Chhingkhual Thalenghera (Season-2)

Chhingkhual thalenghera-3

     Zing khhua en tak tak hma chuan, Zomuana chuan ka muthilh lai chuan min rawn fawp a, chuchuan min tih harh avang chuan ka harh leh rualin ka chhang let ve nghal, Zomuana nen chuan kan thiam dan a in ang reng, ani pawh chu thlen hma tak tak chuan ka tawp pui ta a, ka chhungte harh hma ani bawk a, thawh tir vat vat in, ka haw tir ta a, a ngaihdan chu anilo ve ngawt ang.

      In a thlen huna min rawn text turin ka tih avang chuan ka thhu awi tak chuan in a thlen tawhthhu chu min rawn hrilh ve a, a duhawm viau kawng khatah chuan.

      Dar 12 ah sumo a rawn thleng dawn atih avang chuan an in lam pan tur chuan ka insiam ta a, ka insiam zawh ah chuan chhuak nghalin, Rina chu ka sawm ta nghal a, kan pahnih chuan Zomuana thlah tur chuan kan vak chhuak ta a, Rina leh Zomuana hi la in hre chiang lo mahse an in kawm ve thei tho a, Rina hian Zomuana chungchang ka sawi a piangin nui chunga ngaihthlak bak a ti ngailo. A duhawm em ani Zomuana hi chu.

     Kan thlen meuh chuan Zomuana suitcase vel chu an lo load mek a, min hmuh leh rualin keima lam chu rawn tlan kal nghalin, “Iva rawn kal har ve.”

“Tihpalh pa a, tluang deuhin aw.”

Zomuana : “Khatiang khhan tukin te khhan min ko tache, ka duh lutuk che, Aizawl i rawn kal dawn hunah min rawn hrilh la, inluah tur kalo zawn ang che.”

“Tehreng, ka rawn kal vatang.”

Zomuana : “Bye aw, ka duh ber.”

“Bye le.” ka kut chu chuk in ka biangah chuan a ruk chuan min chuk leh a, ka kutah chuan zungbun mawi tak hi min bun tir bawkah, ka hlim zia chu sawi  in a siak lo. Ka kut vuan chu thlah in Sumo ah chuan a lut a, min rawn vai pah chuan flying kiss chu min rawn pe ve ngeiah, aww kava han ngai dawn tak em, nitin a school a min phur tu leh haw lama kan ina min thlah tu ani bawk a, ka ngai dawn tihchu hai rual loh ani e.

      Keipawh chu flying kiss pek ve pah chuan ka vai ve lauh lauh a, an liam hnu thleng chuan ka thlir ta vawng vawng mai, a hnu ah chuan Rina nen chuan an inah chuan kan kal a, kan in kawm vel ta mai mai a.

“Rina, enge i financial state?”

Rina : “Aaa, ka sawi thiamlo, atam tawh ti dawn ila, in ren angai ngei ngei dawn a, a tlem tawh ti dawn ila, kum khat vel chauh min daih thei dawn si a, ka sawi thiam lo.”

“Nia, pawisa chu damchhung te chuan a tam lutuk leh a tlem lutuk a awm hleinem.”

Rina : “Eng tikah nge kan kal ve ang?”

“Aizawl ah chuan maw? Zan inah Ruata te inah kan va leng anga, amah a rem hlauh leh, thla thar velah kal kan tum dawn nia.”

     “Awle awle,” ani pawh chuan tiin kan phone ve ve te chu kan bih leh ta nghal a, Zomuana chuan min rawn la text hmanhmawh zui, “Kan khhua chhuahsan chiah, bye kinah kalo in up to date leh dawn nia, mipa dang melh hlek suh, muah.”
Awww hetiang em em a han duhawm hichu a, ka ta inih hi ka inchhir thlawt lo-ve, a message chu emoji lem chuan ka nuih liam pui ta a.

     A tlai deuh tawh avang chuan, in lam chu ka pan ta a, in thlen hnu chuan eirawng chu ka bawl leh sawk sawk a, inleng kan neih chang deuh phei chuan a zahthlak lek lek thin.

     Chaw kan ei khham chuan anu leh a U ten min chhawk hlauh a, Ruata te inah chuan Rina sawm pah chuan ka leng phei nghal, Rina nen chuan an in kan lut chiah chu, Ruata chu chaw a lo ei mek a, thren thraw pah chuan Rina nen kan din na lam chu a rawn hawi a, keipawh chuan han nuih sak in, thuthleng awm hnai berah chuan kan mawng chu kan hûng ta a.

     Ruata pawh chu ei khham ve thuai in, kan pathum chuan kan comittee ho ta a.
Ruata : “Enge nita?”

“Ih engzat nge i in khawl ve tawh?”

Ruata : “Sawi chi nang, mahse ka chhungte tibuai lo chuan kum 2 chu ka awm thei ang!”

Rina : “A lawm awm e.”

“Nih engtikah nge kan kal ang Aizawl chu.”

Ruata leh Rina te chuan, “Itih hun hun animai” tirual dun in, kan han la nui leh phawt a. Serious hichu a har ve thlawt ani.

“Nih, naktuk ti ila, khulamah inhlawh na kan zawng pah anga collage kal hma chu...”

Ruata : “Ni e, ka in hlawhna hi a laklawh tawk lo chiah a a zia ang, e takin ah, naktuk ah sumo in bungruah vel lak an tuma, kan zui nghal anga in hlawhpah in.”

Rina : “A that hlauh chu.”

“Ava tihzia ve, anih zanin ah kan chhungte dil theuh aw.”

“Awle” ti rual in, mithla ah chuan Fela awm lai, Awle kan tih rual apianga kut in dawh khhawm in chung lamah kan vei cho thin kha ania, chutiang bawk chuan kut chu alai ah chuan dawh khhawm in van lamah chuan kan vai cho a.

Ruata : “Fela pawh a ngaih awm vawng vawng alawm, Aizawl kal a chak thin teh reng nen.”

      Ni e, Fela khhan Aizawl kal kha ania vei ber kan zingah pawh khhan, class 12 nih lai atanga a sawi reng thin pawh kha ania, kan pathum chuan tlang lamah chuan kal cho in, a la tlai chhe em em lo nen, Fela tlawh pah animai tiin kan thleng ve thuai a.

Ruata : “Fela, keini chu Aizawl ah kan kal tawh bik dawn.” naupang chhia tak chuan tiin, a mittui chu a hru zui nghal mahse in ti mipa ve thlawt anih avangin, a tap duh mai bik lo nui chung reng chuan, “I rawn kal ve chak tih ka hria nia, khawngaih in rawn kir leh mai la ka duh, nang dam la kei pialral kai ta ila i dawn thei bik ne maw.”

Ka mittui chu a hnam ve sawk mai, Rina pawh a mipa ve thei tawh lo, Aww Fela ngai tu che he khawvel ah hian an la tam asin, nang erawh thlamuang takin pialral ah chuan i kai ta si amaw, kan ngai a che thiana.