وأنا الهبايب ماتحرك غترتي وعقالي

الهبايب ~١٨~

~~من بكرا الصباح ~~
صحى من النوم وبدا يغسل وجهه وثم دخل المجلس وابتسم بخفه وهو يشوف الجادل ماسكه الخبز والفول بـ اياديها وتوكل العمه موضي وتسولف عليه عن عنيزه واهلها
عبدالعزيز بهدوء : سلام عليكم صباحكم الله بـ الخير
ابتسمت العمه موضي: صبحك الله بـ النور ي يمه
ولفت على الجادل :قومي فطري زوجك
ناظرت فيها الجادل بخجل : يمه وشو افطره؟
عبدالعزيز مسح على بطنه بضحكه : اي والله اني جوعان شوفي خالتي تحس فيني وزوجتي لا
ضحكت الجادل ونزلت الفول والخبز وقامت مع عبدالعزيز ل المطبخ وكانت الخدامه حاطه الفطور ومرتبته
جلس عبدالعزيز وقباله الجادل ونطق عبدالعزيز بهدوء :جادل
الجادل وهي تقطع الخبز: هلا ؟
عبدالعزيز: ودك ناخذ امك معنا عنيزه ؟
فزت الجادل بفرحه : تتكلم جد؟؟
عبدالعزيز ببتسامه : اي والله اتكلم جد
الجادل تحولت ملامحها من فرح الى حزن وتنهدت : بس السكن ي عزوز؟
عبدالعزيز: فيه شقق جنب بيتنا ناخذ شقه ل امك وتروحين لها متى مابغيتي
الجادل بهدوء : وابوي ؟
وقرب لها وهو يلامس كفها : ادري ان بعد الام يوجع وتعبها يكسر الظهر وانا مابيك تفارقين امك لو دقيقه وبوقف بوجه ابوك واي احد يحاول ياذيك او ياذي خالتي موضي ونذر علي والنذر مافيه تبديل ان جارحك مايهتني بـ منامه قلت كلامي وانا قد الليالي المقبله
ابتسمت الجادل بخفه وهي تناظر بعيونه ونطقت : الحمدالله عليك
دخل راكان عليهم : ماما
عبدالعزيز فتح ذراعه له : تعال ي مخرب الحظات تعال
مشى له راكان وهو مو فاهم شي وبدا ياكل معهم
~~ بعد ساعات طويله ~~
وقف عند باب البيت ومعه بناته لين وليان
لين بهدوء: بابا ابي بقاله
ناصر : الحين يجي راكان ونروح سوا طيب ؟
هزت راسها لين بـ الايجاب ولفت على نور سياره الاسعاف و وراها سياره وقفت امام عماره الشقق الي على يمنهم
ناصر مسك اياديهم ونطق : يلا هذا راكان
مشى ناصر وهو ماسك بناته وارتفع صوته من نزل عبدالعزيز من السياره : يهلااا والله بـ ابو راكان
ابتسم عبدالعزيز وهو يفتح الباب ل راكان : هلابك زود ابو ليان
نزل الممرض من سياره الاسعاف وهو ينزل العمه موضي بـ السرير واشر له عبدالعزيز على عماره الشقق ونطق : غرفه رقم ثلاثه بـالدور الاول
هز راسه الممرض بـ الايجاب وسحب السرير وخلفه الجادل و وراهم عبدالعزيز وناصر لغرفه رقم ثلاث الي كانت جاهزه بـ الاثاث والفرش والمكيفات كل شي كان جاهز
لاشعوريا الجادل بدت تدمع من تحت النقاب وهي تشوف حنيه عبدالعزيز مع امها موضي وكانها امه لاول مره تحس براحه وهي تشوف ابتسامه امها وفرحتها والسبب كله يرجع ل الله ثم لعبدالعزيز
تنهدت براحه من طلع الممرض وطلع عبدالعزيز مع ناصر لبرا الشقه
فكت النقاب الجادل وهي ترتب سرير امها ونطقت العمه موضي: ي الله ي جادل انتي فعلا طحتي بحضن رجال مو مثل ابوك
الجادل بهدوء وهي تناظر بـ امها : صدق يمه الحمدلله عليه
