ايمن : ما قال شي بس انه كان تعبان وضايق من غيث
ف عشان كذا ما داوم
وقال مليون تصريفه بس محد صدق معليك
السبب الحقيقي مجهول
بس انا اعرفه
رغد : بالله احتفظ بسبب لان محد بياخذ منك علم
ايمن ضحك : شفيك تتحسس من كلامي
دخل المعلم
ورجعت رغد وايمن لكرسيهم
جلست وناظرت ل حمد بابتسامه
ابتسم حمد لما لاحظته
التفت مشعل وهمس : صباح الخير
رغد بهمس : صباح النور
استدار رائد وابتسم لها
ثم رجع يناظر للمعلم
ابتسمت رغد وناظرت لسبوره بشرود
...
بوقت الفسحه
كانت رغد مع مشعل ورائد
مشعل ناظر لها : بكره عندكم مباراه مع ثالث ثانوي
اكيد انت ضمن الفريق اللي بيلعب بكره ؟
التفتت له باستغراب: متى ذا الكلام ؟
مشعل : امس يتكلمون عنه ما رحت لنادي امس ؟
رغد : لا ساحب عليهم
رائد : الحين يعصب عليك المدرب
رغد : لا مايقدر انا اهم لاعب عنده
ويخاف اني اطلع مع اني بطلع بكل الحالات
سواء عاملني زين او لا
مشعل : يعني انت مع الفريق
رغد : مو مهتم
رائد : لازم تدرب عشان المباره !
رغد : معليك بجلدهم
رائد : نشوف
طلعوا لساحه
متوجهه للمقصف
وقف قدامه ايمن
: هي انت يلا نروح ورا عند العيال
عشان تشوف عز
مشت وتعدته
: بشري اكل واروح
تبعها : وش ذا البرود حبيب..
قاطعته وهي تلف له
وتحط يدها على فمه : سد حلقك!!
هز ايمن رائسه
ابعدت عنه وكملت طريقها للمقصف
