عشق في مملكة فاريس

الجزء الثاني

   #عشق_في_مملكة_فاريس
#بقلم  Sarah sarrita
"بين اسوارها عشقتك يا ذات العيون السود"

الجزء الثاني

فيكتوريا عرفات شنو تيعني و فهماتها و هي طايرة بلي خاص ولي العهد للمملكة.. فنفس الوقت، مبغاتش تتزوج هاكا و بشخص معارفاش نواياه.. و معرفاتش كيفاش توصليها الكلام..

فيكتوريا: و لكن
ارسلان قاطعها: عرفتك فهمتيني شنو بغيت نقول..
فيكتوريا بترجي: خلي ليا اختيار الزوج..

ارسلان غير تيشوف فينتو حبيبتو لي متيرفض ليها و لا طلب و حرك واسو بأه..

ارسلان: عندك مهلة اسبوع.. فكري و قرري فشكون سعيد الحظ لي غادي تختاريه..

نمشيو لبلاصة خرى
فدار الوزير لي عبارة عند قصر مساحتو تقريبا ربع مساحة قصر الملك.. و حماليتو الكل يشهد عليها و مبهور بيها و عندو حراس قلال و خدم و عبيد كثار.. كلشي محتارمو و تيديرو ليه حساب..

كان تياكل مع ولدو الوحيد لي معروف بشجاعتو و قوتو عند الكل.. اسمو جاك.. و لي مخطط من بعد يتعلى فالمناصب حتى يولي فبلاصة باه علاش لا.. و هو غيستافد من خبرة باه ديال سنين، و حتى قرب باه من الملك غادي يعطيه امتيازات كبيرة لي ميحلم بيها حد..

فرانسيس: هضرت مع الملك ارسلان ليوم.. و هو وافق باش يزوج بنتو.. و نت عارف هي بنتو الوحيدة مستحيل يزوجها لمين ماكان.. يعني نت لي غادي تكون زوج لائق بالأمير فيكتوريا..
جاك: و الا اختار شي امير من المماليك لخرى؟
فرانسيس: منظنش يختار شي حد متيعرفوش.. نت راك معروف فجميع انحاء المملكة بقوتك و شجاعتك.. و النسا تيحماقو على الرجل الشجاع لي متيخاف من تاشي حاجة.. فأكيد نت لي غادي تكون زوج
جاك فرحان: نتمنى..

فرانسيس ضرب على كتاف ولدو و هو مبتاسم..

داز نهار
الخبر زواج الأميرة ذاع فالقصر ديال الملك.. و وصل حتال الفارس المغوار.. لي معروف بسرعتو لي متيقدر حد يوصل ليها.. حتى الشجاعة ديالو الكل تيهضرو عليه بانبهار.. و اسمو رومان..

حارس القصر: سمعتي آخر الأخبار؟
رومان: آه! زواج الأميرة..
حارس القصر: محظوظ هادا لي غيتزوج بيها.. و لكن شكون شاف فينا حنا.. اكيد غيكون شي امير لي يليق بمقام اميرة
رومان: مبقاوش الامراء شجعان كيف قبل.. الكل تيتخباو ولا جنودهم و فرسانهم.. و تنظن بلي الأميرة الا تعطى ليها حق الاختيار فمغتختار غير فارس شجاع يكون ليها دراع لي تحمى بيه..
حارس القصر: منظنش هادشي و الا بغات واحد شجاع فراه كاين ولد الوزير فرانسيس هو قوي و شجاع..
رومان: القوة و الشجاعة بلا سرعة متتسوى والو!!

#يتبع