ابتسمت العمه موضي: الله يديمكم ويلا الحين اطلعي له وخليني انام انا وخدامتي
ضحكت الجادل : مابي بنام معك
العمه موضي مسكت راسها : لا لا روحي لزوجتس وباكر الصباح تعالي لي
الجادل : متاكده ماتبين مني شي ؟
العمه موضي هزت راسها بالايجاب وهي مبتسمه وانحت لها الجادل تقبل راسها وطلعت من الشقه وهي تشوف عبدالعزيز واقف لوحده ينتظرها قربت له بهدوء ونطقت : وين راكان؟
عبدالعزيز: راح مع ناصر وبناته ل البقاله
الجادل تنهدت براحه ونطقت بهدوء وهي تمسك كفه: الحمدالله عليك ميه مره لو ماكنت بدنيتي كان انا الحين ضايعه ونفس الشي لو ماكانت موجود بحياتي كان امي الحين وحيده مالها بعد الله احد
ابتسم عبدالعزيز وهو يناظر بـ مسكه اياديهم وابتسامه الجادل ونطق بهدوء : انا وش يهمني بـ هدنيا غير الابتسامه تنرسم على ثغرك
نزلت راسها الجادل بخجل ومشت وهي ماسكه يد عبدالعزيز لبيت العم ابراهيم
~~ من بكرا الصباح ~~
نزل عبدالعزيز من شقته ومعه راكان وهو يشوف اخوانه وخواته مجتمعين عـ الفطور مع العمه نوره ابتسم بخفه ونطق : صباحكم الله بـ الخير
ابتسمت العمه نوره: صبحك الله بـ النور ي امي انت تعالوا افطروا
جلس عبدالعزيز ومشى راكان جنب ليان
ناصر بضحكه ؛ ابعد عن بنتي مناك يلا
عبدالعزيز: لاتخرب على ولدي خله يرتب وضعه من الصغر
ضحك ناصر ونطقت العمه نور لعبدالعزيز: يمه عزوز وين كنت؟
عبدالعزيز تنهد تنهيده طويله ثم بدا يتكلم معهم عن الجادل والعمه موضي ونطقت العمه نوره من خلص عبدالعزيز: زين ماتسوي بهم ي امي انت وعسى الله يكتب اجرك
ابتسم عبدالعزيز: اللهم امين
طلعت الجادل وهي لابسه عبايتها ومغطيه وجها وقفت قدامهم وهي تسلم عليهم : سلام عليكم شلونك خالتي ؟
العمه نوره ببتسامه : بخير انتي شلونك؟
ابتسمت الجادل : الحمدالله بخير
العمه نوره بهدوء : خوذي الفطور ل امك وسلمي لي عليها والله الود ودي اجيه بس عندي علاج طبيعي اليوم
سكتت الجادل لثواني وهي مستغربه ولكن فهمت ان عبدالعزيز قال لهم الموضوع من نظراته ونطقت بهدوء: ماتشوفين شر
العمه نوره: الشر مايجيك
وطلعت الجادل من عندهم لشقه امها ولكن قابله بطريقها الخال فرحان وسميه وضاري وسالم بلعت ريقها بتوتر ونطق الخال فرحان:سلام عليكم
الجادل بتوتر : ووععللييكممم اللسسلاامم
الخال فرحان بستغراب : وين طالعه على صباح الله خير؟
الجادل سكتت لثواني وثم نطق الصوت الي طلع من البيت : رايحه ل امها بها شين؟
ولفت الا هو عبدالعزيز وقف جنبها وهو يمسك يدها من تحت العبايه ويشد عليهِ لاجل يحسسها بـ الامن والامان
الخال فرحان بستغراب : وش تقول انت ؟
عبدالعزيز بعدم اهتمام : قلت الي سمعته عمتي موضي بوسط اراضي عنيزه وبتبقى قريبه لبنتها لين اخر لحظه ولا احد يقدر يمنعهم من بعض دام راسي يشم الهواء
قرب منه الخال فرحان بضحكه سخريه : ماشاء الله طلع صوتك ي عزوز شكلك ناسي ان الجادل بنتي يعني بـ لحظه بس اقدر اخذها من بيتك
