العصر
البنات بالحديقه كلهم
العنود: يا الله ياحلو هالاجواء ياليت دايمًا بداية شتاء
الريم: يالييييت
غاليه كانت جالسه لكن واضح فيها شي
والكل منتبه عليها
اما هاجر مبسوطه
طلع هزاع مستعجل وكان معصب مره
هاجر: يوه يافي شفيه اخوك معصب
في: مولود معصب هو عادي مافرقت
هاجر: لايكون احد مضايقه بس
الريم: ليه يهمك؟ المشكله ماشوفه معطيك وجه او ملقي لك بال!
هاجر هنا انحشرت وواضح تفشلت مره
اما غاليه الي ابتسمت: في ناس كذا بالفطره ملقوفه
ضي تضحك: منجد بدون اجتهاد
بيان: بنات الحين شوضع السفره متى بنمشي
العنود: الساعه ٤ ونص الحين اتوقع ٥ نروح ندخل اغراضنا
الريم: الحين انا وعاليه وخالتي ام نعيم وامي بس سوا؟ عاليه: اي اتوقع
هاجر: ضي مين مع هزاع؟
ضي انصدمت من سؤالها: ليش؟ ماراح تروحين مع اخوك؟
هاجر: يمكن اجي معكم
ضي : ماتوقع يكفي
وفعليًا محد طايق هاجر وحركاتها حتى خواتها مب طايقينها
في: انا وضي وغاليه وامي
غاليه: عنود تجين معنا؟
العنود: بروح مع عمران وامه انا وخواتي
غاليه: تمام ياحب
غاليه حبت تقهر هاجر: ضي في قومو نجهز اغراضنا ونحطها بالسياره مع هزاع
قامت غاليه وضي وفي وحطو اغراضهم
هزاع كانت انظاره على غاليه وخايف على زعلها من الي صار بينهم
دخلت ضي وفي
هزاع: زعلتي؟
غاليه: اي زعلت
هزاع: اسف بس والله تنرفزت واصلا ماكنت باخذها منها شفيك
غاليه: شف هزاع ذي قليلة الادب ترا خلاص وصلت حدي منها ياتوقفها عند حدها ولا بيصير مشاكل بيننا وبتطلع السفرع من عينك
هزاع: اف اف شفيك مشحونه !!
غاليه بعصبيه: قلت لك عاد
هزاع: طيب ماقلتي لي اذا عصبتي تكونين حلوه كذا؟
غاليه: هزااااع ما استهبل انا
هزاع: يابنت انتي بقلبي والله بس انتي لو وش تسوي ذيك
غاليه: لا اشوفها حولك اذا انا بقلبك فعلًا
هزاع: ابشري وادخلي يلا
الساعه ٦ المغرب
صلوا ..
نعيم كان مروق ومبسوط ان الريم بتجي معه
سيارة نعيم
الريم ام الريم عاليه وام نعيم
سيارة هزاع
غاليه ضي في العمه الجازي ام هزاع
سيارة عمران
امه الجوهره والعنود وساره وسرى
ابو الريم وابو نعيم والجد والجده بيجون طياره
(سيارة هزاع)
هزاع: تبون قهوه؟
ضي وفي : اي تكفى
هزاع كانت انظاره على غاليه: غاليهز
غاليه: لا شكرا
ام هزاع الجازي:انا بنام انتبهو للطريق معه يابنات
هزاع نزل يجيب قهوه
ضي: خير شعندك ماتبغين
غاليه: ميته جوع يختي
في : خير كان قلتي له شوفي المطعم هذا هو
غاليه: ماش احراج
ضي بدق على هزاع مشتهيه حلا
دقت ضي على هزاع
هزاع: هلا ضي
ضي : هزاع غاليه ميته جوع تقول مقدر اتحمل يجيب لي اكل
هزاع: ياغالي والطلب رخيص
ضي : يلا باي
غاليه توسعت عيونها وضربتها مع كتفها: ياااااااااااكلبه خيررررررررررررر
