"أنسولين"

الفصل الثاني والعشرون

#اللي متابع يقول رأيه يا حلوين.. ايه رأيكم في الروايه اكمل ولا؟
وايه رأيكم في الأحداث؟
اللي جاي احلى ف قولولي رأيكم عشان رأيكم يهمني💙
دمتم بخير ❤️

.......................................

وصل حازم الي المكان الذي اخبره "انس" بأنه سيمكث ينتظره فيه الي ان يأتي ووجد "انس" بالفعل ولكن كانت الصدمه بالنسبة له وجود "لين" بصحبته..

انزل حازم الزجاج واخرج رأسه لهم وهو يقول ببلاهه :اللهم صلي على النبي انتوا بتعملوا ايه
قال انس بملل:يلا يا دكتوره
قال حازم بخبث وهو يغلق سيارته ليمنعهم من الدخول :لااا مش هنمشي غير لما اعرف في ايه وايه السبب اللي يخليكم تيجوا هنا مع بعض وفي منطقه زي دي
قال انس وقد بدأ يغضب :يا زفت نتحرك من هنا وبعدين نتكلم
تحدث حازم بعند :لا والله ابدا نتكلم الاول بعدين نتحرك
تحدث انس بعصبيه طفيفه:في ايه يا حازم انت شايف ان دا وقت مناسب للكلام يعني
قالت لين بضيق في محاولة منها لتهدئة الأجواء :يا بشمهندس بالنسبه لوجودنا هنا ف انا جيت عشان عندي حالة ولاده مقدرتش تجيلي المستشفي وبشمهندس انس وصلني عشان مش معايا عربيتي ممكن نمشي بقا عشان انا اتأخرت ولازم اروح
قال حازم بإقتناع :طبعا طبعا اتفضلوا يلا وانا اسف ليكي يا دكتوره بس لازم اطمن برضو
دلفوا الي السياره وانطلق بهم حازم الي المستشفى لتأخذ لين أغراضها وعرض عليها ان يعيدها الي منزلها ولكنها رفضت وقد اجرت اتصالا ب "أسر" وأتى وأخذها معه تحت أنظار انس..
وجه انس حديثه ل حازم الذي يقف يعبث بهاتفه :هو مين دا
حازم وهو مازال ينظر بهاتفه:واحنا مالنا بقولك تعالي جايبلك معايا ورق مهم عشان تشوفه وتقولي نبدأ في الموقع ولا لسه هو كدا كدا تصميم قديم انت عامله
قال انس بضيق :بكره يا حازم بكره ابقا اشوفه تعالي وصلني البيت عشان مأخدتش الدواء وحاسس اني تعبان
قال حازم بإنتباه بعد أن وضع هاتفه بجيبه:مالك
انس :مرهق شويه اليوم كان طويل محتاج ارتاح
تحدث حازم وهو يخرج مفاتيح السياره:يلا طيب نروح بسرعه عشان تاكل وتاخد علاجك
قال انس معارضا :لا انا مش جعان تعالى نشرب حاجه
سأل حازم وهو يعلم إجابة سؤاله :وهتشرب ايه يا بشمهندس
قال انس وهو يغادر :طبعا اسبرسو
قال حازم مؤنبا انس :في ايه يا انس يا ابني ارحم نفسك ايه يابا دا انت بتشرب اسبرسو اكتر ما بتشرب مايه ارحم نفسك
قال انس :يا عم انا حر خليك في حالك الا صحيح عملت ايه في موضوع العروسه
تحدث حازم وهو يفتح السياره :هنروحلهم بكره
قال انس متعجباً:ليه السرعه دي يا حازم ادي نفسك وقت تفكر طيب
قال حازم بجمود وهو يدور سيارته وانس يعدل من وضع حزام الأمان :فكرت يا انس فكرت كتير واخدت قراري خلاص
قال انس :طب انت كلمت عمي في الموضوع وكان رأيه ايه
حازم :مكلمتوش لسه اول ما اروح هقوله
انس بصدمه :يا راجل يعني هتروح تقوله النهارده وتروح تخطب بكره انت كده بتعرفه بس مش بتاخد رأيه
حازم ببرود :طب ما دا حقيقي انا بعرفه اني رايح اخطب مش باخد رأيه ولا حاجه
تحدث انس :ايه الهبل دا ما تتكلم عدل
ضحك حازم وهو يقول :اتحمقت على عمك
انس :انا مش بهزر يا حازم اتكلم جد وفهمني
تنهد حازم وهو يتحدث :عارف ريناد دي تبقا مين يا انس
نظر له انس وهو يعقد حاجبيه دون أن يتحدث
حازم :بنت حسين الشرقاوي معرفتوش صح .. ثم اكمل بأسى :حسين الشرقاوي اللي كان متجوز ماما الله يرحمها قبل ما تتجوز بابا
تحدث انس بصدمه :ايه انا مش فاهم حاجه
اخذ حازم يسرد ل "انس"ما حدث منذ سنوات بحزن دفين: