သို့သော် ချူယောင်၏ မျက်နှာ မှာ ရုတ်တရက် ဖြူဖွေးလာပြီး လဲကျမည်ကဲ့သို့ဖြစ်လာရာ လုံချန်က
သူ့အနားသို့ခေါ်ထားရသည်။သူက ချီစွမ်းအင်ကို အသုံးပြု၍ ထို ကြောက်မက်ဖွယ်ရာ စွမ်းအင်ကို
ခုခံနေသည်။
"ခင်ဗျား ဆေးများ မှားစားလာတာလား" လုံချန်က မကျေမနပ်ဖြင့် အဖိုးကြီးကို ကျိန်ဆဲ၏။သည် အဖိုး
ကြီးသည် ရူးများပင်နေသလား။
"မောက်မာတဲ့ကောင်လေး...အကြီးတွေကိုလေးစားတတ်အောင် ဒီနေ့တော့ ကျုပ်အဖိုးကြီးက သင်
ခန်းစားပေးမှဖြစ်တော့မယ်" သူ့၏ ချီစွမ်းအင်ကို လုံချန်က တောင့်ခံရန်ကြိုးစားနေသည်ကို မြင်သည်
တွင် အဖိုးကြီးသည် အနည်းငယ်မျှ အံ့အားသင့်သွားပြီး ချီစွမ်းအင်များကို ထပ်လွှတ်လိုက်ပြန်သည်။
လူကြမ်းလေး၏ဒေါသတကြီး ကြုံးဝါးအော်ဟစ်သံထွက်လာ၏။သူ့ ခန္ဓာကိုယ်တစ်ခုလုံးက အနီရောင်
သို့ပြောင်းသွားသည်။လူကြမ်းလေးသည် သူ့၏ ချီစွမ်းအင်ကို တောင့်ခံနိုင်သည်အား မြင်လျှင် အဖိုးအို
သည် အံ့အားသင့်ရပြန်၏။သူထုတ်လွှတ်ခဲ့သည့် ချီစွမ်းအင်သည် ကျင်ကျီ သိုင်းသမားတစ်ယောက်ပင်
ဗိုင်းကနဲ ပစ်လဲကျသွားစေနိုင်သည့် ပမာဏဖြစ်လေသည်။
သို့သော် ဤကလေးနှစ်ယောက်ကား ရုပ်ပိုင်းဆိုင်ရာ ခွန်အားနှင့်ပင် သူ့၏ ချီစွမ်းအင်ကိုတောင့်
ခံထားနိုင်ကြသည်။လုံချန်သည် ချီစွမ်းအင်အများအပြားကို အဓိက တောင့်ခံနေရသူဖြစ်သည့်တိုင်
ချူယောင်မှာ မျက်နှာများဖြူဖွေး၍ ဝေါ့ကနဲ သွေးတစ်ပွက်ကို ထိုးအန်လေ၏။
"စောက်အဖိုးကြီး သေပေတော့" လုံချန် ဒေါသ ထောင်းကနဲထွက်သွားသည်။အလင်းစက်ကွင်းကို သူ
နှိုးတော့မည့် အချိန်မှာပင် ရင့်ကျက်တည်ငြိမ်သည့်အသံ တစ်သံကိုကြားရသည်။
"တော်ကြတော့"
အသံသည် သိပ်မကျယ်။တည်ငြိမ်၍ ဒေါသ သံလည်းမပါပေ။သို့ရာတွင် အဖိုးအိုမျက်နှာမှာ ချက်ချင်းဖြူ
ဖွေးသွား၏။သူက စိတ်မပါလက်မပါနှင့် ချီစွမ်းအင်များကို ပြန်သိမ်းလိုက်ရသည်။သူ့အပေါ်သက်ရောက်
နေသော ဖိအားသည် ရုတ်ချည်းပေါ့ပါးသွားသည်ကို လုံချန် ခံစားမိသည်။ချူယောင်မှာ ဖိအားမှ လွတ်
မြောက်သွားသော် သူမမျက်နှာသည် ဖြူဖွေးနေတုန်းပင်ဖြစ်၏။
أنت تقرأ
ဆေးသိန္ဓိရှင် ( လုံချန် ) Book 1(ခွင့်ပြုချက်ရပြီး)
المغامرةမူရင်း ENG Name: Nine Star Hegemon Body Arts မူရင်း စာရေးသူ : ordinary magician တရုတ်မှ အင်္ဂလိပ်ဘာသာသို့ပြန်ဆိုသူ: Born to be ဘာသာပြန်သူ - MKAung သူဟာဆေးနတ်တူရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးန တ်တုရားရဲ့ ဝိညာဉ်တော် နှင့် သူ့ဝိ...
116 - 120
ابدأ من البداية
