** Unicode **
နိုအာ ၊ ကော်နေးနဲ့ ကောင်လေး သုံး ၊
လေးယောက်ဆီက လက်နှိပ်ဓာတ်မီးရောင်တွေက အမှောင်ထုထဲမှာ တဝင်းဝင်း ။
ဆရာက နှစ်ယောက်တစ်ဖွဲ့ လူစုခွဲရှာဖို့
ပြောတာကြောင့် အဖွဲ့ကွဲရင်း ကွဲရင်း
ကော်နေးနဲ့ နိုအာ တစ်ဖွဲ့ ဖြစ်သွားတယ် ။
ကော်နေးက သူ မကြည်တဲ့ သောမက္ ကို
လိုက်ရှာနေရတာကြောင့် တမင်တကာ
စိတ်မပါသလို အိပ်ချင်မူးတူးပုံစံလုပ်နေပြီး
နိုအာကတော့ စိုးရိမ်တကြီး ဓာတ်မီးကို
ဟိုထိုး ၊ ဒီထိုး ။" တော်တော်ဒုက္ခပေးတဲ့ကောင်ပဲ..ဧကန္တ သူ
ထွက်ပြေးသွားတာလား "ကော်နေးက သောမက္ ကို တိတ်တဆိတ်
ကျိန်ဆဲနေရာက နိုအာ့ဘက်လှည့်ပြီး
ပြူးတူးပြဲတဲ မျက်နှာပေးနဲ့ မေးလာတယ် ။" မဖြစ်နိုင်တာ သူက အဲ့ဒီ့လောက်
မမိုက်မဲပါဘူး"နိုအာကတော့ သောမက္ ဘက်က ကာပြောပေးရင်း နှစ်ယောက်သား တရွေ့ရွေ့လျှောက် လာကြတယ် ။
" ဒီတိုင်းလိုက်ရှာနေရင် ဘယ်တွေ့မှာလဲ
အော်ခေါ်လေ သောမက်..အု..."နာမည်ခေါ်တာ မဆုံးသေးခင် နိုအာက
ကော်နေးရဲ့ ပါးစပ်ကို ကပြာကယာ လက်ဖဝါးနဲ့ ဖိပိတ်လိုက်တယ် ။" မင်းရူးနေလား တောထဲမှာနာမည်
မခေါ်ရဘူး မကောင်းဆိုးဝါးတွေက ဟန်ဆောင်ပြီး ထူးတတ်တယ်လို့ လူကြီးတွေ ပြောတာ မကြားဖူးဘူးလား "" ဘယ်ခေတ်ရောက်နေပြီလဲ
အယူမသီးစမ်းပါနဲ့ ဒီတိုင်းလိုက်ရှာရင်
မိုးလင်းတောင် ေတွ့မှာမဟုတ်ဘူး ""ငါတို့ဓာတ်မီးရောင်တွေကို သူ တွေ့မှာပဲ "
ကော်နေးနဲ့နိုအာ ငြင်းရင်းခုန်ရင်း တောအုပ်ထဲ တစတစ ဝင်လာတယ် ။ ကော်နေးက
အိပ်ချင်မူးတူး ဒီဇိုင်းနဲ့ ပျင်းတိပျင်းရွဲ
လျှောက်နေတာကြောင့် နိုအာ့ အနောက်မှာ ကျန်ခဲ့တယ် ။" ကော်နေးလာပါ "
" ငါတို့ သူ့ကို တောအုပ်တခုလုံးနှံ့အောင်
ပတ်ရှာဖို့ မဖြစ်နိုင်တော့ဘူး သူလည်း
ကလေးမှမဟုတ်တာ သူ့ဟာသူ Camp area ကို ပြန်လာလိမ့်မယ် "
YOU ARE READING
SUMMER STORY [ ONGOING]
Teen Fiction**Unicode ** လှပတဲ့နွေဦးရာသီမှာ ပေါ်ပေါက်လာတဲ့ ဆွတ်ပျံ့ဖွယ်အချစ်ဇတ်လမ်း တစ်ပုဒ် ။ ** Zawgyi ** လွပတဲ့ႏြေဦးရာသီမွာ ေပၚေပါက္လာတဲ့ ဆြတ္ပ်ံ့ဖြယ္ာအခ်စ္ဇတ္လမ္း တစ္ပုဒ္ ။