ဝေချိုင် နှင့် ၀မ်လုရန် တို့နှစ်ယောက်မှာမူ အခြားသော ဆေးပညာရှင်များကဲ့သို့ ယင်းသို့ပြောင်းလည်း
ထားရန် မလိုလားပေ။အဘယ့်ကြောင့်ဆိုသော် အမြူတေ တေဇောမှာ ၎င်းတို့ အနာဂါတ်အတွက်လွန်
စွာအရေးကြီးခြင်းကြောင့်ဖြစ်သည်။သင့်တော်သည့် ဆေးမီးတောက် တစ်ခုခုကို ရှာမတွေ့လျှင် အမြူ
တေ တေဇောအဖြစ်သို့ ပြောင်းရန် သူတို့အတွက် မလွယ်ချေ။
ဆေးပညာရှင်အများစုမှာ ဘိစ်မီးတောက်များကိုသာ ၎င်းတို့၏ ဆေးမီးတောက်အဖြစ် ရွေးချယ်ကြ၏။
မီးတောက်ပိုင်ရှင် သားရဲမှာ အဆင့်မြင့်လေလေ မီးတောက်သည် ပို၍ အစွမ်းထက်လေလေပင်ဖြစ်သည်။
ဆေးပညာရှင်များ၏ မီးတောက်ထုတ်လွှတ်နိုင်စွမ်းကို ပို၍ ထက်မြက်အောင် လုပ်ပေးနိုင်သည့် ထိပ်
တန်း ဘိစ်မီးတောက် အမျိုးအစားများလည်းရှိသေးရာ ၎င်းတို့အား အဆင့်များ အမျိုးမျိုးခွဲ၍ သတ်မှတ်
ထားကြလေသည်။သို့သော် ယွမ်ချီ၊ဝေချိုင် နှင့် အခြားဆေးပညာရှင်များ၌ ရှိသော ဘိစ်မီးတောက်များ
မှာမူ ထိပ်တန်းအဆင့်မီးတောက်များတွင် မပါ၀င်ကြချေ။
ဝေချိုင် နှင့် ၀မ်လုရန်တို့မှာ ထိပ်တန်းအဆင့်မ၀င်သော ဘိစ်မီးတောက်များအား ၎င်းတို့၏ အမြူတေ
မီးတောက်အဖြစ်သို့ ပြောင်းလည်းရန် ဆန္ဒမရှိကြချေ။အကယ်၍ ထိုသို့ ထိပ်တန်းမီးတောက်မျိုးကို
၎င်းတို့ ရခဲ့သည် ရှိသော် ၎င်းတို့၏ အနာဂါတ်မှာ အလားအလာ လွန်စွာကောင်းသွားပြီဖြစ်သည်။
သို့သော် ကံဆိုးစွာဖြင့် သူတို့နှစ်ဦး၏ အိပ်မက်သည် ဆရာကြီးယွမ်ချီကြောင့်ပျက်ဆီးခဲ့ရသည်။အကယ်
၍ သူတို့ နှစ်ယောက်သာ အမြူတေ တေဇောကို သန့်စင်ပြီးသား ဖြစ်နေပါမူ သေဆုံးသွားသူသည် ဆရာ
ကြီးယွမ်ချီဖြစ်သွားလိမ့် မည်ဖြစ်သည်။
သို့ရာတွင် ဆရာကြီးယွမ်ချီ ကဲ့သို့ အမြူတေ တေဇောကို သန့်စင်ပြီးသား သူ တစ်ယောက်ပင် ဆေး
မီးတောက်ကို ယင်းကဲ့သို့ ဖိနှိပ်၍ သိုင်းပညာအဖြစ် အသုံးမချရဲပေ။ဤသို့ အသုံးချန်ရန်မှာ မီးတောက်
ကို နိုင်နင်းကျွမ်းကျင်စွာ ထိန်းချုပ်နိုင်ရန်လိုသည်။မီးတောက်များမှာ မူလကပင် လောင်းကျွမ်းတတ်သည့်
သတ္တိရှိရာ ၎င်းတို့အား ဖိနှိပ်လျှင် ပေါက်ကွဲမည်သာဖြစ်သည်။
YOU ARE READING
ဆေးသိန္ဓိရှင် ( လုံချန် ) Book 1(ခွင့်ပြုချက်ရပြီး)
Adventureမူရင်း ENG Name: Nine Star Hegemon Body Arts မူရင်း စာရေးသူ : ordinary magician တရုတ်မှ အင်္ဂလိပ်ဘာသာသို့ပြန်ဆိုသူ: Born to be ဘာသာပြန်သူ - MKAung သူဟာဆေးနတ်တူရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးန တ်တုရားရဲ့ ဝိညာဉ်တော် နှင့် သူ့ဝိ...
121 - 125
Start from the beginning
