"أنسولين"

الفصل الواحد والثلاثون

خرج ريان من مكتبه وذهب للإستقبال سأل الموظفه بهدوء:دكتوره لين جت النهارده
ردت الموظفه بإحترام :لا يا فندم مجتش
هتف ريان بتردد:طب معاكي رقم تليفونها
تحدثت الموظفه بإهتمام :اقدر اجيبه لحضرتك لو محتاجه
هتف ريان :اه ياريت
ثواني وأعطته له شكرها ريان وعاد لمكتبه..
_______________________________________
في المعموره..
كانت هنا تجلس بهدوء بجانب دعاء يشاهدون مسلسلهم المفضل (لن أعيش في جلباب أبي)..
خرج فارس من غرفته وهو يجأر بسأم:انتو هتدخلوا موسوعة جينيس لأكتر حد يسمع المسلسل دا كل ما يتعرض انتو ايه مبتزهقوش
هتفت دعاء بضجر :اشششش انت ايه فهمك انت اسكت خلينا نسمع بمزاج
هتف فارس :طب قومي فطريني بمزاج يا ست هانم يلاا
قالت دعاء :الاكل عندك في الميكرويف سيبني اركز بقا
أمسك فارس بوسادة والقاها في وجه دعاء وهو يدلف للمطبخ
دقائق وامتلئ المكان بالضجيج فا هبت دعاء سريعاً ودلفت للشرفه لتري ما يحدث
رددت هنا بخوف :استر يارب
ارتدت دعاء حجابها ونظرت للاسفل لتجد رجلين من رجال رياض العقاد يبدو عليهم الإجرام يجتمعون على رجل ضعيف وينهالون عليه بالضرب ولا احد يستطيع اخراجه من تحت ايديهم..
هتفت دعاء بغضب :حرام عليهم ليه الافتراء دا عملهم ايه المسكين دا عشان يعملوا فيه كدا
رددت هنا بقلة حيله :ما انتي عارفه ولاد العقاد كلهم مفتريين وميخافوش ربنا منهم لله
هتفت دعاء بغضب :يعني هنقعد نتفرج على الراجل وهو بيموت لازم نعمل حاجه
هتفت هنا:واحنا في ايدينا ايه نعمله يا بنتي
خرجت دعاء من الشرفه وهي تردد:اكيد في حد لازم يقفلهم البلد فيها قانون وبعدين هي أرواح الناس لعبه يعني انا هوريهم
دلفت الي غرفتها وابدلت ملابسها وأخذت الكاميرا الخاصه بها وحسمت أمرها..
جاءت لتخرج من المنزل ليجأر فارس بقوه :دعاء
اعتدلت تنظر اليه بتحدي فسألها بغضب :رايحه فين
هتفت دعاء بقوه :نازله
تحدث فارس وهو عاقد حاجبيه بغضب :ليه.. ونازله وكأن معندكيش راجل تقوليله انك نازله
قالت دعاء بإصرار :انا نازله اشوف شغلي يا فارس
هتفت فارس بغضب شديد :شغل ايه يا ام شغل الشغل دا احنا متفقين انك تنسيه.. انتي ملكيش شغل في المجال دا تاني يا دعاء
هتفت دعاء بقوه:لا يا فارس هنزل وهرجع لشغل سيبني يا اخي سيبني اشتغل واحقق نفسي سيبني اشغل وقتي انا زهقت
هتف فارس بتحذير :انا اللي عندي قلته ولو حصل غير اللي متفقين عليه وديني يا دعاء هكون فارس تاني غير اللي تعرفيه.. عايزه تنزلي روحي انزلي بس متطلعيش تاني
هتفت هنا:لا يا ابني انتو اخوات وملكمش غير بعض يا حبيبي اختك مش قصدها تعصي كلامك هي مش فاهمه انك خايف عليها.. اقولك خد منها الكاميرا بس سيبها تنزل تشوف هيحصل ايه
هتف فارس :وتنزل تعمل ايه اصلا لما يكون في خناقه البنات تكن في بيوتها وملهاش دعوه
ربتت هنا على كتفه وهي تقول :معلش يا ابني عشان خاطري عشان خاطري يا فارس سيبها تنزل انت عارف دماغها ناشفه ومش هتسمع كلامنا..
