سفاح الوهمّ

part 2

صالح: اي واذا بت عمك شعلية اريد المبلغ مينقص ربع خوش.

شفته اجي بتجاه البيت رحت اركض للمخزن
الي افتهمته حيزوج ريم لبن عمي !! بس منو بيهم بلضبط ولو همه كلهم كواويد

مثل مگلت بحياته ميسوي شي بدون مقابل وهسه اجه الوكت وعرفت المقابل شنو
تنهدت بقهر،

وهم: أوف ياصويلح العار متصيرلك چاره، بس بحلامك ومُحمد حته بحلامك ماخليك تسوي لبالك.

رحت للمخزن شفتهم گعدوا ردت احجيلهن الصار بس باخر لحظات تراجعت ماريد اخوفهن واكيد ريم حتوافق بسرعة حته لتصير مشاكل وامي هم حتقنعها لان ريمه بختصار طالعة على امي اوف ربي شلون بيه
اريد القوة منهن مو بلعكس، الحمدلله على كل حال فزيت من صفنتي على صوت امي

نادية: لج يوم وين صافنة صارلي ساعه احچي وياج.

باوعتلها بصدمه مصطنعة ساعة ماما ساعة هوه غير اني مصارلي خمس دقايق من اجيت ياساعه هاي

نادية: اووو الأمثال تضرب ولاتقاس شو وهري وخري.

طگيتها بضحكه ورجعت كلت
وهم: بس هذا مو مثل.
ناديه: شو دوليي مسويتني مضحكة الادبسز ولاعبالك امها .

رحت حضنتها واني اكول: تخبل سوالفج يوممم شوتعالي خلبوسج اويلي موش خد طماطه
ضربتني علي راسي بشقه وهيه تكول: وين اكدر للسانچ اني

رحت اسوي وياهم العشه
جاي امشي وصادفتني رنا البربوگ

رنا: هاي وينچ اليوم مختفيه.
رديت يملل
وهم: شتريدين؟
باوعتلي بضحكه
رنا: كل خير انشاء الله
عرفت قصدها ع سالفة ريم وابن عمي اكيد الطلي كايللها ، ماردت افوتها عليهم احم رنا

رنا: نعم؟
وهم: اريد اگلج شي صح احنا علاقتنا موخوش دائماً بس يعني لازم تعرفين هلموضوع، اباوعلها تباوعلي بفضول تحممت ورجعت احجي

وهم: اليوم شفت خالي ومصعد وياه وحده بلسياره
رنا: جذابة تريدينا نتعارك اعرفج حية
وهم: لا وروح بابا الماحلف بي چذب ليوم شفتهم بلحلة.

اباوعلها صارت حمره واكيد صدگت لان ماحلف بروح بابا جذب ماحس اله راحت تركض للبيت وتصيح بكل صوت

رنا : لك صويلح العار وينك اطلعع صويلححح

رحت يم ريم وكتلها شوفي الاكشن بتركيز لان مو كل مره موجود ابتسمت بشماته عليهم

ريم: شسويتيلهم ولج؟
وهم: كل خير.

التفتنا على صوت خالي وهوه يكول: شكو؟

راحتله رنا ترگض وتضرب بي وتصيح
رنا: ولك عار تخوني ولك هوه لو مو اني منو يكلبك؟ها جاوبني منو هاي الكح... لتخوني وياها ولك عاررررر

زط بط رگعها راچدي، اويلي يابة مي بارد نزل على گلبي

اجت أمي سحبتنا وهيه تكول: مشاكل متزوجين همه يحلوها بينهم

رديت بملل: اوو يوم خلشوف هيه مره بلسنه تصير
نادية: انچبي شو.

رحنا للمخزن، رحت اخذت دفتري وكعدت اكتب شلون نشرد اي احسن حل هذا كافي صارلنا سنين تحت رحمتهم وذلهم.
من الساعة 12لـ3 اني اكتب وامسح وأخيرا ثبتت على فكره وهيه افضل وحده بيهم أكثر نسبه نجاح .

كمت دحست نفستي بحضن امي ونمت.

ثاني يوم صادف جمعة كعدنا بـ10

كمنا تريكنا ونصفنا المخزن علسريع وبلشنا بلبيت اجت رنا تمشي ووجهه مزورك

حصرتني الضحكه كوه لزمت نفسي.
تحممت وكلت: احم رنا شتريدين غده
رنا: هه اصلا منو كال ابقى رايحه لبيت اهلي .

كلت بداخلي ايي هسه بدينا خوش نلعب

كملنا تنضيف عسريع شفت امي وريم ملتهيات غافلتهن ورحت طلقة لغرفه رنا

فتحت الباب علكيف اتاكد خاف احد موجود
ملكيت احد طبيت واني اغني العب بيها يابوسميرة يبووو ،انتبهت النفسي عزا شبيه دخيلك ربي

رحت للكنتور ادور على مستمسكاتنا ولجناسي لان عند خالي صويلح

دورت الغرفه كلها ملكيتها اوف وين مخليهن
صفنت على الچرباية ورحت بتجاهه كمت ادفع بلدوشگ وعين علدوشگ وعين علباب
دفعته بسرعه

ايووو هو دا والله وطلع صويلح يفكر ؤحت عسريع طلعتهم وضميتهم بصدري رجعت كلشي لمكانه بعدني جاي اطلع وانفتح الباب...

شنو تتوقعون البارت الجاي

لاتنسون التصويت ★
استودعكم الله ❤️