဖက်သားရဲ့ သေရည်ကို မက်မောနေသေးတယ်?
YOU ARE READING
love like the galaxy { myanmar translation } (Unicode & Zawgyi
Romancecredit to original owner Guan Xin Ze Luan
အခန်း 42-1
Start from the beginning