သူက ချီရှင် သူ့အသံကို မှတ်မိသွားမည်ကို စိုးရိမ်မိသော်ငြား ချီရှင်မှာ ပျားများကိုသာ အာရုံစိုက်နေ
သောကြောင့် သူ၏ နှာသံကို သတိမထားမိပေ။ထိုပြင့် လုံချန်ကို ဝေစန် ဟု လည်း အစောပိုင်းက
လူက ခေါ်ထားခြင်းကြောင့် သံသယ မဖြစ်လှပေ။
"ဒီနည်းလေးနဲ့လား" ချီရှင်က အနည်းငယ် သံသယဖြစ်ပုံရသည်။
"ဒီနည်းက အလုပ်ဖြစ်နိုင်တယ် လယ်သမားတွေ ပျားလိုက်ကြတုန်းက ဒီနည်းကိုပဲသုံးတာ ကျုပ်
မှတ်မိသေးတယ်" ဝေဆန်နှင့်သိပုံရသည့်ထိုလူက ၀င်ပြောသည်။
"ကောင်းပြီလေ ဒါဆိုလုပ်ကြည့်ကြတာပေါ့" ချီရှင်က ခေါင်းငြိမ့်သည်။
"ဆရာချီ ဒီလူတွေကိုဘယ်လိုလုပ်ကြမလား" မြေပြင်တွင် မေ့နေသည့် လူတစ်စုကို တစ်ယောက်က
ပြ၍ မေးသည်။
"အသုံးမ၀င်တဲ့ကောင်တွေ ပထမဆုံးပျားကို သတ်လိုက်တဲ့ကောင် သတိရလာရင် အဖွဲ့ထဲကနေ
မင်းကို နှင်ထုတ်လိုက်ပြီလို့ပြောလိုက် သတိမေ့နေသူတွေကို ကြည့်ဖို့လူ တစ်ယောက်ကို အစောင့်
ထားခဲ့...ကျန်တဲ့သူတွေ သွားမယ်" ချီရှင်က ကြိမ်းမောင်း၍ ကျန်လူအုပ်ကို ခေါ်ကာ ပျားအုံရှိရာသို့
ခိုးချောင် ခိုးဝှက်ဖြင့် ပြန်လာကြလေသည်။
မခံမရပ်နိုင်အောင် နာကျင်သည့် ခံစားမှုကို သတိရမိသောကြောင့် လူတိုင်းက နည်းနည်းမှ ပေါ့
ပေါ့ဆဆ မနေဝံ့ကြတော့ပေ။လူတိုင်း သတိအပြည့်နှင့် နေနေကြရသည်။
"မီးခိုးနဲ့ ကျုပ်တို့ ဘယ်လိုတိုက်ခိုက်မလည်း" ချီရှင်က လုံချန်ကိုမေးသည်။
လတ်တလောတွင် ချီရှင်က လုံချန်ကို သူ၏ အယုံကြည်ရဆုံးလက်ထောက်တစ်ယောက်ကဲ့သို့
ဆက်ဆံနေရာ အခြားသူများမှာ မနာလိုဖြစ်နေကြသည်။ဤကောင်လေးကား ကံကောင်းလွန်း
လှသည်။သူပေးသည့်အကြံက အလွန်ကောင်းသည့် အကြံမျိုးမဟုတ်သောလည်း ချီရှင်၏ အရေး
တယူ ဆက်ဆံခြင်းကို ခံနေရ၏။
"ကျုပ်တို့ရဲ့လုံခြုံရေးကို စိတ်ချရအောင် မီတာအနည်းငယ်လောက် နောက်ဆုတ်နေရမယ်....အဲ့ဒိ
နောက် ရေငွေ့ပါ၀င်မှုများတဲ့ သစ်ပင်အချို့ကို ကျုပ်တို့ရှာမယ် ဒီသစ်ပင်တွေက အငွေ့များများ
ပိုထွက်တယ်...လူတိုင်းက ပျားအုံရှိတဲ့ဘက်ကိုဦးတည်ပြီး မီးခိုးငွေ့တွေကို ယပ်ခပ်ပေး တစ်နာရီ
အတွင်း အလုပ်ဖြစ်လိမ့်မယ်" လုံချန်ကပြောသည်။
YOU ARE READING
ဆေးသိန္ဓိရှင် ( လုံချန် ) Book 1(ခွင့်ပြုချက်ရပြီး)
Adventureမူရင်း ENG Name: Nine Star Hegemon Body Arts မူရင်း စာရေးသူ : ordinary magician တရုတ်မှ အင်္ဂလိပ်ဘာသာသို့ပြန်ဆိုသူ: Born to be ဘာသာပြန်သူ - MKAung သူဟာဆေးနတ်တူရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးန တ်တုရားရဲ့ ဝိညာဉ်တော် နှင့် သူ့ဝိ...
151 - 155
Start from the beginning
