همس الشاهين

" البارت الثالث و الأربعين "

                     " همس الشاهين "
                "الڪاتبة نون آل ؏ـــلي "

_ البارت الثالث و الأربعين :

خسرنا اول خسارة وكلنا تتعوض
وخسرنا الثانيه وكلنا العتب عالحظ
ما ظلت بعد حجه اشبعد ياروحي نترجه
هاي الثالثه وبيها السكوت افرض

همس : انخبصنه خبص زهراء وجهها صار اصفر كركم و ناي ركضت تتصل ع مُهيب و انه واكفه يم امي اطمن بيها و عقلي يضرب اخماس باسداس اريد استوعب الموضوع ماكو ما يدخل بعقلي عفت امي و ركضت اخذت تليفوني اتصلت ع شاهين رن مرتين بالثالثه جاوبني

شاهين بنعاس : هلا ريحانتي .

همس برعب : شاهين الحكك .

شاهين : خير بويه شكوو شبيج؟؟

همس : مدري منو خابر ع امي و كلها الشركة مال ابوي احترگت و ما نعرف اي شي عن ابوي لو فهد .

شاهين : يمعودة كولي غيرها شوكت هذا الحجي ؟؟

همس : ما صار ربع ساعه من خابروا ع امي .

شاهين : ما عرفتي ياهو الكاللها؟؟

همس : لا ولله ماكدرت اسأل و امي تعبانه كلشش تدك و تلطم .

شاهين : يلا هسه انه رايح و اخابرج بعدين .

همس : انتظر منك خبر شاهين .

شاهين : روح الشاهين ديري بالج ع نفسج و لا تضغطين ع روحج و انتبهي لأمج بينما اوصل و اشوف الوضع .

همس : ماشي انتظر اتصالك ، سديت التليفون و راح شاهين و انه رحت يم امي اصبر بيها و زهراء تخربطت و احتارينه بيها و ناي تتصلةع مهيب ما يرد نوب قلقنه بالزايد عليهم

لهناك دك تليفوني شاهين يتصل جاوبته بلهفه

همس : هاا شاهين طمني؟؟

شاهين : لا تخافين حبيبي اخوانج و ابوج ما بيهم اي شي ولله .

همس : الفف الحمدلله و الشكر ، امانه شاهين ما متأذين ابد؟؟

شاهين : لا ولله كل شي ما بيهم لان جانوا بعيد عن مكان الحريق .

همس : الحمدلله و الشكر الهي ، زين الشركة شنو المحترك بيها و شنو الباقي؟؟

شاهين : لا حبيبي ما محترگة كلها ، المحترك بيها غرفة الإجتماعات و مكتب المحاسب ، ابوج خوش مسوي بيها نظام طوارئ تارسها ترس طفايات حريق فما ملحگه النار تشب بيها هواي .

همس : يعني ماكو خسائر بشرية مو؟؟

شاهين : لا الحمدلله لا خسائر بشرية و لا مادية ، يعني الوارد ما وارد ما تضرر .

همس : الحمدلله ، اهم شي سلامتهم .

شاهين : يلا حبيبي انه راح اروح وي فهد هسه شويه و نجي عليكم بس ردت اطمنج حتى ما يضل بالج .