وقام سعد بانزعاج
رغد بلعت ريقها - بالعاده سعد يمسك اعصابه
وماينفعل كذا
ولا حتى قام منزعج كذا بحياته
شكل صار شي مدري عنه -
لفت تناظر ل عز
عزانتبه لها وتجاهلها و اخذ جواله
رغد زحفت عنده وهي تناظر له مبتسمه
-ماحب استغل شي بس بشوف اذا فعلا يحبني بيكون سهل علي استغله-
عز بسرعه حط المخده حاجز بينهم
رغد ناظرت للمخده باستغراب
ثم ناظرت له : مابسوي شي !
عز تجاهلها ومارد عليها
رغد ابعدت المخده وقربت اكثر له
: عبدالعزيز
عز تافف بانزعاج ورجع ظهره للخلف: لا
رغد : وشش ماقلت شي انا لسى
عز : مايحتاج برفض لا تعب نفسك
رغد : مين قال لك بطلب طلب
عز : مهما كان
رغد : اقول اسمع
ايش يقصد سعد لما قال لانرجع نتهاوش
لايكون الضرب اللي عليكم كانت من هوشتكم مع بعض ؟!
عز : اي
رغد باستغراب: ايي ؟؟
متهاوشين اليوم انتم ؟ مو مع احد ؟
عز : اي
رغد : وش اي ذي اللي ببساطه
عبدالعزيز بلا استهبال
اسألك جد !
عز ناظر لها :
يرجال شتبي ؟
اقولك اي احنه متهاوشن
والضربات ذي احنه اللي ضاربين بعض
مو احد ثاني
رجع نظره لجواله
رغد : سعد قال لي انكم متهاوشن مع شله اشغلتكم
عز : يكذب عليك
رغد باستغراب : طيب ليش تقول لي كذا بسهوله ؟
ترك جوالها وتقدم لها : عبالك كذاب مثلك ؟
عبالك اني اذا ما كنت بقول لك بكذب ؟
انا لو كنت فعلا ما ابي اقول لك ماتكلمت وقلت لك ماراح اقول لك
بس ..
رغد : وش بس كمل ليش اجل قلت لي
ابعد عز نظره عنها : لاني مالي خلق اكلمك
واعرف بتبلشني لين اقول لك
رجع ظهره للخلف وحط المخده بحظنه
رغد : زين ريحت نفسك وقلت لي
بس الحين ماقلت لي وش السبب
