وأنا الهبايب ماتحرك غترتي وعقالي

الهبايب ~١١~

~~ من بكرا العصر ~~
نزل ناصر من الدرج ومعه شنطته وهو يشوف امه جالسه ب الحوش ومعها الجوهره وهيا تسولف عليهم رغم وضعهم الي مهمها حاولوا يخفون مشاعرهم والالم اكون واضحه عليهم من نظرات عيونهم الحزينه مشى ناصر و وقف قدامهم: يمه
رفعت راسها العمه نوره: هلا ؟
ناصر : فمان الله ماشي الرياض
العمه نوره: استودعتك الله ي امي انت
مشى ناصر وهو يسلم عليهم ويودع امه واخوانه ونطق : عبدالعزيز مالقيته فوق هو وطلال سلموا عليه اذ جاء
العمه نوره هزت راسها با الايجاب : إن شاء الله
طلع ناصر وهو يقابل اصحابه الي معه ب الرياض ابتسم بخفه وهو يسلم عليهم ويحاول يخفي حزنه بعد مواقف امس
~~ سوق عنيزه ~~
دخل عبدالعزيز وهو رافع راسه رغم كل النظرات عليهم وهمسات الناس بين بعض وهو يناظرون ب عبدالعزيز وطلال
طلال نزل راسه بخجل ونطق بهدوء : عزوز خلنا نرجع
لف عليه عبدالعزيز وهو يشوفه منزل راسه : ارفع راسك
بلع ريقه طلال وهو يحاول يرفع راسه ويتعود على الوضع مثله مثل عبدالعزيز الي يمشي قدامه ورافع راسه ولا كان في احد يتكلم عنهم
دخلوا محل العم ابراهيم وهم يرتبون صناديق التمر ولاغراض
لف عبدالعزيز من جاهم غسان واحد من شيبان الحي ونطق بسخريه: تقل امس سمعنا صوت شرطه حوالي بيتكم ؟
لف عليه عبدالعزيز ونطق وعينه بعيون غسان: ي رب صبرنا خير ي غسان ؟ وش عندك تدور كثر الهرج ولا صح تذكرت انك تاخذ الكلام من افامي الناس وثم تركض بها ل اهالي الحي
غسان بضحكه : لاحشى بس قلنا نجي نشوف اخوكم المدمن وش مهبب من هبايب بعد المخدرات
شد عبدالعزيز على قبضه يده بعصبيه ونطق وهو راص اسنانه: غساننن تراني محترمك علشان الشيب الي مالي وجهك وشعرك ابعد عني قبل لا افقد اعصابيييي
غسان بصراخ ل اهل الحي ونظره كله على عبدالعزيز : ايهههه ماعليكمم شرههه ي عياللل الراجييي تصير نفس اخوك وتذبح بوسط الحييي
لف عينه العم راجي من محله وهو يشوف عبدالعزيز ماسك ياقه غسان بعصبيه ويصرخ عليه وطلال وراه يحاول يمسك عبدالعزيز ركض العم راجي ل محل العم ابراهيم وقف بين عبدالعزيز وغسان : بسسسسس رجال وش كبركم بوسط السوق تتهاوشون
غسان بعصبيه : امسك ورعكم ذا ي راجي وعلمه الاحترام
عبدالعزيز رفع اصبعه لعيون غسان: متعلم ومتربي بس الي مثلك مايستاهل الاحترام
العم راجي بعصبيه : خللاصصص وانت ي غسان توكلل
ناظر فيهم غسان بعصبيه لثواني ومشى من عندهم ولف العم راجي على عبدالعزيز ونطق: انا وش قايل لكم ؟ مو قايل اول مايصير شي تتصلون علي ؟؟؟
سكت عبدالعزيز وهو منزل راسه مستحي من عمه راجي
العم راجي كمل كلامه : تخلوني اسمع من الغريب هرجكم وعلومكم ؟ وش انا جدار بحياتكم ؟؟؟
عبدالعزيز بهدوء : محشوم ي عم بس الجوهره هي الي بلغت عنه ومشعل كان موجود لمن انمسك وظنينا انه خبرك
مسك راسه العم راجي بعصبيه منهم ومن مشعل: تعبت معكم ومنكم مالي حشيمه ولا لي قيمه بينكم
مشى من عندهم بدون لايعطيهم فرصه يتكلمون تنهد عبدالعزيز بضيق ورجع المحل وهو يشوف طلال الي متوتر من الوضع ومشى عبدالعزيز جالس على الكرسي الي قدام المحل وهو يتلفت على السوق لين ما اقبل عليه رجال يعرفه زين عقاب الي قابلهم ب البر
عقاب ببتسامه : سلام عليكم
عبدالعزيز: وعليكم السلام يهلا
عقاب : وش اخباركم ؟
عبدالعزيز اشر على الكرسي الي جنبه : الحمدالله بخير حياك
جلس عقاب جنب عبدالعزيز ومن سالفه لسالفه نطق عبدالعزيز: انت من اهالي الحي ؟
عقاب : لا والله انا من اواسط عنيزه بس ناصر وصف لي محلكم ايام المخيم وجيت لاجل ناصر الا هو وينه؟
عبدالعزيز: اتوقع ماشي الرياض امس يجهز شنطته
عقاب : اييييي عسى الله يسهل دربه
عبدالعزيز: امين
عقاب ناظر ب اسم المحل لثواني واسم ابراهيم عقد حواجبه بستغراب ونطق بتسال: ابوك الشيخ ابراهيم ؟
هز راسه با الايجاب عبدالعزيز: اي شيخ ب مسجد عنيزه
ابتسم عقاب : ايه اذكره كبرت على تعليمه كان معلم دين الا وينهو بوه الحين لحد الحين هو معلم ؟
عبدالعزيز: اي مات وهو معلم نفس ماربى
عقد حواجبه عقاب بستغراب : الله يرحمه
وهو فكره شارد بشكل الجوهره الي كانت قاصه شعرها بوي ذيك المره يوم قابلها ويتسال بنفسه : شلون بنت شيخ دين وبنته بويه؟
غمض عيونه يحاول يلهي نفسه وهو يستغفر ربه
~~ مركز الشرطه ~~
دخل مجيد بعد الاستدعاء الي جاه من منصور
دخل المكتب ونطق : سلام عليكم
العسكري: وعليكم السلام ؟
مجيد : انا مجيد الراجي جاي لاجل منصور الراجي
العسكري : اي استريح منصور طلبك توقع على اوراقه
عقد حواجبه مجيد بستغراب : انا ؟
العسكري هز راسه با الايجاب: اخوانه رافضين يوقعون على الورق ولمن سالنا منصور مين ممكن يوقع اعطنا اسمك
تنهد مجيد بضيق وهو يوقع الاوراق ورفع راسه ل العسكري وسال : متى يطلع منصور ؟
