همس الشاهين

" البارت التاسع و العشرين "

" همس الشاهين "
"الڪاتبة نون آل ؏ـــلي "

_ البارت التاسع و العشرين :

مشاعرهم مواسم
دوم تتغير ،
و أنا المثلي
مو بس ما يَبدل ناس
اتأسف إذا رديت متاخر
مثل الباقي گوه
عاملوا گلبي
و رحت مثل الضماد
الـ من جَرح ينجر .

شاهين : خابرت ع عسل حتى تحظر روحها اخذها تشوف همس و تخفف عنها و تونسها و هم منها كلت اخذلها تليفون جديد و انطي لعسل توصله الها ،

دكيت عليها يدك و يفصل و ما تجاوب رديت دكيت عليها نفس الشي هم يدك و ما تجاوب كلب لعب و خفت صار شي بالبيت

دكيت اخر مره جاوبتني بس يمها صوت هوسه و ناس استغربت وين هي ؟ حتى دوام ماكو عدهم عطله لرأس السنه ما بقى غير جم يوم ع راس السنه و معطلين .

عسل : الوو ها شاهين .

شاهين : وين انتي؟

عسل : ولله بالمستشفى .

شاهين : خوماكو شي ؟؟ شعدج بالمستشفى امي بيها شي ؟ صار شي بغيابي ؟

عسل : ولله همس تنزف و اجيتها .

شاهين : ششنوووو ؟؟؟؟ يمتى و شلون احجيي!

عسل : الصبح رحنا انه و امي عليها نشوفها و كالو بالمستشفى البارحه متخربطه بليل و طايحه و خياطات عمليتها مفتوحه و تنزف .

شاهين : عسل عينج عليها و بس تكعد خابريني و اعرفي شبيها ما اوصيج بعد .

عسل : ان شاء الله عمري لا يظل بالك .

شاهين : هسه شلونها هي؟

عسل : ولله سألت مرت مهيب كالت مخيطين عمليتها مره ثانيه و الدكتور كايل صاير عدها انهيار عصبي و كايللهم لازم ترتاح و ماكو اي ضغط لان اقل شي يأثر عليها .

شاهين : حاولي كدما بيج تعرفين شصاير وياها و كليلي . سديت التليفون و رأسا دك عليه محمد جاوبته

شاهين : هلا ابو ذهب .

محمد : لزمته .

شاهين : عليك الحسين؟

محمد : وعلي ابو الحسن .

شاهين : كفوو ، يلا جايك للمركز .

محمد : يلا منتظرك .

شاهين : سديت التليفون منه و انه اتوعد لأصيل و الف فكرة جهنمية اجت براسي ولله لاخليك تخاف من خيالك

الا اخذ روحك بأيدي بسيطه اصيل بسيطه اذا ما علمتك ان الله حق هذا شاربي ازينه ،
لل11 وصلت البصرة و بوجهي للمركز حتى ما بدلت

طبيت للمكتب خابرت ع صكر وصيته يجيبلي ملابسي ماكدر ارجع للبيت ، سديته منه و خابرت ع فهد دكيت مرتين بالثالثه يلا رد