" همس الشاهين "
"الڪاتبة نون آل ؏ـــلي "_ البارت الثالث و العشرين :
حَنيتلك وادري اليحِن
يبچّي ويموُت بسِكتة
ومو مَال نتعاتب بعد
راح المعَاتب وكتة
ومِن ياهي أبدي بفرگتك
خليتني معَلعل و أوِن
ماضل وِجع ماضگتة !2014 /11 .
_ محافظة الانبار ، مدينة الرمادي .شاهين : تعب ، قلق ، سهر ، مستقبل مجهول ، جوع ، عطش ، اضطراب ، تفكير ، موت ، انفجارات ، دم ، الغام ، الجو بارد يكص كص و الحرب مشتدة
كل نص ساعة يستشهد واحد من جماعتنا و ما نلكه منه غير ملابس محتركه و باقي اجزاء جسمه المتكطعه
رغم برودة الجو بس ريكنه ناشف و التراب تارس حلوكنه و ما نلحك نتنفس بكل مكان لغم بكل زاوية عبوة اليطلع بواجب مايرجع سالم و ما ادري بيا ساعة يجي دوري
بيوم جانت عدنه مواجهه قوية الصبح و اخذت من عدنه شباب تبجي الكاع عليهم معداتنه و العتاد العدنه ما يطلع نص بالعتاد العدهم
من الساعه ب3 الفجر لل2 الظهر احنه فرد هجمه و الفشك يتطاير فوك روسنا ريحة الدم بكل مكان و الوضع كلش اشتد
ظهري غدر بيه و صرت كوه اجر بروحي مراية ظهري ع اي ساعه احسها تطك بالنص من الوجع سلاحي فلت من ايدي و روحي بادت من الوجع
وجع ما ينحمل بحيث حسيت العملية انفتحت و طكت عظامي من الوجع احتاريت شسوي علاج ما جايب وياي ما جنت محسب حساب هيج يصير
حتى هنا ماكو مثل علاجي و الابر الاخذهن موجود عدنه الطبابه العسكرية يطونه مهدئات و مسكن و ما يفيدني بشي احتاريت شسوي وين اطي وجهي
لا اكدر ارجع للمقر و لا اكدر ابقى بمكاني و لا بيه اتحمل الوجع ، لا اكدر اكعد من اكعد احس خنجر ينغرس بمراية ظهري
و ما اكدر اوكف رجليه ما تحملني و ضليت محتار بزماني الولد احتاروا بيه منا انه طحت عليهم و منا المواجهه شرسه و كلش قوية
صوت الهاونات تركع و الفشك ما تشوف بس دخانه ، بيه ما بيه كعدت ثنيت ركبتي و اخذت قناص من الولد و صرت اضغط ع روحي
انيشن و اصيب خسرنه هواي من جماعتنه اجانه نداء ننسحب و نرجع للمقر بعد ما بيها مجال نخاطر اكثر
ويانا هواي جماعات من الحشد الشعبي و اشوفهم عمرهم صغير بس يذبون رواحهم ع الموت ذب و ما يهتمون لشي و من نسألهم ليش يجاوبونه بجملة وحده
(( يا اما الموت او الشهادة ))
اعمارهم صغيرة ما بين 18_30 ما جان ويانا كبار بالعمر كلهم شباب و بعدهم بريعان شبابهم و بيهم عايفين مدارسهم و الي عايف عروسته و الي عايف بيته و امه و جهاله
أنت تقرأ
همس الشاهين
Mystery / Thrillerقصة حقيقية لـفتاة قوية شجاعة جريئة تعشق التحدي تسعى لتڪون الأولى في الطب . لڪن يأخذ القدر مجراه ليقلب الموازين وتلتقي بالشيخ العصبي و المتملك و يحدث مالم يڪن في الحسبان . إضغط للقراءة و أستمتع بأحداث مشوقة و رائعة و جريئة . ...