العسكري : بعد يومين
هز راسه مجيد: تمام مطلوب مني شي ثاني؟
العسكري : سلامتك تقدر تتفضل
طلع مجيد ل اسياد المركز وهو يفكر بحاله منصور والي وصله لذي الحاله مايقدر ينكر ان خاطره منكسر حيللل على منصور ولكن مابيده حيله يسوي له شي دام منصور طاح بادرب الهلاك مستحيل يقوم منه
~~ الطايف ~~
جلست الجادل جنب سرير امها وهي تسولف عليها ويديها على شعر العمه موضي وعيونها مليانه دموع على الحال الي وصلوا له الحال الي خلها تقابل امها وهي ترجف خوفا من ابوها يدري ويحرمها من الحضن الدافي ومن القلب الطيب ومن الايادي الحنونه وريحه الام الي ماتقوى تعيش بدونها
العمه موضي بهدوء: جادل امي انتي ارجعي تاخرتي على ابوك
الجادل :ابوي بيجونه العيال الي يجلسون معه ليل ونهار ماهو بحاجتي
تنهده العمه موضي بضيق : الله يهديه ي رب و
ماكملت كلامه من اهتز البيت من صراخ الخال فرحان الي كان يصرخ ويردد ب اسم الجادل و وراه الخال محمد يحاول يهديه ولكن بدون فايده الجادل بخوف وقفت من جهه اليسار ل السرير والباب امام نظر عيونها تغطت العمه موضي بخوف من دخل الخال فرحان الي كان يصرخ ويوجهه الكلام ل الجادل : ماشاءالله ي الجادل خوش والله
الجادل وقفت بدموع تناظر فيه بدون اي حركه
كمل الخال فرحان بعصبيه : قداميييي البيتتت وتحرم عليك شوفه شوارع الطايف ثاني مرههه
الجادل بدموع : رحححح لزوجتكك و ولدكك وش تبي فيني انا عار عليك خلني اتعايش مع عاري امييي الوحيده الي متحمله العار
قرب لها الخال فرحان وهو يسحبها مع شعرها ل الحوش تحت صراخ ودموع الجادل وتحت محاوله الخال محمد ب انه يبعد فرحان عن الجادل ولكن بدون فايده سحبها لين الشارع بسيارته والكل مابيده شي يسويه الكل كان عارف الخال فرحان وطبعه وجاهل الالم الي بقلب الجادل والدموع الي تنزل من عيونها وكانها جمر على خدها من القهر والضيق من ابوها
وقف الخال فرحان قدام بيته وهو ماسك مفصل يد الجادل الي كانت تشهق صياح وبدون نقاب سميه خافت من المنظر الي قدامها ومن صراخ الخال فرحان الي كان يقول : جهزي الشناط ماشين عنيزه ومالنا رجعههه ل الطايف ابد
رمى الجادل على الارض بعد كلماته وطلع من البيت وظلت الجادل على الارض تشهق من الصياح وهي تمسح قلبها بكفوفها
قربت لها سميه : قومي معي
الجادل رفعت نظرها عليها وصرخت : اتركينييي
تنهدت سميه بضيق وهي تشوف وضع الجادل الي يصعب على الكافر ومشت سميه ل الغرف تفرغهم بعد كلام الخال فرحان وانهم ماشين عنيزه ولكن الخوف سيطر على قلب سميه انها بتبعد عن اهلها وبتعيش ب عنيزه الي ماتعرف فيها احد نهائيه
~~ الساعه ٢م~~
جلس عبدالعزيز ومعه تركي واياد وادهم قدام باب البيت ب الدكه وهم يسولفون ويناظرون ب الحي والمحلات والبيوت
اياد وهو يناظر السماء: ودي افتح معارض سيارات
ادهم : اكيد مارح تنسى اخوانك وبتعطينا سيارات هديه
اياد ناظر فيه: والله تخسي كل شي بحقه
ضحك تركي :قصيمي اصلي
عبدالعزيز: خلك منه ادهم ان شاء الله ان رزقني الله بوظيفه اني لا اطق لكل واحد منكم سياره اخر اصدار بس اصبروا علي
ابتسم تركي وهو يضرب كتف عبدالعزيز بخفه : عاششش
ادهم وقف يطق له تحيه : حي عينكككك
طلع طلال على التحيه ومعه صنيه فيها اكواب شاهي وهو يضحك : واضححح المستقبل عسكريه
ادهم : ناوي دفاع المدني
طلال وهو يوزع اكواب الشاهي على العيال : ليه عاد دفاع المدني ليه ماتروح الرياض لكليه الظباط
ادهم : يشيخ كليه الظباط صعبه دراسه ثلاث سنين وتدريب
عبدالعزيز: ماعليك ادخل الي تحسه انسب لك
تركي :انا ودي اكون تاجر كبير بعنيزه ومعلم دين نفس ابوي
طلال : حتنا خاطري اكون تاجر معروف ب الحلال طبعا
ضحك الكل على طلال وهم عارفين انه يقصد منصور وتجارته
لف الكل نظرهم على انوار السياره الي اوجعت عيونهم من نورها الساطع عليهم
طلال بستغراب : خالي فرحان ؟ شجابه ؟
ادهم بهمس: اسكت لايفصل عليك
نزل الخال فرحان بعصبيه : امكم صاحيه ؟
هز راسه عبدالعزيز ب النفي : لا خواتي بس صاحين
لف نظره الخال فرحان على السياره ونطق : سميهه انزلي انتي وياها
نزلت سميه و وراها الجادل وكانوا منزلين راسها وماشين لقسم الحريم
تركي مشى وهو يفتح باب قسم الرجال ل الخال فرحان والعيال كلهم ساكتين بسبب ملامح الخال فرحان العصبيه
~~ الصباح ~~
جلسوا عيال وبنات ابراهيم مع امهم على الفطور دون اهل الخال فرحان
تركي : والله ي يمه غريب خالي فرحان اول مره يوصل عنيزه وهو كذا معصب تخيلي يمه حتى السلام ماسلم
العمه نوره: عادي يمكن صاير له شين ب الطايف ولا يمكن معصب من طول الطريق
انتصار : مستحيلل من طول الطريق حتى سميه والجادل كانوا ماش خصوصنا الجادل امس انفجرت صياح على الجوهره اكيد صاير لهم شين
جت الجوهره من المطبخ وبيدها كوب شاهي : عندي العلم الي تبونه
طلال وهو ياكل : انطقي
