"أنسولين"

الفصل العشرون

بعد فتره وجيزة من الزمن سمع "عم إبراهيم" و "انس"صوت بكاء الطفل ليعلمهم بقدومه الي هذه الحياة..
عم ابراهيم :الحمد لله
انس :حمد الله على سلامتهم يا عم إبراهيم
عم إبراهيم :الله يسلمك يا ابني
سأل انس :ولد ولا بنت
عم إبراهيم :بنت
انس :ربنا يبارك فيها ويحفظها ويجعلها ذريه صالحه
عم إبراهيم بفرحه وهو يضع يده على كتف انس :يارب اللهم آمين يا ابني ربنا يبارك فيك
خرجت لين من الغرفه مبتسمه وبجانبها زوجة العم إبراهيم "فوزيه"
فوزيه :تسلم ايدك يا دكتوره ربنا يبارك فيكي يارب ومعلش مره تانيه غلبناكي معانا
لين :حمدالله على سلامة زينب والنونو هتسموها ايه بقا
عم إبراهيم :هسميها لين
لين بفرحه شديده :بجد يا عم إبراهيم
عم ابراهيم :هو انا عندي اغلى منك يا بنتي دا انتي زي زينب
كان انس يناظرهم بسعاده يشعر ب حنين غريب لهذه العائله اتضح له ان البساطه طريق للسعاده وان الغني هو غني النفس ليس المال..
قال انس بضيق مصطنع :هيبقا عندنا اتنين لين يا ساتر يا رب
قهقه عم إبراهيم ومعه زوجته بينما اغتاظت لين كثيرا واردفت
لين :طيب احنا مضطرين نمشي عشان انا عندي شغل وكمان البشمهندس مشغول
انس :انا مقولتش حاجه هي اللي بتقول
ضحك العم ابراهيم وفوزيه اما لين فوقفت تطالعه بغيظ
لين :تمام لو مش مشغول خليك انا ماشيه
انس :وبالنسبه للعربيه طيب
لين وهي تغادر :خليهالك
انس وهو يركض خلفها :عن اذنكم يا جماعه عشان دي مجنونه

