شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
طلعنه من لمستشفى للسياره اباوع سيارته حلوه وعاليه بلطريق سالني
_صدك شسمج؟
_اسيل
_حلو اسمج اسوله
باوعتله صفح_ما احبه اصلا
_ليش؟
_هيج.....اي وانته شنو اسمك؟
_اني
_اي
_اسمي علي الدر
التفتتله
_اسمك حلو
ابتسم ومارد عليه بقت لسياره تمشي لحد ماوكفت كدام بيت صغير بس حلو كلش
صف لسياره ونزل واشرلي انزل وراه نزلت وهوه تقدم فتح الباب
دخل ودخلت وراه اباوع اثاث لبيت حلو مبين مستواه زين فزيت على صوته
_تعالي بابا
مشه واني وراه اباوع دخلنه للمطبخ راح فتح الثلاجه وطلع علب مكبوسه وحافضات
خلاهم على الطاولـه واشرلي اتقدم
تقدمت منه وكعدت وهوه هم گعد ويرتب بالاكل
_يلا بابا مدي ايدج
_اكل وياي
_هوه وياج هم جوعان
_سؤال
_كولي
_انته وحدك عايش
_لا اهلي موجودين
_لعد ماكو واحد بلبيت
_مو هنا بمحافضه ثانيه ساكنين
_وانته ليش هنا؟
_شغلي يحكمني اجي لبغداد وابقه چم يوم هنا
_هاا
_اي يلا اكلي وعوفي الاسئلــه
سكتت وبلشت اكل وهوه هم اكل جنت كلش جوعانه فاكلت كلش هواي لمن حسيت بعد ماكدر
انتبهت علي مكمل وصافن عليه هزيتله راسي
_شكو؟
علي الدر_لا هيج شبعتي لو اجيبلج بعد؟
_شبعت
_كومي غسلي وارتاحي
_لا لازم اروح
_اي مو هسه كومي غسلي وارتاحي شويه
سكتت وكمت للمغــسله غسلت ورجعت شفته حاطلي فراش وهوه ماهو تمددت على الفراش وغفيت بدون ما احس بنفسي
ماصحيت الا على صوت كلام باوعت شفته يحجي بلتلفون
أنت تقرأ
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
