تجبر الــ نيران

Part 29

شونكم كرزاتي 🍒

صوتوا قبل لا تبدون بلبارت حبايبي

وعلقوا بين لفقرات حابه شوف رايكم بلروايه

الكـــــــاتبه: ايــــــــــفا الصــــــــــابر

•••••••••••••••••••••••••••••••••••••••

درت وجهي وصعدت بخطوات مامتوازنه لغرفتي اريد اطلع الغصه ماكدر بعد اكبت بكلبي ليش هيج نحلتي ليش؟معقوله ماهنت عليج ولا فكرتي بيه؟وين حبج راح؟موكلتي احبك رأفت؟

دخلت لغرفه انتبهت لتلفوني مضوي جنت تاركه بلغرفه مانزلته لجوه فتحته ونصدمت واني اشوف اشعار رساله من نيران

نبضات كلبي احسها تسارعت دخلت على الرساله بايد ترجف

[روح نيران شلونه؟ رأفت اعرف بكلبك هوايه كلش هوايه واعرف غدرتك بس مو بيدي والله موبيدي فكر بيه بكلشي وخته اذا تغلط وتسب واي شي تسوي اعذرك بس الا شغله وحده رأفت الا شغله وحده" حبي "دير بالك تشكك بحبي الك ولو ذره وحده لاتكول نيران ماتحبني لاتكول نيران استغلتني باسم الحب دير بالك بس من هلشي بس هلشي امنعك منه لان حبي الك حقيقي رأفت انته اول شخص حبيته بحياتي انته عيشتني اول شعور بلحب وراح تكون الاخير هم مستحيل اعيش هيج شي ويه شخص ثاني تدري هواي كلش تحديت نفسي حياتي كلها جايبتها تحديات ويه عقلي وكلبي ودائما عقلي يلي امسيطر على كل شي بحياتي وجانو ثنينهم يقتنعون بلخطوه الاخذها بس مره وحده اختلفو تدري منو لسبب؟ انته
اي انته السبب رأفت ولهسه ماعرف شلون وليمته بس كل الاعرفه انو انته سرقت كلبي مني كلبي ونبضاته وكل جزء بي مو الي اني مو ملكي صح وياي بس هوه ملكك انته شكد عشت صراعات بين عقلي ليكلي لاتدمرين اهدافج وابقي القويه الصلبه النيران بنضر الناس وبين كلبي لجان يدافع بكل قوه عن حبه ماعرف اعبر شنو الاحساس بس شي كلش حلو لحب حلو واني عشته وياك وحدك
وصدكني ماراح يتغير بلزمن بس هلشي يضر يارأفت كلش يضر
اعرف هسه وجعك واعرف شعورك واعرف تفكيرك شنو هم لاتضني اني عايشه طبيعي لا
اني يمكن اكثر منك بس هاذه لصح
شنو ذنبك تاخذ وحده مثلي؟ مجرمه ومتشرده ويتيمه
دكتور ولكل يتمناك ليش تغطس وياي بلضلمات
اني كلبي اسود كلبي كله انتقامات ملطخه كلني بالدم
ليش حته تعيش هيج وياي؟ وانته ماناقصك شي؟
لاتزعل مني رأفت بس هاذه لصح واني ما استاهل لحب ما استاهل لحنان ما استاهل عائله خلاص حته نفسي ما استاهلها جنت كل ما اصفن اكول ليش مامتت وياهم بذاك اليوم ليش بقيت عايشه ويرجع الحقد لعيوني تمنيت كل مره اموت ليش ابقه وحدي
فكلي انته ليش تريدني الي؟تدري من اعترفتلك بذاك اليوم جنت اعرف راح تجي هاي النهايه بس استمريت بيها جنت مستعده ادفع عمري حته اعيشها لانها شي حلو بس مؤقت عيش حياتك رأفت بس لاتحقد عليه وادعيلي بكل صلاه وبكل ركعه تركعها لربك دعيلي ياخذني يم اهلي عسى تكون اقرب لله مني احبك يا اول واخر فرحه بكلبي احبك رأفت عيش حياتك......... نيـــران]