بعد مرور ثـلاث أشهر
وكـان زواج عمران وعـاليه
كان زواج جدًا كبير والكل حاضـر
نعيم : عمران يلا ابوي وش تحتري بنطلع للقاعه
هزاع: هذاه يتجهز
عمران: اول مره اخاف ياناس
نعيم ابتسم: عاد حنا سلكو لنا ماسوو لنا زواج
هزاع: احسن والله وش نبي بالزواج والقروشه
عمران: يلا ترا جهزت
طلعو الرجال متجـهيين للقاعه
فالقاعه عند البنات
كان الكل يجهز عاليه
وعاليه خايفه: بنات خلكم قريبين مني تكفون لاتبعدون عشان اذا احتجت شي
غاليه: ماعليك حبيبي حولك كلنا
عاليه: ابي امي نادوها
ام نعيم دخلت: جيت يايمه شفيك
عاليه: متى بنطلع من القاعه انا وعمران
ام نعيم: ١ بالليل
عاليه: اف يمه
ام الريم: يلا يابنتي خلي البنات يلبسونك مابقى شي
الجده دخلت: تبارك الله يايمه وش هالجمال
عاليه: ياروح روحي انتم الله يخليكم لي
ام الريم: امين يارب ويخليك لنا يمه
عاليه: امين يارب
غاليه: يلا يلا بنلبسك
عاليه: اصبروا جوعانه جيبو لي اي شي اكله
الريم ضحكت: تونا ماكلين يادبه!
ضي: خير انتي شجاك جعتي
في: حرام عليكم بجيب لك شي خفيف سلطه اي شي تاكلينه
عاليه: يلا تكفيييين
غاليه بضحك: العرايس يخافون يستحون ذي جوعانه
عاليه : اوريك ياكلبه بكرا تشتاقون وتصيحون
غاليه: يالليل
في: طيب صدق لاتطولون علينا
عاليه: شهر وراجعين
ام نعيم: اقول وش شهر
عاليه ابتسمت: افقدوني شوي
الجده: خلوها تستانس
غاليه: يمه هزاع يدق له ساعه
واحت غاليه ترد
هزاع: وينك انتي عن جوالك!!!!
غاليه: كنت عند عاليه
هزاع: هذانا جايين رحنا نجيب عمران ونجي
غاليه: حلو لاتطولون الساعه ٩ !
هزاع: نعيم يبي يدخل يشوف عاليع
غاليه: تمام حبيبي لاوصلتو عطني خبر
هزاع ابتسم: وانا ابي اشوفك!
غاليه ابتسمت: حتى انا ابي اشوف كشختك
هزاع: ياروح روحي انتي من عيوني لاجينا بدق
غاليه ابتسمت: تمام
دخلت غاليه: يلا ترا عمران والعيال جو بيدخلون عند الرجال يقعدون ساعه ونص او ساعتين وبيدخل عمران عند عاليه !
