رغد -اخ مو ناقصني غير ذا - : طيب وش نسوي ؟
غيث : شرايك نضم بعض ؟
رغد باستغراب : تبي كف ؟؟
غيث : مافي حل غير كذا ونضحك ونسوي كأننا نمزح وكذا
رغد : فيك شي ؟ تخسي لو اخر حل
دفعته عن طريقها ومشت عنه
تبعها وهو يوقف قدامها : اسمع انت اللي بادي وبتتورط
رغد : غيث ابعد
غيث : طيب خلنا نسوي نفسنا نضحك مع بعض
وامسك كتفك بس
رغد : يعني قبل شوي تهددني ونظره من العيال خوفتك ؟
كيف عندك الجراءه وانت خواف
غيث : اقول ادري انك بعد ماتبي يشغلونا اذا رحنا لهم
رغد بملل-ذا كيف اسكته-: طيب بنسوي نفسنا نضحك ونمزح
قرب غيث لها ووقف بجانبها وبدا يضحك
رغد التفتت له وناظرت له وهي تحاول تكتم ضحكتها
على شكله -خبيث وخواف وحيوان وسخيف بنفس الوقت-
لكن ماقدرت وضحكت وقالت : صدق انك خبل
غيث مسك كتفها وراحو باتجاه الدرج
ثم رغد ابعدت يده عنها : يلا الحين لا اشوف وجهك
غيث : لازم تتأقلم انك بتشوفني الى الابد ..
تقدمت رغد متجاهلته قبل يكمل كلامه
وصلوا لطاولتهم
وهم يحاولون يبتسمون مايثيرون الشك
رغد جلست بكرسيها وغيث جلس
احمد : شعندكم سالفه ما ادري عنها ؟
ايمن : على اساس تدري عن شي انت؟
احمد : اسكت انت وعلومك ذي اللي مالها فايده
ايمن : مين قال ؟ اعرف سبب هوشتهم
رغد ناظرت ل ايمن : ايمن ترا مو هوشه
غيث كان يحب يمزح
لف ايمن وابتسم : طيب وش مزح فيه ؟
رغد ناظرت له بانزعاج كانت بتتكلم لكن
احمد قاطعها وهو يضحك: يعيال ارسل لي ياسر يقول
فيه هوشه بعد الاختبار لعيوني
سعود ضحك : منجدك ؟
احمد رفع جواله: شوفو
سعود : حماس
يوسف : بجيب بطاطسات نروق ونشوفهم ...
المغرب
كانت رغد بغرفتها
دخلت شادن
رغد بانزعاج: خير تدخلين بدون ماتطقي الباب
شادن : انا زين لقيته مفتوح
شفيك متجاهلتني كذا ؟