الجوهره جلست بغرور : كم تدفعون ؟
عبدالعزيز رفع اصبعه ل كتف الجوهره الي جنبه وفرصها بخفه:جوهرههه انطقي
ضحكت الجوهره عليه وهي عارفه ان خوفه كله على الجادل : خالي مسك الجادل وهي رايحه ل امها موضي وهو رافض وجابهم عنيزه علشان الجادل ماتشوف امها ثاني مره
العمه نوره بستغراب : شلون يعني؟ وشغله كله هناك كيف يتركه
سكت الكل من شافوا الخال فرحان طالع من مشب الرجال وجاي يفطر معهم نطقت العمه نوره: وش مسوي ي فرحان ؟
الخال فرحان : وش ؟
العمه نوره: صحيح بتترك محلاتك وبتجي تسكن هنا ؟بعنيزه
الخال فرحان: ومن الي قال بتركهم ؟ بنقل كل شي هنا وبجي اعيش ب الحي الي ورا السوق بس ادور بيت واطلع فيه
فز عبدالعزيز: فيه بيت ل البيع ورا السوق تماما تبي اطلع معك بعد الفطور نشوف وضعه ؟
الخال فرحان: اذ ماعندك شغل ودني له
ابتسم عبدالعزيز: تبشر والله
همست الجوهره له : ي الخفيف
ابتسم عبدالعزيز وهو منزل راسه ل الصحن وياكل
~~ بعد دقايق ~~
عبدالعزيز: ها ي خال كيف البيت ؟
الخال فرحان وهو يناظر ب السقف ويمينه وشماله : على بركه الله بشتريه بس بوه مشكله
عبدالعزيز بستغراب : وشهي؟
الخال فرحان : دور ارضي والنوافذ تطل على السوق وانا اخاف ان بنتي تجلس تطل على الرجاجيل من النافذه ولا احد ينتبه لها
عبدالعزيز عقد حواجبه من تفكير الخال فرحان : لا ي خال النوافذ على جدران المحلات مايمدي اشوف شي
تنهد الخال فرحان وهو يحك دقنه ويفكر وعبدالعزيز واقف قدامه وهو يدعي انه يوافق وفعلا نطق الخال فرحان: خلاص اجل دام هذا شورك على بركه الله
ابتسم عبدالعزيز وهو ياشر على مكتب عقار : هذا مكتب صاحب البيت
مشى الخال فرحان و ورآه عبدالعزيز الي الارض ماهي قادره تشيله من الفرحه ان الجادل جت لعنيزه وبتصير قباله كل يوم
~~ بعد ساعات~~
جلست الجادل على الكنبه الي تتوسط الصاله وهي تتنفس بتعب بعد ترتيب البيت وترتيب الاثاث لفت نظرها على شباك البيت وهي تتامل انوار السوق بوسط الظلام وبدت الهواجيس تاخذها لعالم الطايف وتذكرها ب ليله امس الي مرت مرعبه وحزينه على قلب الجادل وهي تتذكر ضرب ابوها وصوت شهقاتها ونظراتها الاخيره ل امها ولمسات امها الدافيه لها ب اخر لحظه ب الحظات الي قبل لايدخل البيت الخال فرحان ويقلب كل شي راس على عقل
دخل الخال فرحان وهو يناظر بها ونطق : بنت
لفت الجادل وعدلت جلستها :سم ؟
الخال فرحان : وش عندتس جالسه هنا ؟
الجادل وقفت بخوف : توي خلصت شغل وقلت ارتاح شوي
الخال فرحان ناظر بها لثواني وصد : روحي غرفتك نامي الوقت متاخر
تنهده الجادل بضيق ومشت لغرفتها وهي تشوف فراشها قدام نظرها بسرير حديد ارتمت بجسدها عليه وكلها تعب
~~ من بكرا الصباح ~~
ب السوق وتحديدا قدام محل الخال فرحان
وقفوا عيال ابراهيم مع الخال فرحان وهم ينزلون ويرتبون المحل بعد ماوصلت الشاحنة الي كانت شايله بضاعة المحل والي هي دلات القهوه والعود واغراض القهوه والشاهي بشكل عام
الخال فرحان وهو يناظر ب العيال الي يرتبون المحل :ماقصرتوا تعبتكم معي
وقفوا العيال قدامه وهم يرتبون ثيابهم وعبدالعزيز كان يعدل العمامه حقته نطق : ماسوينا شين ي عم تامرنا على شي قبل لا نمشي
الخال فرحان: سلامتكم
طلعوا العيال دفعه وحده من محل الخال فرحان ونص توجه ل البيت والنص الثاني ل محل العم ابراهيم
وقف عبدالعزيز من قابل مشعل عند محل العم راجي ومعه مجيد والعم راجي
عبدالعزيز: سلام عليكم
الكل : وعليكم السلام
عبدالعزيز: مشعل فاضي ؟
العم راجي : لا لا خذه من عندي مدري وش عنده جاي
مشعل ناظر ب ابوه ؛ افاااا يبه جاي علشان اوسع صدرك
العم راجي: رح مع عزوز لعد تجي
ضحك عبدالعزيز وهو يسحب مشعل من يده ؛ ماعليك بمسكه عنك
مشى مشعل معه : على وين ؟
عبدالعزيز:بنروح محل الموسيقى الي هنا بشتري مسجل ل الجوهره وعدها انا من زمان وباخذ شريط لخالد عبدالرحمن
مشعل: ايييي صحح كنت بسالك بعد وش عنده خالك فتح هنا؟
عبدالعزيز: قرر يعيش هنا
مشعل ؛ ليه وش عنده ؟
عبدالعزيز وهو داخل محل الموسيقى : يكثر نشدك ي مشعل ما الوم عمي يوم طردك
ولف على البايع :سلام
البايع : وعليكم السلام يهلا
عبدالعزيز: اعطنا شريط بلا ميعاد
مد له البايع شريط بلا ميعاد ابتسم عبدالعزيز وهو يطلع ورقه من جيبه وقلم بعد ماصد مشعل يتفرج على الاشرطه وحط عبدالعزيز الورقه والشريط بجيبه واخذ المسجل وطلع مع مشعل يتمشون ب الحي وثم مشى عبدالعزيز لبيت العم ابراهيم
عبدالعزيز لمشعل : اسمع انتظرني هنا بدخل ثواني واجيك
مشعل هز راسه با الايجاب ودخل عبدالعزيز البيت وصرخ : جوهرهههه
الجوهره طلت من السطح :شتبي؟
عبدالعزيز رفع نظره لها ؛ تعالي جبت لتس هديه
ومشى لجلسه امه ب الحوش وهو يسلم عليها نزلت الجوهره وهي تركض وقفت امامه تماما : وينهي ؟
ضحك عبدالعزيز وهو يطلع المسجل من الكيس : شرايتس!
