غيث : شفت الرساله اللي جت ل عبدالعزيز
رغد باستغراب : عن وش تتكلم انت ؟
غيث : كانت رساله مكتوب عليها انك بنت
طبعا محد صدق منا لكن ذاك اليوم لما كنا انا وياك بالحمامات
وسمعتك تكلم نفسك على اساس انك بنت
صدقت ولا مين يعتقد او حتى يفكر ان رعد بنت
رغد : مالقيت لعبه تلعبها فقلت بتألف لك شي
بعدين ليش قلت محد صدق منا
مين تقصد منا ومن مين الرساله
غيث بابتسامه: ليش ترجف يدك اجل ؟
رغد تنهدت وشدت قبضه يدها ووضعتها خلفها
: اقول غيث بلا لعب وسخافه
غيث اختفت ابتسامته وناظر بجديه لها
: اسمع ما ادري اذا عبدالعزيز مصدق الرساله
او معتبرها وحده من سخافات اللي مرسلها
لكن اهم شي تعترف له وتعتذر له هو اكثر شخص من بيننا
اللي مفروض تعتذر منه واكثر واحد تأذا منك
رغد : اذلف بس عن وجهي
كانت بتطلع
لكن مسكها غيث من ذراعها
: قول له احسن من انا اقول له
رغد ناظرت له ببرود عكس اللي داخلها
: مو قلت انه رساله لعبدالعزيز يعني وش بتقول له مثلا
سحبت يدها بقوه من يده
وقالت بحده : قول لي مين مرسلها
واقول لك
غيث : مو متاكد مين كان لانه كان بدون اسم
لكن له وعبدالعزيز محادثات قبل
بس مو كثيره هو يرسل وعز يطنش
فخمنت من كلامه مين يكون
رغد : اخلص مين هو؟
غيث : مابقول
رغد : طيب مين شافها غيرك ؟
غيث : ترا واضح كلامي انا والياس
طبعا الياس الملقوف مو انا
ادري بتقول اني افتش جوال عز
لا لا الملقوف الياس دخل على الرسايل
وشافها صدفه وهو يفتش
رجع يمسك ذراعها بتهديد : تعترف ولا تشو..
رغد سحبت يدها منه وناظرت له بحده : اذلف
وطلعت
غيث : اي بتشوف كيف تتادب
اذا ما..
سكت وهو مبتسم : ادري عبدالعزيز بيذبحني لكن تستاهل
وحده مثلك ما تقريب ل اخوي
..
طلعت رغد منه بتوتر
- من بين كل الناس ذولي الخبول
يكشفوني
اه
وضعت يدها على صدرها
-بنتهي لو بيهددني
عاد غيث الحيوان
هدفه الوحيد يخرب علاقتي معهم
اف لو بيبدا صدق يهددني
غير اخوه الغريب الياس
هذا اللي ينخاف منه -