عبدالعزيز بعناد : تخسي
شهقت الجادل من كلمه عبدالعزيز ونطقت بـ بتوتر من مسك الخال فرحان ياقه عبدالعزيز بعصبيه : خلاص عزيز يبه تكفى خله
الخال فرحان بعصبيه وهو ماسك ياقه عبدالعزيز: وش قلتتت؟؟؟؟
طلعوا العيال كلهم من بيت العم ابراهيم من سمعوا صوت الصراخ
ناصر ابعد يد الخال فرحان بصعوبه من ياقه عبدالعزيز ونطق ناصر:شصاير؟؟؟
الخال فرحان بعصبيه : اسال اخوك الي مايعرف يمسك لسانه
عبدالعزيز وقف بعصبيه من مسكه ناصر ونطق ناصر : ي الله تعوذوا من بليس وخلونا ندخل نتكلم مو قدام الناس
عبدالعزيز بعناد : مافيه شي نتفاهم عليه طالما اني ماسويت شي غلط تكلم مع الي قدامك
وكان يقصد الخال فرحان ومسك يد الجادل ومشى ل العماره ونطق ناصر : لاحول ولاقوة الا بالله خلاص ي خال تعوذ من بليس
الخال فرحان بعصبيه: اعوذ بالله من الشيطان الرحيم
وبدا يمسح على دقنه الي ماليه الشيب بعصبيه وهو يتوعد بـ عبدالعزيز ودخل مع ناصر ل البيت
~~ عند البنات ~~
انتصار قفلت شباك المجلس بقهر ونطقت : ي ربي مو وقت مصايب خلوني اتزوج وثم تهاوشوا على كيفكم
ضحكت الجوهره وهي ماسكه عبدالعزيز الصغير : ي عمري ي انتصار كل ماقرب عرسك صار شي تراجعنا
انتصار جلست على الكنبه بزعل ونطقت سلمى بضحكه: ماعليه ي عين حصل خير
ولف على هيا: هيونه تروحين مع امي العلاج ؟ هي تقول مابي غير هيا تروح معي
هيا وهي تلبس عبايتها : تبشر ام العز بروح معها
ونطقت الجوهره : طيب انا ام عز الصغير مشتهيه ايسكريم جيبوا لي وانتم راجعين
هيا حطت يدها على خشمها : سمي ي ام عز الصغير
دخلت بشاير عليهم وهي لابسه جلالها: سلام
تنهدت انتصار بكره وقامت من عندهم : ي رب صبرني
ناظرت بها بشاير وهي ماشيه ولفت على البنات : بسالكم انا ماكلها حلالها ؟ ولا ليكون ذابحه ولدها وانا مدري؟
سلمى كشرت بضيق : لاحول ولا قوة الا بالله خلاص بشاير العني الشيطان وادخلي
ودخلت وراها نجلاء وعليها الجلال: ي مرحبا ي بنات شلونكم ؟
ابتسم الكل من شاف نجلاء وروحها الوسيعه عكس بشاير
ابتسمت سلمى : الحمدالله بخير
الجوهره ببتسامه : شلونك انتي شلون امك وخواتك ؟
نجلاء : الحمدالله كلنا بخير الا بسالكم الجادل وين؟ من اليوم وانا اطق باب الشقه بس مالها حس لا هي ولا عزوز
سلمى: اي الجادل طلعت مع عبدالعزيز بنفهم السالفه لرجعت
هزت راسها نجلاء بـ الايجاب ومشت تجلس معهم ومع بشاير وهم يتقهون
ونطقت الجوهره : بنات تصدقون ماشفت عزوز من ولادتي؟
سلمى : عيني عينه هو مشغول مابين بيته ومابين مواعيد امي ولاهو متشفق ل عز الصغير
ابتسمت الجوهره: يبي لي يوم امسكه واخليه مع سميه
ضحكت نجلاء : الله يعينه مقدما على ازعاجك وازعاج ولدك
الجوهره : حاصل له يسمع ازعاجي وازعاج ولدي ؟
دخلت عليهم مريم ومعها عيالها وبناتها : سلام عليكم
الكل : وعليكم السلام
ابتسمت نجلاء : ي هلا والله بـ مريومتنا ام ابراهيم