شهقت العمه نوره: يويلي عزوز وش جايب لها انت ؟
عبدالعزيز: عادي يمه خليهم ينبسطون
العمه نوره: بس انا ما اداني صوته طويل ويصدع ب الراس
عبدالعزيز ناظر ب الجوهره ؛ لا ماعليتس بيكون بس بغرفتهم مارح يطلع والصوت بيكون واطي صح جوهره
الجوهره ببتسامه هزت راسها: ايي ماعليتس يمه مارح تسمعين له حس والحين باخذه الحين
اخذته من عبدالعزيز وركضت فيه ل السطح بفرحه لف عبدالعزيز على امه الي كانت تناظر فيها وهو يصب لها قهوه : روقي روقي
~~ بيت الخال فرحان ~~
طلعت سميه وهو تناظر ب سميه جالسه في الصاله وعندها المسجل وتسمع حلقات دنيه وتتقهوى
مشت وهي تجلس ب الكنب الي على يسار سميه وتتقهوى معها والوضع كان صمت لثواني لين مانطقت سميه : جادل
الجادل وهي تشرب القهوه :هلا؟
سميه : الحين ابوتس يوافق لو طلبت منه يحط لنا دش ب البيت ؟
غصت الجادل ب القهوه من كلام سميه وهي تكح وتضرب صدرها نظقت : صاحيه انتي ؟ تطلبين من ابوي يجيب لتس دش بوسط بيته ؟ والله غير يقبرك
وناظرت فيها من فوق لتحت ؛ الا عاد اذ طلب ورعك الي ببطنك يمكن يوافق
ناظرت بها سميه وتنهدت بقله حيله: الله يهديتس بس
ناظرت بسميه: متى بتشترون اكل ؟
سميه ناظرت فيها : الحين بطلع انا ل السوق بس ابوتس يقول الجادل لاتطلع
وقمت سميه وهي تلبس عبايتها تحت انظار الجادل الي منهد حيلها
مشت الجادل لغرفتها بعد ماطلعت سميه ل السوق وبدت ترتب الغرفه ولكن وقفت لثواني من فتحت الشباك ولقت عليه الشريط و ورقه صغيره و ورد واضح انه مقطوع من جذوره اخذت الرساله وهي تقراء المكتوب <<‏يحدث ان تجمع الحديث القراح والقصائد الغزليه لأجل : عين : وتتوق لو تحظى بشرف ان تتأملها عينا لعين ثم يصيبك السحى اللي يحرمك عن كل ما سبق . وتعرف انك مثل ماقال أبن الذيب:
‏والله اني جبان في ملاقى العيون
‏كثر ماني شجاع في ملاقى العدا" >>
عقدت حواجبها بستغراب من الكلام المكتوب ومن شريط الاغنيه الي كله يتكلم عن مشاعر تبادل النظرات وعن القلوب الي تحب ولكن بعيده عن بعض طلت الجادل من الدريشه وهي تلف يمين يسار ماكان حولها احد اخذت الشريط والورد والورقه وقفلت النافذه وقفت لثواني تضحك على الورد المقطوع من جذوره
ابتسم عبدالعزيز وهو يشوف كل شي من ورا جدار السوق وحاط يده على عيون مشعل
مشعل بتافف: الحين انت جالس تسوي شي حرام وتناظر ب بنت ماهي حلالك ليه مغطي عيوني خلني اشوف معك
عبدالعزيز ناظر فيه بعصبيه ونزل يديه : اعقببب تناظر ب حرمتي تخسي
مشعل بضحكه : ماشاءالله صارت حرمتك زين زين المهم ليه ماقلت لي انها بنت خالك اشوف دايم تغني الطايف والطايف اثر عشانها
عبدالعزيز مشى من عنده : يكثر نشدك خلاص اسكت لو ثانيه
مشى وراه مشعل وهو مكمل سوالفه واسالته رغم تجاهل عبدالعزيز له
~~ بعد يومين ~~
بيت العم ابراهيم والي كان مليان ضجيج مابين قسم الرجال الي كل الراجي فيه مع الخال ابراهيم ومابين قسم الحريم الي نفس الوضع حريم الراجي كلهم موجودين مع سميه والجادل
سكت مجلس الرجال بثواني وهم ينظرون ب الباب من دخل مجيد ومعه منصور
نطق منصور وهو يناظر فيهم : سلام
الكل بنفس الوقت : وعليكم السلام
مشى منصور وهو يسلم على العم راجي والخال فرحان وجلس يتقهوى ببرود وجاهل نظراتهم له الخال فرحان بدا يسولف لاجل يقطع صمت المجلس الي صار من دخل منصور ولكن قاطعه العم راجي من بدا يتكلم لمنصور : اسمع ي منصور
لف عليه منصور بدون رد وهو ينتظره يكمل كلامه
العم راجي: بتقوم وتنهض على حيلك وتبدا شغل بمحل ابوك حق الملابس ترا له مده مقفل ولا احد طل عليه كلكم على محل التمر
عقد حواجبه منصور ؛ بس ابوي مقفل المحل من قبل لا يتوفى وهو بنفسه قايل انه مايبيه
العم راجي بحده : وانا قلت انت تفتحه وانت لحالك تراعيه ماتبي تكسب رزق حلال ؟ تكسب رزق والله راضي عنك وابوك بقبره تكسب رزق بدون مصايب ومشاكل
تنهد منصور وهو يحك راسه : بفكر وارد لك خبر
العم راجي بعصبيه : مافيه بفكرر بتقوم وبتحرك كتوفك مثلك مثل باقي اخوانك تسمع ولا لا ؟
عبدالعزيز من شاف نظرات منصور ل العم راجي : خلاص ي منصور
منصور ضرب يده على الفرشه ونطق : زينن
