شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
بلشت تسرد الاحداث وشلون صار كل هاذا
نيران_كبل فتره صارت كعده بين اثنين على گاع وصارت عليها عركات وحته تهديد ودخل بيها جدي لشيخ**واسطه خير حته يرضي لطرفين واقترح عليهم اقتراح الاثنين وافقوا عليه وواحد من هلطرفين انته يا استاذ
وافقتوا على اقتراحه ومشيتوا بي بس لضاهر ابنك لصگط ماجان راضي وماحجه بلديوان ضمهه بكلبه واجه يهاجم بيتنه وكل نيته لقتل يعني كان يريد يقتل جدي يسوي جريمه مقصوده وبحسب لماده***بقانون لعقوبات يا ينحبس مؤبد يا اعدام بس للاسف ماحالفه لحض وجنه بوقتها مامتواجدين بلبيت فخرب لبيت بلحجر عساس يكون هاذا تهديد واضح بس ابن حضرتك جان غبي لان ماكو شي ينضم وكل مجرم يبقي ورا دليل ولو بسيط يوصلنه اله
ومن سوء حض ابنك لكيت كامره لاقطته وهوه بيده السلاح فانت كلي اذا بيده لسلاح ليش ماستخدمه واستخدم حجر؟
اني اجاوبك لان تراجع من مالكه احد وسوه هلشي تهديد وكامل لتصوير موجود عندي واني اكدر اخذ حقي بايدي واكدر اذبه وره لشمس اقل شي ياخذ سجن فوك لعشر سنين بس اني اريد من هلوجوه لخيره هيه تاخذ حقنه.
زمخ الرجال بابنه
_الله يطيح حظك فشلتنه جدام لوادم
نيران_اني بس اريد اعرف تكدرون تاخدون حقنه لولا؟
الشيخ_تاخذينه مربع بويه وكولي شتئمرين بي حاضرين
ابتسمت تك خد وكالت
نيران _ونعم منك شي متقصر اني ماريد شي الي ولا تكولون طمعانه لان اكدر هسه اچوم الكم لفلوس كلها وشكد متكولون هنا بس هوه من تهجم علبيت ولبيت بي حريم وممكن نكون موجودين وماخذين راحتنه بلبس شنو راح يكون لموقف ولبيت اله حرمته؟
انتم كلولي ترضوها تچفت زلم لبيوتكم ويشوفون نسوانكم وبناتكم ويتغرجون على عرضكم ترضوها لولا؟
الشيخ_والله نكص راسه ولعرض مثل لجزازه كولي بويه انتي شتردين ومايكون خاطرج الا طيب
نيران _اني ماريد اخلي ذنب بركبتي وراح اكتفي بشي متوفر وسهل ولاتفكرون طمعانه كتلكم واحنه صيتنه سابقنه الاريده يدفع 25مليون 10 على تهجمه للبيت والاغراض لغاليه يلي خربت و 15على حرمه لبيت لان چفتوا چفت هاذا اقل شي حته نرد اعتبارنه بي وكتلكم وارجع اكرر لاتفكرون طمعانين اقسم بالله اذا تردون هسه اجيب الكم ضعف هلفلوس مربع وكدام عيونكم واريده يطلع من لمحافضه كلهه لان لو اشوفه مااضمنلكم نفسي واذا متكدرون تنفذون اكدر استخدم لقانون ماكو مشكله.
الشيخ_بس علكيفج بنيتي وانتي تعرفين لرجال منين يجيب؟
نيران _ليش ماعنده عنده مشتمل بمنطقه**ويشتغل بلمعارض ليش منين يجيب؟ يعني اني لوصاير لجدي شي تفيدني لفلوس لو لعداوات؟
أنت تقرأ
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