خرج انس وهو يركض خلف لين
انس :يا بنتي اهدي
لين :انت ايه اللي جابك خليك هناك
انس :في ايه كبرتي الموضوع مكنتش كلمه
وقفت لين واعتدلت له
لين :عايز ايه
انس وهو يفتح له باب السياره :اركبي
عقدت لين يديها وهي تقول :لا
أغلق انس الباب وعقد يديه مثلها وهو يقول :ليه
لين :اهو كدا مزاجي كدا
انس :يلا عشان عندك شغل
لين :بقولك لا
انس :عايزه ايه طيب
لين :مش عايزه منك حاجه
ظل انس يطالعها دون حديث
لين :ايه سكت ليه
انس :هقول ايه يعني مش نافع القول معاكي
لين بتلقائيه :انت عندك اخوات بنات
انس :ايوه عندي
لين :واحده ولا اكتر
انس :لا واحده اسمها مياده
لين :بتدرس ايه
انس :صيدله في سنه 3
لين :عندك اخوات تانيين
اتنهد انس وقال :اه عندي مروان
لين بإهتمام:مالك هو انت وهو متخانقين ولا حاجه
انس :لا بس مغلبني حبتين
لين :ليه احكيلي
ابتسم انس :عايزه تعرفي يعني
لين :اه عندي فضول
انس :طب يلا اركبي واحكيلك واحنا في الطريق
لين :اوك ماشي
دلفت لين الي السياره وانطلق انس في طريقه
لين :هاا يلا احكيلي
انس وهو منشغل بالقيادة :بصي يا ستي مروان دا افشل حاجه جابتها عيلة الكيلاني
ضحكت لين :ليه كدا
انس :والله بكلمك جد اولا مش بيروح الجامعه غير لما اتخانق معاه ثانياً طول الوقت سهر وخروجات دا غير السفر كل أسبوع تلاقيه مع صحابه في حته شكل
لين :عايش حياته بالطول والعرض
انس :انتي بتسمي دي حياه طب ودراسته ومستقبله هيستنوه لحد ما يعيش حياته الحياه موجوده يقدر يعيشها في اي وقت إنما مستقبله مش هيستناه
لين :ممكن يكون هو عنده وجهة نظر تانيه لازم تتفاهم معاه
انس :مش نافع
لين :قعدت معاه واتكلمتوا
ضحك انس بسخريه :اتكلمنا احنا مبنتكلمش احنا بنزعق بس
لين :اهو يعني الغلط من عندك
انس ببعض من الضيق :فين غلطي انا لما بزعقله بعمل كدا عشان مصلحته وعشان يتعدل
لين :اه بس بالهداوه احسن
انس :اللي زي مروان دا مينفعش معاه هداوه
لين :هنا المشكله انت اقنعت نفسك واقنعته انه مفيش منه فايده وهو دلوقتي عايش الدور دا فعلا وعلى فكره لما تزعق فيه مش هيتعدل ولا حاجه بالعكس دا هيزيد في العند ف حاول تغير طريقتك معاه.......
__توقفت السياره فجأه
فقالت لين :وقفت ليه وايه المنطقه المقطوعه دي
انس :يا بنتي في ايه اكيد مش واقف بقصدي العربيه شكلها عطلت
لين :يا نهار ابيض ملقتش غير الحته دي وتعطل فيها
انس :خليكي انتي هنا وانا هنزل اشوف في ايه
نزل انس من السياره وقام بفحصها
انس بصوت عالي لتسمعه لين فهو في الخارج وهي في الداخل
انس :العربيه عطلت ومحتاجه ميكانيكي مفيش امل انها تشتغل
ضربت لين بيدها على رأسها
اتي إليها انس ووقف أمام نافذه السياره التي تخرج منها رأسها
لين :هنعمل ايه
انس :هنكلم حد يجي ينتشلنا من المكان دا هاتي تليفوني من عندك
أعطته لين هاتفه
انس :كملت مفيش شبكه هنا خالص
لين بخوف :هنعمل ايه دلوقتي احنا كدا ضايعين احنا بعدنا اوي عن بيت عمي إبراهيم
انس :متخافيش انا هتصرف انزلي تعالي
فتح لها انس الباب وخرجت لين اليه
لين :هنروح فين طيب
انس :هنتمشي نشوف حد يساعدنا يلا
لين :طب وعربيتك
انس :هقفلها واسيبها هنا والصبح ان شاء الله حازم يجي ياخدها ومعاه الميكانيكي
أخذوا يمشون سويا لعلهم يجدون احد يساعدهم ولكن المنطقه شبه مهجوره
لين :يلهوي مفيش انسان ماشي في الشارع والدنيا قربت تضلم هنمشي ازاي
انس :اهدي متخافيش
لين :انا كنت بحب اتمشي بالليل
انس :كنتي
لين :اه ما بعد النهارده مش هنزل تاني اصلا
ضحك انس :مالك خايفه كدا ليه هو انتي ماشيه مع بنت خالتك
لين :واخد بالك من مجموعة الشباب اللي واقفين هناك دول تعال نلف ونرجع عشان دول شكلهم يقلق
انس :بقولك متخافيش انا معاكي
وحدث ما خافت منه فلقد بدأ الشباب في التقرب منهم ببطئ
لين برعب :بشمهندس
انس :هااا
لين :يلا نجري
انس :لا دا انتي مستقله بيا اوي بقا
اقترب زعيمهم من انس وقد وقفت اسيل خلف انس تحتمي به
شاب 1:ايه يا شبح الحلوه دي تلزمك
انس :العب بعيد عشان مزعلكش
شاب 2:دا بيقولك هيزعلك يا كبير
شاب1 وقد اخرج بسكين من جيبه ووضعها امام وجه انس :تزعل مين ياض انطق بدل ما أعلم عليكي
حك انس أسفل ذقنه وهو يردد بثقه :تعلم عليا اه طب بص بقا لو باقي على حياتك انت واللي معاك تسيبنا نمشي ولو حياتك متلزمكش علم عليا
شاب 1:واثق من نفسك اوي يا شبح طب لو مش خايف على نفسك خاف عليها بص هقولك على فكره انت كدا كدا متلزمنيش انا عايزها هي وانت كدا كدا هتمشي بس اختار تمشي صاغ سليم من غير خدش ولا اتصرف انا وامشيك برضو بس بطريقتي

.........