مريم ببتسامه : هلابك ام ليونه الا صح وينهي بوه ليان شهد ازعجتني عليها صار لها يومين ماتطري الا ليان
ضحكت نجلاء وهي تلف على شهد وشيخه وابراهيم : تعالوا سلموا علامكم واقفين عند امكم؟
ابراهيم : انا كبير ما اسلم على الحريم
ضحكت نجلاء: يويلي منك ي الكبير ترا عمرك ثمن سنين بزر
ضحك ابراهيم ومشى يسلم عليها بخجل ونطقت نجلاء: رح تلاقيهم يلعبون عند النخل بـ الحوش
شهقت سلمى : يويلي يلعبون عند زرع امي ؟
لفت عليها نجلاء: الجده موافقه مانقدر نقول شي
ضحكت مريم وهي تجلس معهم : اي عاد امي كل شي الا احفادها
~~ من بكرا الصباح ~~
جلست على الارض وهي حاضنه طفلها بذراعيها والخوف يسيطر عليهِ من اليد المجهوله الي تخبط عـ باب الشقه مع كل طقه كانت تشد يدها عـ راكان بخوف لاشعوريا بدت تذرف الدموع من سمعت صوت الخال فرحان الي بـدا يـردد<< عبدالعزيز مانتهى حسابي معك افتححح >> بـدت تـرجـع لهـا مـشـاعـر الخـوف مـن الفـقـد المـشاعر الـي جتـهـا لحـظـه فـقـدان امـهـا
طـلع مـن الغـرفـه وهـو يـعـدل ثـوبـه بـ عـصبـيه مـن الطـق
فـزت بـخوف مـن تـقـدم عبدالعزيز لـ بـاب الشـقـه ومـسـكت كفه الي عـ الباب ونـطـقت بصوت مبحوح مـن الخـوف والـدمـوع: تكفى ي عزيز لايحرمني شوفتك
زفـر عبدالعزيز بـعـصبيه وفـتح الـبـاب وسـرعـان مامـسكه مـن يـاقـته : امـس حشمتك وعديت الموضوع لاجل اخوك ناصر والا انت مو وجهه حشيمه
عبدالعزيز شـد عـلـى قـبـضة يـده: خالي انا ماسويت شي غلط ومن حق الجادل تشوف امها
ضـحـك الـخـال فـرحـان بـسـخريه ولـف عـلـى الـجـادل : ماظن ان بنتي بتعيش مع واحد صرخ على ابوه وتطاول عليه
عبدالعزيز نـاظـر فـيـه : اترك الجادل مالك خص بها دامها على ذمتي
الخـال فـرحـان قـرب لـه : مالي خص بها ؟ شلون مالي خص بها بنتي !!
وصـرخ بـعلـوا صـوته : عزوز طلع لك حس وصوت
اعبدالعزيز مـاقـدر يـمـسك نـفـسه وانـفلت عـليـه وجـاهـل الجادل الـي حـطـت يـدهـا عـلـى اذنـها بـانزاعـاج وثـم صـرخـت بـعلـو صـوتـها قـاطـعه لـصراخهم: يكفييي
وقـربـت ل ابـوها بـدمـوع : يكفي ي يبه تعبت وانا اسمع كلامك وامشي خلفك وكل شي تقوله ماتسمع مني غير سم وحاضر ولبيه حرمتني طفولتي ماكنت تخليني اطلع مع البنات ل الحي والعب معهم وحرمتني من التعليم وحرمتني من امي وكرهتني بجسمي وشكلي الانثوي خليتني اتمنى وابكي ليل ونهار ابي اكون ولد لاجل اكسبك واكسب رضاك علي فضلت الجوهره واعطيتها الحب والحنان الي المفروض يكون لي خليتني الاجى ل الغريب واطلب منه الامان والحب الي المفروض اخذه منك بس تعرف وش الغريب يبه ؟ ان الغريب احن منك الغريب لمني بحضنه وطبطب على ظهري ولملم جروحي والالم قلبي الغريب اعطاني حنان الاب والاخ والخال والعم بس القريب الي انا من ظهره ومن لحمه ودمه وش اعطاني؟
صـرخـت بـوجـه ابـوهـا : وش اعطيتنييي رددد؟؟؟؟