مد يده العم راجي ل جيوبه وطلع منه مفتاح ومدهم لعبدالعزيز: رح مع اخوك ل المحل ورتبوه من الغبار وبكرا بتوصل بضاعه من جده
منصور : خله بعد المغرب الحين مصدع
هز راسه با الايجاب العم راجي وسكت يسمع سوالف الخال فرحان
~~ قسم الحريم ~~
الجوهره بغرور وهي واقفه قدام المسجل :شفتوا عزوز وش شاري لي؟
امجاد : غريبهههه عمتي نوره موافقه ؟
ضحكت الجوهره : لا بس عزوز اقنعها واصلا بيكون بوسط غرفتي مارح يطلع ولا رح تشوفه امي
اشواق وهي جالسه على كرسي ب الغرفه : والله لو هو شاري دش لكم اهون
ضحكت الجوهره بخفه ؛ يشتريه عزوز ماهي صعبه عليه
انتصار : لا عادد اهدي تحمستي
جوهره ناظرت فيهم : شجاكم انتم ؟ ترا عادي دش شاشه و تولع مافيها شين
اشواق بضحكه : روحي قولي ل عمك والشيوخ كذا
جتهم هيا تركض بخوف : يبناتتتتت
الجادل لفت عليها بحكم انها عند الباب : شفيك
وقفت هيا وهي اجمع انفاسها بتعب: منصور طلع
صدت الجوهره بكره : الله يعين
وكملت هيا : وعمي راجي قال انه لازم يشتغل واليوم هو وعبدالعزيز بينزلون السوق سوا لاجل يفتحون محل ابوي القديم حق الملابس
شهقت مريم ؛ يويلي عزوز ومنصور ينزلون السوق لحالهم ؟؟؟ عمي شنوحه مايدري انهم لا اجتمعوا قلبوا الدنيا فوق تحت كل واحد يعاند الثاني عزوز عصبي ومنصور بارد شلون يجتمعونن سوا؟؟؟
هيا : والله مدري ذا الي سمعته انا
قامت مريم من مكانها : بروح اكلم تركي ينزل معهم
وفعلا نزلت و وقفت عند الباب الي بين الحريم والرجال وهي تنادي تركي طلع لها تركي ونطق : شسالفه ؟
مريم : صدز الي سمعته ؟
تركي بستغراب : وش سمعتي ؟
مريم : منصور وعبدالعزيز بيطلعون السوق سوا ؟
مسك راسه تركي : يا الله شلوننن جاكم الخبر تونا ساكتين منه ماصار لنا الا دقيقه
مريم : يعني صدز؟؟؟
تركي هز راسه با الايجاب: اي صدز
مريم مسكت راسها بتعب : وانت غبي ؟ بتخليهم لحالهم والله مارح يعدي اليوم بخير لو راحوا لحالهم رح معهم انت
تركي : ادري والله ان الاثنين ذولا مايجتمعون بس شسوي عمي راجي قال بس عبدالعزيز ومنصور
مريم : عاد مو لازم يدري عمي اطلع قبلهم وانتظرهم عند المحل
هز راسه تركي : طيب تامريني بشي ثاني علشان بروح
مريم : وين ؟
تركي : بروح الشقق اجمع الايجار
مريم ؛ طيب
مشى تركي ل باب الشقق الي ب الحوش الخلفي لبيتهم ودخل وهم يجمع الايجار
~~ الساعه ٨م~~
جلس عبدالعزيز على الكرسي بتعب وقباله منصور وتركي كان داخل المحل يمسح اخر دولاب وكل واحد منهد حيله من جهه بسبب المحل الكبير و الوساخه الي كانت فيه
طلع لهم تركي : خلصت
منصور :يلا اجل مشينا ؟
عبدالعزيز: انا وياك بنرجع بس تركي بيروح محل التمر اليوم دوره
تركي حك راسه : لا بروح معكم
عبدالعزيز بستغراب : ويومك ؟
تركي : مريم قالت لي لاتخليهم لحالهم يتهاوشون
ضحك منصور بسخريه وهو يناظر عبدالعزيز: عزوز اصغر ورعاني ليه اتهاوش معه دام عقله صغير
عبدالعزيز غمض عيونه وشد على يده : منصور اسكت دام النفس طيبه عليك
وقفت تركي بوسطهم : خلاصص اسكتوا خلونا نرجع البيت بهدوء ترا امي تعبانه وراسها مصدع لاتزيدون عليها
مشى منصور قدامهم وقفل تركي المحل ومشى هو وعبدالعزيز ورا منصور لين ما دخلوا البيت ورجع تركي ل المحل
عبدالعزيز مشى لغرفه امه : سلام يمه
العمه نوره ببتسامه : وعليكم السلام ي يمه
عبدالعزيز تقدم لها وهو يجلس عن رجولها :سمعت انك تعبانه عسى ماشر ي الغاليه
العمه نوره: والله ي امي راسي ماهو معي اكلت حبوب راس وخف شوي ومريم ماقصرت من اليوم وهي جالسه معي
دخل منصور : سلام
ناظرت فيه العمه نوره لثواني وثم صدت بضيق : وعليكم السلام
تنهد منصور وطلع من الغرفه بدون اي كلمه ومشى لغرفه العيال الي كانوا يتهاوشون فيها ادهم واياد وطلال ما اهتم طلال لوجدهم ومشى يفرش فراشه واستلقى عليه بتعب مد يده على جبينه وبدا يحرك اصبعه وهو يحس بشعور مابين التعب والراحه تعب من ايام السجن الي مر فيها وراحه انه بوسط فراشه المريح وبوسط غرفته رغم صراخ العيال حوله ولكن ماكان مهتم
~~ من بكرا العصر ~~
انتهى منصور من ترتيب المحل وصف البضاعه الي وصلت الظهر من جده وكان معه العم راجي يرتبه ويعلمه الشغل
العم راجي بحده : ترا النسوان هن اكثر فئه يجون ل المحلات ذولاي بسبب الجالابيات غض نظرك عنهم تسمع!