الجده: تمام لادخل وشافها ودخلنا نبارك لهم
تنزلين ياعاليه لحالك وعمران فوق ينتظرك
عاليه: ان شاءالله
الريم: تعالي اعدل مكياجك
عاليه: يلا
بعد مامر الوقت
دق هزاع: غاليه وينك؟
غاليه: تبي تدخلون؟'
هزاع: اي بدخل عندك ونعيم بيدخل يشوف عاليه
غاليه: انا عند الباب الي ورا يلا ادخلو
دخلو نعيم وهزاع
نعيم: هذي الملاك اختي؟
غاليه ابتسمت: اي
نعيم حضنها: وش هالجمال بتصكين على اختك الغبيه
ضحكت غاليه: حرام عليك
هزاع: ماتلاحظ اخذت راحتك مع زوجتي توكل يلا
ضحك نعيم ودخل عند عاليه
هزاع: وش هالجمال
غاليه ابتسمت: عيونك
هزاع ابتسم: الحمدلله ان هالجمال لي ولا كان بتلت اراكض وراك
غاليه: والحين ماتراكض وراي؟
هزاع: الحمدلله الحين صرتي ام ولدي ام سيف الله يخليك لنا
غاليه ابتسمت: ويخليك لي يارب
هزاع: قريتي الورد ولا اقراه عليك؟
غاليه: قريته بس مايمنع انك تقراه علي
هزاع ابتسم وقرب لها وحضنها
دخل نعيم عند عاليه
نعيم: يوه ذي اختي؟
عاليه ابتسمت: وين عمران؟
نعيم: بسم الله على قلبك بيجي بيجي بس يسلم على الرجال
عاليه ضحكت: حلو شكلي؟
نعيم: موت موت بس وين زوجتي؟
عاليه: ياعمري يالريم والله تركض معي من الصبح
نعيم ابتسم: الله يجعلني فدوه لها
دخلت الريم وابتسمت: اوه ابو ساره هنا
نعيم ابتسم: ياروح ابو ساره انتي وش هالجمال وش هالكمال قسم بالله انك مودل !
الريم ضحكت: لاتبالغ!
نعيم: اذا مابالغت فيك ابالغ بمين!
الريم راحت حضنته
نعيم: جمال وكمال ودلع وزوجتي بعد !!!
ياربي وش هالنعيم الي انا فيه !!!
الريم: جمالك انت والله
نعيم: تدرين اني اغار عليك من الحريم الي تحت
الريم ابتسمت: صدق ؟
نعيم: تسالين بعد؟
عاليه: وع بطرش
نعيم: شتبين انتي
عاليه: طسو عن وجهي لايجيني غثيان
الريم ضحكت: شفيها هذي
نعيم: امشي يازوجتي بس نتغزل بعيد عن ذي
عاليه: بالله صدق طسو
نعيم : عمران يدق
عمران: وينكم انتم رحتوا!
نعيم: دخلنا نشيك عالوضع
عمران: تعالو يلا ودوني للبنت وسو الي تبون
نعيم: طيب قايل انك مشفوح انا قفلل
عاليه: شفيه؟
نعيم: مالك دخل يابنت ، ريمي نادي جدتي بيدخل عمران يلا بنجيبه
الريم: من عيوني
عاليه خافت مره لانها اخر مره شافت عمران فيها
بالسطـح بعدها منعته يشوفها لين الزواج
راحت الريم تنادي البنات والجده وام نعيم وام عمران والجازي وام الريم
دخـل عمران وكان متلهف ومشـتاق لعاليه
وكانت عيونه عليها ومبسوط مرررره فيها وقلبه ينبض بسرعه ويدينه ترتجف بعد ماشافها
اما عاليه كانت مستحيه من نظراته وعيونها بالارض
الجده: ماشااءالله تبارك الله ماشاءالله
نعيم: الله يبني بيتكم بالسعاده ياررررب
عمران ابتسم: امين يارب
الجوهره: مبروك يايمه الله يوفقكم يارررب
عمران حضن امه: اللهم امين
ابو نعيم: ماشاءالله تبارك الله الله يوفقكم ويسعدكم
الكل طلع ماعدا عمران وعاليه
عمران قرب لها: اشتقتلك
عاليه: اشتقتلك اكثر والله
عمران: معقوله هالجمال ؟ وبتنزلين عندهم بعد؟
عاليه استحت وابتسمت
BINABASA MO ANG
ياقمر سود اليالي يابدر بين الاهله
Poetryعائلة سيف العالي العائلة المتكاتفه الحنونه الي يحملون الحب لبعض من اعمام وعمات واحفاد واجداد وكلن يختار نصيبه بنفسه بعد مشقات وبعد خيارات بين قلبين يختار الحب المناسب له مابين العز والدلال وحياة الرفاهيه وحياة البساطه مع الجماعه لا احلل نقلها