هتف فارس بغضب جلي:انا هكسرلها دماغها دي عشان تبقا تسمع الكلام بعد كدا.. قال صحفيه قال الصبر من عندك يارب
اخذ مفاتيحه بغضب وهتف :قدامي يا ست هانم لما نشوف اخرتها معاكي..
خرج فارس ودعاء ووجدوا المعركه في اشدها.. غضب فارس كثيرا من بشاعة المنظر وكاد يذهب ليتدخل ولكن منعته يد دعاء وهي تردد:لا لا متدخلش الشرطه وصلت
حتى بعد وصول القوات لم يتوقف رجال رياض عن تسديد اللكمات لذلك المسكين..
خرج زين من السياره وهو يحمل سلاحه بغضب ثم اطلق منه في الهواء وهو يجأر بقوه :ايدك فوق منك ليه يا غجر
توقف الجميع وابتعد رجال رياض عن المسكين بخوف فا سقط يحتضن الأرض وهي يلتوي من شدة الألم..
هتف زين بقوه :ايه هو انا مش ورايا غيركم ولا ايه يا حوش بتاكلوا في بعض ليه ولا عجبكم نومة البورش
هتف احد رجال رياض :ناس بتجر شكل يا باشا
ذهب اليه رجل مسن يبدو على وجهه الطيبه وهو يهتف :معلش يا ابني تسمحلي اقول حاجه
هتف زين بأدب :اتفضل يا حاج
هتف المسن وهو يشير بإصبعه على المسكين الذي يأن الماً:الراجل دا مسكين يا ابني وبيجري على أكل عيشه ومش بتاع مشاكل لكن هما اللي في الرايحه وفي الجايه يضايقوه ويقولوا يا شر اشتر والنهارده اتعرضوا لأخته وهي رايحه كليتها يا ابني وعشان بيدافع عن عرضه عدموه العافيه زي ما انت شايف
كانت دعاء تنظر لزين بإعجاب وهو يستمع للمسن بإحترام..
جاء زين ليرفع بصره فتلاقت الأعين بضع دقائق قبل أن يبتر تأملهم صوت صراخ نسائي يردد :يا لهوووي يا حبيبي يا اخويا اصملا عليك يا خويا كانوا هيقتلوك يا لهوووي
نظر اليها زين بملل ثم نظر الي دعاء ورفع حاجبه ثم غمز لها وعلى وجهه ابتسامه عذبه..ابتسمت له دعاء لا ارادياً ليزداد سروره..
اقتربت تلك السيده من المسكين الملقى أرضاً وجثت على ركبتيها بجانبه ودموعها تنهمر قهراً على شقيقها وهي تهتف:قوم ياخويا يا لهووي ياني دول شلفطوا وشك على الآخر منكم لله حسبي الله ونعم الوكيل فيكم ربنا ياخدكم يارب ربنا على الظالم والمفتري
هتف زين بضجر :خلصتي يا ستي ولا لسه انا مقدر والله زعلك عليه بس انتي عملتي اللي عليكي ودعيتي عليهم اهو سبيني انا كمان اعمل اللي عليا هناخده القسم عشان ناخد أقواله ويجيلك تكملي الحداد..
ضحكت دعاء برقه نظر زين الي ابتسامتها مطولاً ثم فجأة جأر بقوه جعلت دعاء ترتجف وهو يردد:عسكررري.. لمهملي كلهم في البوكس..
غادر زين..
نظر فارس لدعاء وهو يردد بإعجاب:جامد اوي النقيب زين دا لا وشخصيه وكاريزما كدا.. بس عنده كمية غرور يا بنتي تكفى بلدك وتزيد
هتفت دعاء :انت تعرفه منين عشان تحكم عليه
هتف فارس بسخريه :اعرفه منين!! لا وهو في حد ميعرفش زين السيوفي ادخلي يا دعاء الله يصلح حالك يا اختي ادخلي
_____________________________________
امام شركة (AR Group)