#همس_الشاهين
" الڪاتبة نون آل ؏ـــلي "
__البارت الرابع :احتويني ، روُحي تتعب لِو عفتنيّ .
همس :
جاي اعدل بشالي و عباتي سمعت صوت خله ڪلبي يرجف و يدك بالدقيقة 1000 ، التفت بسرعه و شفت شاهين تحمحم و فات للاستقبال سلم ورديت السلام و احس ڪلبي بسباق خيل أني القويه الما تهزني عاصفه ارتبڪت من صوته ؟ يا حيف وٱللـۿہٰ .صاح ؏ــسَـݪ عايدها و انطاها هديتها سألها عليه وهي الحقيره ڪلتله وما قصرت متتت بدمي حسيت روحي دخنت من العصبيه اني اعلمج حيوانه هسه شيڪول عليه يربي استغفرالله ، طلبت منه ؏ــسَـݪ يشوفني حصانه و تعمدت تعوفنا وحدنا هاي شبيها شيدور ببالها .
رحت وياا ومتتت من شفت الأسود يجنن بلا وعي مني سألته على عمره بفرحه ، استفزني بڪلامه و من راد يتقدم عليه اتصل مهيب جاوبته و اني صاعده العصبيه عندي حدها حاجيته بحده ونتر ضل صافن عليه ڪلش ضوجني بأسلوبه ما اعرف حسيته تجاوز وهاي مو تصرفات شخص واعي و شيخ ،
وصلني للباب صعدت بالسياره وي مهيب نزل سلم على شاهين ورجع سألني :
مهيب : أي هموس شلونها الحفله .
همس وهي تحاول تهدى : ڪٰلش ﺣحـَلوۿ تمنيت ناي و أسمهان ويايه تونست وٱللـۿہٰ .
مهيب : جا شبيج شو احسج ضايجه بيج شي .
همس : لا وٱللـۿہٰ ما بيه شي بس تعرف هوسه بنات و دي جي و اني متعوده ع الهدوء ف صار عندي صداع ، وصلنا للبيت ب11:10 ڪلها نايمه صعدت فوك نزعت الشال و العبايه طلعت شورت و قميص نص ردن ستن أحس روحي محتره ڪٰلش ،
اخذت حمام سريع طلعت نشفت شعري شسورته عفته مفتوح رشيت عطر وخليت مي ورد على وجهي تعب من المڪياج و مددت ع الجربايه أحس جسمي مڪسر اخذت تليفوني نزلت ستوري صورتي واڪفه ڪدام المرايه أخذتها قبل لا أروح لعسل غوشتها و ڪتبت عليه بخط آيفون ناعم " إمرأة : مِن الطرَاز الشديدِ البَرَاءةِ والجَرَاءةِ مَعًا ! " .
شويه و تفاعل وياها مهيب و دزلي " مُهرة عنودية يرادلج فارس اله خلڪين ههههههههههههه " دزيتله هـَذا السمايل "😎😎" دزلي " لتتاخرين بالسهر نامي حبيبه " دزيتله ماشي ردت أسد النت دزلي شاهين مسج :
شاهين : ليـَش طلعتي ضايجه .
رديت عليه : أعتقد تعرف ليـَش ماڪٰو داعي تسأل .
شاهين : لو اعرف ما سألتج ، وهسه يـَـلا ڪولي ليـَش شنو ضجتي مني .
همس : أي ضجت من أسلوبك بالڪلام مجان أسلوب مناسب لشخص مثلك .
شاهين : أسلوبي؟؟؟؟؟ ليـَش شسَــٌوْيَـتلج بويه .
همس : شسَــٌوْيَـت؟ يعني من تحاول تتقرب عليه واحنا وحدنا بالأسطبل ونظراتك أڪلتني شنو معناها بلا يعني هـَذا أسلوب شيخ عشيرة و مقدم مثقف ؟ .
أنت تقرأ
همس الشاهين
Mystery / Thrillerقصة حقيقية لـفتاة قوية شجاعة جريئة تعشق التحدي تسعى لتڪون الأولى في الطب . لڪن يأخذ القدر مجراه ليقلب الموازين وتلتقي بالشيخ العصبي و المتملك و يحدث مالم يڪن في الحسبان . إضغط للقراءة و أستمتع بأحداث مشوقة و رائعة و جريئة . ...