منصور : اسمع
العم راجي: خلاص خل بابك مفتوح وابد شغل من اليوم
هز راسه منصور ب الايجاب ومشى من عنده العم راجي لمحله وجلس منصور على الكرسي وهو يتلفت يمين ويسار لين ماجاء له العم خالد ومعه بنت
العم خالد ببتسامه : منصورر ولد الراجي يهلااا
ابتسم منصور بخفه و وقف يسلم عليه :حياك ي عم
وهو ياشر له على الكرسي الي امام نظر عيونه
العم خالد ل بنته : بنتي بشاير روحي شوفي لو فيه شي ب المحل يعجبك او لا
هزت راسها بشاير ب الايجاب ودخلت المحل والعم خالد جلس قدام منصور ونطق : منصور وانا ابوك علامك دخلت السجن ؟
حك راسه منصور وهو متوهق : والله ي عم سالفه بسيطه وطلعت منها الحمدالله
العم خالد : الحمدالله وعسى الله لايعيدها ولا يعيشك شعور السجن مره ثانيه قل امين
منصور : امين
لف منصور على بشاير الي تكلمت مع ابوها : يبه لقيت لي جلابيه ابيها
منصور جلس يناظر فيها واول مره بحياته يشوف بنت لابسه نقاب وعيونها باينه فز من ناداه العم خالد : كم حسابها ؟
منصور : لا لا ي عم هديه لكم
العم خالد بضحكه : خذ اقول فاتح محل تترزق منه اكيد انك بحاجه
وحط الفلوس بجيب منصور وثم نطق : استاذنك الحين الود ودي اجلس واسولف معك بس شوفه عينك معي بنت طالعين نشتري لها و البيت
منصور : حياك الله ب اي وقت
ابتسم العم خالد ونطق وهو ماشي : الله يحيك
تنهد منصور ورجع لنفس مكانه وهو يناظر فيهم وبعيون بنته بذهول من المنظر مايعرف هو اعجاب ولا لانه اول مره يشوف عيون بنت بشكل واضح لذي الدرجه مايعرف وش الي جاه عقب البنت
~~ الساعه ١٠م ~~
دخل منصور وهو يناظر اهله كلهم مجتمعين قدامه ب الحوش وقف قبالهم ونطق : يمه بتزوج انا
شهقت سلمى ولفت نظرها تناظر ادهم واياد وهم يتبادلون النظرات بستغراب وغصت الجوهره ب الماء الي بيدها وهيا بدت تضرب ظهرها وعبدالعزيز توسعت عيونه بذهول على منصور
لف نظره منصور على انتصار وطلال الي كانوا جنب بعض ونطق :باقي انتم بس اعطوني رده فعل يلا ؟
نزلت راسها انتصار بخوف ولف نظره طلال يناظر امه الي نطقت بحده : منصورررر مو وقته الكلام ذا رتب وضعك وثم تعال تكلم
منصور بعناد : يمه كانك تبيني اعقل وارتب وضعي اخطبي لي بشاير بنت جارنا خالد
مسكت راسها الجوهره وهي مصدومه منه ناظرها منصور ونطق: انطمي انتي
الجوهره : بسم الله الرحمن الرحيم ماقلت شيننن
منصور لف على امه : يمه اقولكم الحين وكلكم شاهدين وموجودين ي انكم تخطبون لي بشاير ولا تراي برجع ل المخدرات وانتم كيفكم
العمه نوره: ي الله منك ي منصووررر
مشى منصور ل السطح وتاركهم بصدمتهم ويتكلمون بينهم وبين بعضهم عن موضوع الخطبه الي طلع لهم فجاء
الجوهره : صاحين انتم؟ تبون توهقون البنت معه
طلال: الحين شلون بنقول لهم عن فعايل منصور ؟
ادهم فز من مكانه : العم خالدد اعرفه انا دايم يسلم علي لمن اطلع من البيت واليوم شفته مع منصور قدام محل الملابس يسولفون سوا وصراحه اليوم اول مره اشوف منصور يبتسم بعد ما انكشف
تنهده العمه نوره وهي ماسكه راسها ونطق عبدالعزيز وهو يناظر فيها:وش شورك ي الغاليه ؟
العمه نوره: قوموا ل غرفكم بفكر انا ب الموضوع ومن اصبح افلح
تنهد الكل وقاموا ل غرفهم والعمه نوره طفت انوار الحوش ومشت لغرفتها وهي تقفل الباب وتجلس قدام النافذه وتبدا تفكر ب موضوع منصور كانت خايفه انها تظلم البنت مع منصور وشخصياته الغريبه وبعد خايفه تزوجه وتوافق على الزواج وتطلع البنت ماتعرف انه كان تاجر مخدرات ولكن بنفس الوقت كانت تشوف ان الحل الوحيد لمنصور هو الزواج ومنصور بنفس قال انه بتعدل اذ تزوج بشاير وخايفه ترفض العمه نوره وثم يرجع منصور ل بلاوته ومصايبه
~~ من بكرا العصر ~~
العمه نوره طلعت وهي لابسه عبايتها وشافت عيالها وبناتها مجتمعين ونطقنت ل العيال : قوموا البسوا
عقد حواجبه عبدالعزيز بستغراب : على وين ي ام العز ؟
ضحك طلال : حلو اللقب
العمه نوره: بنروح نخطب ل اخوك منصور قم البس ثوبك انت وتركي
تركي رفع عيونه بذهول وهو يناظر فيها : وعمي راجي المفروض يكون اول واحد
العمه نوره: عمك راجي بيجي معنا ب الخطبه الاساسيه الحين بس نروح ونشوف اهل البنت والبنت وانتم تكلموا مع ابوها وانكم تبون بنته بشاير لمنصور
تنهد عبدالعزيز بقله حيله وقام يلبس ثوبه وتركي نفس الشي وماهي الا دقايق وهم داخلين بيت العم خالد
جلست العمه نوره مع الحريم ونطقت : والله اعذروني دخلت عليكم بدون لا اعطيكم خبر
العمه اماني ببتسامه : لا عادي اصلا انا كانت نيتي اجي واتعرف عليكم عموما انا اماني ام البنات مها وبشاير مها بنتي ب بيت زوجها وبشاير اخر العنقود جالسه معي انا وابوها خالد
