شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
_لان راح تجين
_وشكو هلكد متاكد؟
_ببساطه لان اذا سمعتي لراح اكوله حترحين من كيفج
_وشنو لتكوله سمعني بلــه
تنهد واردف وهوه عيونه مايخليها بعيوني
_ابوج على فراش لموت نيران ابوچ لرباچ علي الدر بايامه الاخير طلبه لوحيد من هلدنيه هوه شوفج لاتحرمينه منها وتخلينه يروح لدار حقه بحسره شوفتچ
بقيت صافنه بوجهه ببهتان
_دتجذب عليه مو؟
_نيران ماجذب بهيج مواضيع
_بس ابوي مايصيرله شي
_نيران مريض تفتهمين شنو يعني تعبان من رحتي لهسه
_بس اني ماجاني خبر بهلموضوع
_صح لان مراقبتنه اعرف بيج بس شمدريج بليصير بداخل لبيت؟؟
_تحجي صدك رأفت؟
_وبرئيج اجذب اني؟ لحضه راح اتصل باحمد واسمعي لان عمي حته تلفون مايكدر يجاوب علي كلش منتهي
مارديت علي رفع تلفونه واتصل باحمد وفتح سبيكر واني كاعده احس كلبي راح يوكف ياربي كلشي اختبرني بي بس الا ابوي اخذت كلشي مني بس مو بابا لامستحيل دخيلك ربي والله انتهي
فزيت من تفكيري على صوت احمد
_الووو
_الوو احمد شلونكم؟
_والله مثل مااحنه ماكو جديد انته شخبارك ماشي شغلك
_اي لحمدلله،اكلك وعمي علي شلونه ليوم
_والله خويه وضعه مو زين كلش وماعلى لسانه غير نيران يصيح جيبوها الي
_ادويته انطيتوها اله؟
_اي بس ماكو كل تحسن لرجال باي لحضه ينتهي
_لا الله لايكولها
_غير لصدك هاذه لمشكله يصيح اريد نيران كبل لاتغمض عيني
_يلا الله كريم سلمنه
_الله يسلمك واصل انشاء الله،دير بالك علنفسك
_انشاء الله يلا مع السلامه
_الله وياك
سد الاتصال واني صافنه لاعود صدك هلحجي؟معقوله ابوي هيج صاير وياه؟لا وبسببي اني!
رأفت_سمعتي حجيه؟
رفعت راسي اباوعله ومارديت رجع اردف
_نيران اذا صدك تعتبرينه ابوج لاتكسرين بي هيج ارجعي خلي يشوفج،وحته اذا ماتحسينه ابوج لخاطر الايام والعشره ارجعي ولج راح يموت افتهمي عاد اني بس اجيت اوصل هلشي الج والقرار راجعلج اني حاجز الطياره باجر الصبح لان ليوم طيران ماكو فلقرار الج عندج وكت منا لباجر هاي اذا لحگنه علي من الاساس وهسه اني اترخص اخذي راحتج
أنت تقرأ
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
