ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...

Part 23

အစတုန်းက လူများသည် ဤသည်မှာ ဒီအတိုင်း သူ၏ ထူးခြားထက်မြတ်လှသည့် စွမ်းရည်ကြောင့်ဟုသာ ထင်ကြသည်။ နောက်ပိုင်းတွင် သူ၏ တိကျသေသပ်သော ဆုံးဖြတ်ချက်များနှင့် အခြေအနေပေါ်လိုက်၍ ချမှတ်သော ပြတ်သားသော အမိန့်များကြောင့်သာမက သူ၏ စွမ်းရည်အပေါ် ပိုင်နိုင်သော ယုံကြည်ချက်ရှိပုံများကြောင့် လေးစားအားကျလာရသည်။

ဆိုးရိုးစကားတစ်ခုအတိုင်း ဝေးကွာခြင်းက အလှတရားကို ဖန်တီးပြီး ထိုအလှတရားက ထာဝရတည်မြဲလေသည်။ တာ့ကျားသာ ဤနေရာတွင် ရှိနေပါလျှင် သေချာပေါက် သူ့ကို ထွင်းဖောက်မြင်နေသကဲ့သို့ ပြောမှာဖြစ်သည်။

ဒီကလေးက ဟန်ဆောင်နေတာ ဟန်ဆောင်နေတာ"

နောက်ထပ် ဘော့စ်နှစ်ယောက်နှင့် တိုက်ပွဲကိုတော့ဖြင့် ချောချောမွေ့မွေ့ပြီးသွားသည်ဟု သတ်မှတ်နိုင်သည်။ သူတို့ထဲမှ တစ်ယောက်မှာ ခြေထောက်ကျိုးသွားပြီး နောက်တစ်ယာက်မှာ သစ်သားစွမ်းအားရှင် ဘော့စ်နှင့် တိုက်ခိုက်ရင်း လက်ကျိုးသွားသည်။

အဆိပ်သန္ဓေပြောင်းဇွန်ဘီဘော့စ်နှင့် တိုက်ခိုက်ချိန်တွင် အဖွဲ့သားနှစ်ယောက် အဆိပ်မိသွားခဲ့သည်။ သူတို့ သုံးလွှာကို ရောက်ပြီးသောအချိန်တွင်တော့ စတုတ္ထထပ် ထပ်ခိုးတစ်ခုသာ ကျန်တော့သည်။ လေအေးများက အောက်က ပင့်ပင့်တိုက်နေကာ လူတိုင်း တအားအေးနေပြီဖြစ်သည်။ စွမ်းရည်ပိုင်ရှင်များ၏ ပင်ကိုယ်အသိစိတ်နှင့် ဆဌမအာရုံသည် သာမန်လူများထက် အဆပေါင်းများစွာ ပို၍ အားကောင်းလေသည်။

ဤအချိန်တွင်ရလိုက်သော အန္တာရာယ်အသိစိတ်က သူတို့အားလုံးကို မသက်မသာဖြစ်သလို ခံစားသွားရစေကာ သူတို့၏ လက်နက်များကို တင်းကျပ်စွာ ဆုပ်ကိုင်ထားမိစေသည်။ သို့သော် အားလုံး ကျန်းကျိရင်ကိုသာ ကြည့်နေကြပြီး တစ်ယောာက်မှ မလှုပ်ကြပေ။

ကျန်းကျိရင် မှောင်မိုက်နေသော ထပ်ခိုးအဝင်စကို ကြည့်ပြီး မျက်မှောင်ကြုတ်လိုက်သည်။ အခြေအနေကို သေချာကြည့်ပြီးနောက်

"ဒီနေ့တော့ ဒီလောက်နဲ့ပဲ ရပ်ကြမယ် နားဖို့ပြန်ကြပြီး မနက်ဖြန်ကျမှ ပြန်လာကြတာပေါ့"