ابتسم العمه نوره: تشرفنا انا عندي سبع عيال وخمس بنات ايتام عسى الله يرحمه ويغفر له
العمه اماني: الله يرحمه ويخليهم لك ويعوضهم
وجلست تسولف معهم العمه نوره وفكرها كله رايح لقسم الرجال ووش يصير فيه ومن الي بيتكلم
وكالعادة عبدالعزيز هو الي يتكلم مع العم خالد نطق بعد لحظات سوالف طويله : والله ي عم اليوم جاين لك بموضوع مهم
العم خالد : عسى خير ي وليدي ؟
عبدالعزيز بعد تنهيده طويله: جاي اليوم انا واخوي نطلب يد بنتك بشاير ل اخوها منصور ولو اني انا واخوي مانكفي ولكن قلنا ناخد شورك ب الاول وثم نجيب جماعتنا ويتم الموضوع على خير
العم خالد: والله منصور والنعم فيه واعتبره ولدي ولكن انا رجال اغلى ماعندي بناتي لازم اشوف رايهم وياخذون وقت ب التفكير وثم ارد لكم خبر
عبدالعزيز بداخله : ليت خالي فرحان يتعلم منك
وثم نطق بصوت عالي: ابد خذوا راحتكم وترا حنا جاهزين ب الي تطلب فيه العروس
ابتسم العم خالد بخفه ونزل راسه يفكر وبدت لحظات الصمت ب المجلس
~~ بعد يومين ~~
تحديدا بيت العم خالد الي وافقوا على الزواج من منصور واجتمعوا ب بيتهم لاجل عقد القران بوجود الراجي كلهم والخال فرحان اما باقي الناس كانوا ب الشارع مجتمعين على الطبول والسامري بحكم ان حفل الزواج والعقد بنفس اليوم
وقف العم خالد وهو يسلم على منصور : مبروك ي ولدي مبروك
منصور ببتسامه : الله يبارك فيك ي عم
العم راجي: يلا ي عيال خلونا نطلع ل الناس برا
وفعلا طلع العم راجي والعم خالد و وراهم العيال مع منصور واكيد مستحيل رح يسلم منصور من نظرات الناس له وتساؤلاتهم بينهم وبين بعض <<شلون قبلوا فيه ~ اكيد البنت بها عيب ومالقت الا منصور يسترها ~ كيف يرضى يزوج بنته تاجر مخدات وخريج سجون >>ولكن الراجي متجاهلين الكلام والنظرات وصافين صفه وحده ل السامري وبوسطهم العم راجي ماسك السيف وعلى يمينه منصور واخوان منصور وعلى يسار عيال العم راجي وعيال العمه منيره وبدت عرضه اهل الشمال وصوت الطبول وصوت الرجال الي يغنون ويرددون تملاى الحي تحت الانوار الذهبيه وفوق الفرش الحمراء
~~ بيت العم ابراهيم ~~
والي كان مزين السطح ب الانوار والفرش لعرس الحريم وصوت الطقاقات فيه عالي وبنات العم ابراهيم كانوا ماخذين ساحه الرقص والجوهره كانت ترقص بيدها بسبب شعرها القصير سكتت المطربه بعد ما انتهت من الاغنيه ولكن لفت على صوت الجوهره الي تنادي الجادل ترقص معها : قومييي يلا
الجادل تهز راسها ب النفي : مابييي خلاص جوهره
المطربه ابتسمت وهي تشوف شعر الجادل الي واصل لنص ظهرها وكان حرير وناعم ونطقت وهي تناظر فيها : يلاا شوط خاص ل الغزال المستحي هنا
جلسوا البنات كلهم وهم يناظرون الجادل الي حمر وجها بخجل من كلام المطربه لها توسطت الفرشه وهي ترقص تحت تصفيق الحريم وتحت طق الطبول حست الدنيا حولينها غريبه وهي ترقص لوحدها بوسط الفرشه تمنت الارض تنشق وتبلعها
مشت ل الجوهره بخجل من انتهت المطربه ونطقت : ورعه قسم بالله
الجوهره بضحكه : شكل الخطاطيب مارح يوقفون بعد رقصك اليوم
قرصتها الجادل من فخذها : فال الله ولا فالك
ضحكت الجوهره وهي تغمز لها وتضرب كتفها ؛ حتى عزوز ؟
نزلت راسها الجادل بخجل وهي ترتب شعرها الجوهره ضحكت على وضعها يوم شافت ترتب الشعر : هذا وحنا بس جبنا الطاري جلستي تتزينين كيف لو يشوفك ؟
الجادل ناظرت فيها : ارتب شعري من الرقص مو علشان اخوتس
ضحكت الجوهره: خلاص لاتنفجرين من الحياء خليني ساكته
لفت نظرها الجادل ل الي يرقصون وهي تحاول تخفي ابتسامتها من كلام الجوهره وكانت تحس ان الي ورا الرساله والشريط هو عبدالعزيز ولكن لحد الحين ماتاكدت
~~ بعد ساعات طويله ~~
دخلوا العيال على السطح بعد مانتهى العرس ومعهم الخال فرحان والبنات كانوا جالسين يتقهون بعد تعب اليوم الطويل والجادل مشت لغرفه البنات بعد مادخلوا الرجال اما سميه تغطت وجلست بمكانها
العمه نوره: ها ي يمه وين راح اخوكم ؟
عبدالعزيز:بشقه بس صدق يمه الشقق صارت قديمه خلينا نهدهم
العمه نوره: لا لا وانا امك أن شاء الله ان تزوجتوا كلكم ب الشقق عندي
ادهم : ياليل يعني مارح افتك من اياد ؟
العمه نوره بضحكه : لا مارح تفتك لا من اياد ولا من عياله
عبدالعزيز وهو يناظر نافذه غرفه البنات : شكلي انا بعد منصور بتزوج
العمه نوره: ان شاء الله ي امي انتي الا صح نويصر ماجاء ؟
هز راسه عبدالعزيز ب النفي : عنده اختبارات وين يجي ولكن اتصل على منصور من تليفون البيت وبارك له ماعليك