راكان عـض يـده بـخـوف مـن الـمنـظر وعبدالعزيز مـسـك الـجـادل مـن كـتوفـها وكـانـه حـاس بـ الـحـريـق الـي بـ ظـلـوع الـجـادل
نـاظـر الـخـال فـرحـان بـهم لـثـوانـي وخـرج بـدون اي رد انـهـرت عـلـى الارض بـعـد خـروجـه وهـي تـبـكـي بـس شـعـور الـبكـيه ذي شـعـور غـريب شـعـور الـراحـه بـعٰد الـكتـمـان نـزل عبدالعزيز لـ مـسـتواهـا وهـو يـضـمها عـلـى صـدره لاجـل تـرتـاح وكـانـه يـقـول<<تراي انا لك دنيا تلمك من اتعابك وانا لك عمر يغينك عن الدنيا >> وفـعـلا الـجـادل تـشـوفـه دنـيا وعـمـر و سـنـد ومـلاجـى مـن اتـعـابـهٰا
عبدالعزيز بـهـدوء: قومي راكان خاف من الصراخ
مـسـحت دمـوعـها وقـامـت نـاحـيه راكان وهـي تـشـوف مـلامـح الـخـوف بـوجـهه حـضنته وهـي تـمـسح عـلـى ظـهـره وتـسـمـي عـلـيـه مـن الـخوف
~~ العصر ~~
وقـفـت العمه نوره بـ عـربـيتها قـدام دوره المـياه الـخـارجـيـه وهـي تـشـوف اياد قـدام الـمـرايـه يـلبـس الـغـتره والـعـقـال وسلمى جـنـبه مع الـبـخور لاجـل الـشـوفه الـشرعـيه عـكـس تـركـي الـي كان يـناظـر فـيـه بهـدوء تـنـهدت الـعـمه نـوره مـن وضـع تـركي
ونـطـق تركي بـهدوء: يمه بروح اغسل سيارتي تامريني على شين؟
العمه نوره: سلامتك ي امي انت انتبه على دربك
تركي : سمي
طـلـع مـن الـبـيـت وركـب لـسياره وهـو يـدعـي : ي رب نظره بس نظره وحده مابي اكثر من كذا
وقـف عـنـد الـمـغـسـله واشر لـ الـعـامل يـبـدا غـسـيل ومـشى قـدام الـشـباك الـي يـطـل عـلـى الـمـغـسـله وهـو يـشـوف الـعيـون الـي تـتـامـله ونـطـق بـهـدوء: اشوفك كل يوم واروح
واقول نظره ترد الروح
اعيش فيها عشان بكره
عشان ليلي اللي كله جروح
نـاظـرت فـيـه خـلـود بـحـزن وكـملـت : صحيح النظره ماتكفي
من الالام ماتشفي..
ولكن عذرنا الحاظر.
نراعي الوقت والخاطر
كـان ودهـا تـقـول لـ الـعـيون الـي تـناظـرها انـها << موافقه >>
تـنـهدت بـضـيـق وهـي تـشـوف حـب تـركـي الـمـكـتـوب عـلـى الـجـدران كـل جـدار مـن جـدران الـمـغـسـله بـيـت شـعـري بـحـب خـلود وكـل الـحـب جـاء بـسـبـب الـنـظـرات و الابـتـسـامات مـن الـشـبـاك
ولـكن خـلـود وحـيـده ابـوهـا الـمـريـض ومـسـتحـيل تـتـركـه وحـيـد
~~ بـيـت فـاتـن ~~
دخـل الـمجـلس وريـحـه البـخور تـطـلع مـنـه تـجـمـد مـكـانه وهـو يـشـوف ام فستان اسود تـتوسـط الـمـجلـس بـشـعر طـويـل تـقـدم بـبتسامه وجـلـس جـنـابـهـا ونـطق بـهـدوء: سلام عليكم
فاتن بـخـجل : وعليكم السلام
اياد رفـع نـظره : ماشاءالله الصلاه على النبي
ولـف عـيـونـه لـ عـنقـها الـي يـكـشـفه الـفـسـتان ومـلـيـان شـامـات وخـدهـا الايـمـن تـتـوسـطـه الـشـامه ونـطـق بـداخـله : الله يطول بعمر سلومتي وش ذا الزين الي طحت عندها
فاتن كـانت سـاكته مـن الـتوتر والـصمت الـي يـداهم الـمكان ومـن ايـاد الـي حـلل الـشوفه بـنظراته

ان اصبت فهو من فضل الله وان اخطأت فهو من الشيطان ✨🤎