الخال فرحان كان جالس ويتقهوى مع الجوهره وصوت ضحكه يسمعه سابع جار وهذا وضعه كل ماقابل الجوهره طبعا لان الجوهره لها معزه خاصه بقلب الخال فرحان وجاهل العيون الحزينه الي تتاملهم من النافذه وهي تذرف دموعها وتسال نفسها << وش فرقي عن الجوهره ؟>> لاول مرة بحياتها تسال نفس كذا صحيح انها تحب الجوهره وانها اقرب وحده لها ولكن ماتقدر تنكر انها تنقهر وتغار من تشوف علاقتها مع ابوها اقوى من علاقته مع الجادل
تنهدت بضيق وجلست تمسح كحل عيونها وتغير ملابسها دخلت سلمى وهي تناظر بها : تنامين عندنا اليوم ؟
الجادل : والله مدري عن ابوي ب ما اتوقع
دخلت سميه : يلا جادل مشينا
لفت الجادل على سلمى : الجايات اكثر ان شاء الله
وحطت العبايه على راسها وغطت وجها وطلعت
~~ من بكرا العصر ~~
نزل منصور من شقته ومعه زوجته الي كانت لابسه بناجر الذهب وحاطه الجلال على راسها ونازين يتقهوى من العمه نوره والبنات
منصور اول ما شاف اخوانه : احممممم
اياد همس : بدينااا
سحبه ادهم وطلعوا العيال كلهم من برا البيت ودخلت بشاير تتقهوى مع الحريم
العمه نوره ببتسامه : شلونتس ي امي ؟
بشاير بنفس الابتسامه : الحمدالله بخير ي خالتي
وبدوا البنات يصبون لها قهوه وهم يناظرون ب شكلها جنب منصور وفعلا لايقين خصوصنا بعد مارتب شكله منصور وقص دقنه وشعره الي كانوا مخربين شكله بشكل كبيرررر
~~ عند العيال ~~
ضحك تركي بخفه : حنا ليه طلعنا ؟ المفروض صعدنا السطح
طلال: اول مره ماحنا متعودين لاتشره علينا
عبدالعزيز حك راسه وهو يناظر بهم ؛ انا بروح لي مشوار بسيط واذ تاخرت ادعوا لي ب الرحمه
ادهم بستغراب : ليه وين رايح ؟
مشى عبدالعزيز ونطق : بعدينننن اقول لكم
وتوجهه بطريقه لبيت الخال فرحان وقلبه يطق بشكل غير طبيعي يحس ان وده كل الدقايق والثواني والساعات تكون عند صوت الجادل مايعرف وش الي قاعد يدفعه يطلع لها كل الحب ذا وقف قدام الشباك وهو متلطم وبدا يطق بخوف
الجادل توترت وهي تسمع الطق قامت من فراشها وحطت الطرحه عليها وفتحت الشباك شهقت لاشعوريا وهي تشوف الشخص الي عجزت تتعرف عليه بسبب اللثمه
عبدالعزيز بهمس : انا عزوز
ناظرت فيه الجادل بتوتر : وش تسوي هنا ؟
عبدالعزيز ببتسامه : سمعتي الشريط؟
الجادل بستغراب : منك ؟
هز راسه با الايجاب: اي مني
ناظرت فيها الجادل وهي ترجف بتوتر ونطقت : طيب؟ وش جابك لشباكي ؟
عبدالعزيز: ‏جيتك وقلبي هايمٍ بك من اقصاه
‏وانا اشهد اني ما ابي شخص غيرك

‏من الملا مافيه شخصٍ بيسواك
‏والخيّر في قربك ليا قيل خيره

‏عشت الهوى يومي تهنيت وياك
‏وصارت عيوني بشوف غيرك ضريره

‏يفرق عن العشاق طبعك ومسماك
‏والقلب قانعٍ فيك ولا يبغي غيرك
الجادل توترت من كلامه ولاعرفت ترد ونطقت : كانك صادز تعال من الباب ل ابوي مو تجي من النوافذ
وسكرت الشباك بخوف وجلست تعض اصابعها وتكلم نفسها : ياربييي شسويت انا ؟ يارب يرجع يطق الشباك مرة ثانيه
اما عبدالعزيز مسك راسه : والله اني غبي يعني جايها بكل برود وشجاعه من الشباك وش متوقع تقول لك ؟
و قف يفكر : بس لا هي بعد طلعت قدامي واعترفت معقوله كرهتني ؟ ولا كانت تكذب علي ؟
مشى ل بيت العم ابراهيم وكل فكره ب الموقف الي صار وبوقف اعتراف الجادل
عيال العم ابراهيم ناظروا فيه ونطق اياد:وين رحت انت ؟
عبدالعزيز: مشوار صغير وثم رجعت المهم من بينهج السوق اليوم ؟
طلال ؛ مافيه الا انا وانت خلنا نروح
عبدالعزيز: يلا اجل امش خلنا نفتح الحين دام حرمه منصور داخل واضح انها مطوله
تركي : بروح معكم
اياد : حتنا وش اسوي واقف هنا لحالي
ادهم فز :ليكون بتخلوني؟
عبدالعزيز ضحك بخفه : طيب يلا
مشوا كلهم ل السوق واول مره يجتمعون عيال ابراهيم كلهم بنفس المحل جاهم منصور وهو يناظر فيهم : حرمتي ب البيت لاحد يدخل
ادهم : ماتشوفنا منحشرين ب المحل ؟ علشان حرمتك
ضحك منصور على وضعهم ومشى ل محله و وقفوا عيال ابراهيم نصهم برا المحل ونصهم داخل وهم. يسولفون على بعض
~~ بيت العم ابراهيم ~~
دخلت مريم عليهم: سلام عليكم
الكل: وعليكم السلام
العمه نوره: وعليكم السلام ي امي تعالي سلمي على العروس
مشت مريم وهي تسلم عليها : ماشاءالله تبارك الرحمن ونعم ما اختار منصور
ابتسمت بشاير: طبعا ولا من يحصل له بنات خالد؟
ناظرت فيها انتصار ولفت تحاول تخفي ضحكتها وهي تقرصها لاجل تسكت مريم نطقت : ي زينك ي بشاير
وجلست مريم وهي تتقهوى وتسولف معهم
العمه نوره: مريم رجلتس وين ؟
مريم : والله نازل القصيم وانا جيت رجليه ماهو بعيد البيت
العمه نوره بستغراب : عزوز مانزل معه ؟
هزت راسها مريم ب النفي : لا اليوم قال انه بروح المحل وباكر يقول بنزل
هزت راسها العمه نوره: زينن الله يوفقهم ان شاء الله
مريم ببتسامه: امين
ان اصبت فهو من فضل الله وان اخطأت فهو من الشيطان ✨🤎