في وضي يضحكون عليها وعلى ردة فعلها
وقعدو يتناقرون بمزح لين وصل هزاع
ركب سيارته
هزاع: جبت لكم كلكم برقر وانا معكم وجبت لكم كلكم قهوه عشان مانوقف ابد الا بالشرقيه
غاليه: شكرا هزاع على القهوه والبرقر
هزاع التفت عليها: اذا احتجتي شي عطيني خبر
في: شغل لنا اغاني
هزاع: يلا بشغل لكم اغاني وهذي الاغنيه احبها
ضي: اهداء لي يعني
هزاع: اهدا بس مب لك لجدي وابتسم
تدري إني أحبك و ﺇني أموت فيك
وﺇنك أغلى الحبايب وﺇلا غيرك فلا
وﺇن مالك في روحي يا هواها شريك
ﺇنت كل المشاعر تنتمي لك ولا
تدري إني أحبك و ﺇني أموت فيك
وﺇنك أغلى الحبايب وﺇلا غيرك فلا
وﺇن مالك في روحي يا هواها شريك
ﺇنت كل المشاعر تنتمي لك ولا
من جمالك وزينك غار قلبي عليك
لو بغى القلب يسلى عنكم ما سلى
ولو بوصف جمالك، قصر الوصف فيك
شفت طيب الوصايف منك تاخذ حلى
تدري إني أحبك (أحبك) و ﺇني أموت فيك
وﺇنك أغلى الحبايب (الحبايب ) وﺇلا غيرك فلا
وﺇن مالك في روحي (في روحي) يا هواها شريك
ﺇنت كل المشاعر تنتمي لك ولا
وكانت نظرانه على غاليه طول الوقت وساهي فيها ..
في سيارة نعيم
كان نعيم ماكل كل الجو ويسولف على امه وام الريم
وعلى البنات
عاليه: يمه اشتقت لغاليه
ام نعيم: اي والله فقدتها بسم الله على بنيتي
ام الريم: ياحبيل قلبها هالبنت كيف اني احبها واعزها
نعيم: افا وانا ياخاله
ام الريم: والله ان معزتك بقلبي نفس معزة بنيتي
نعيم ابتسم: الله يخليني لك ويخليها لك ويخليك لنا انتي والوالده
ام الريم: ويخليكم لنا
نعيم: بنزل للبقاله تبغون شي
عاليه : نبي ننزل معك انا والريم بنشتري اغراض
نعيم: يلا
نزلو للبقاله
الريم : عاليه بروح اخذ لي شي بارد
عاليه : اوكي
راح معاها نعيم: سكري عبايتك انتي
الريم: ماتتسكر
نعيم: خير وش هالعبايه انتي
الريم: وش فيها؟؟؟
نعيم: مفتوحه عبايتك ماتشوفين امسكيها ولا ترفعين يدك والله لا اقطعها تفهمين انتي
الريم: شلون اشتري اذا بمسكها بعدين عادي ساتره مب مفتوحه
نعيم ارتفعت حواجبه: تفهمين! انا بشتري لك كل شي بس يدك لاتبعدينها عن العبايه
الريم: دايم كذا انت؟ بكل مكان تضايقني ؟
نعيم: دايم تسوين شي يخليني اتضايق ؟
الريم: لانك تكرهني بدون سبب
نعيم: انا عاشق ولا بعمري بكون كاره لك
الريم: بروح للسياره مابي شي خلاص
نعيم مسك يدها: لاتصيرين دلوعه خلك بجنبي وبختار لك على ذوقي
الريم انحرجت وبعدت يدها عنه
نعيم صارت يشتري كل شي يجي قدامه
الريم: نعيم خلاص يكفي بنجلس ناكل فيه سنه
نعيم: مدري وش تحبين بشتري لك كل شي
الريم بابتسامه : خلاص يكفي هذا
نعيم: تدرين اني احبك واحب عيونك صح ؟
الريم ابتسمت: حبتك العافيه
نعيم: كل هالحكي وحبتك العافيه يلا ماعليه
الريم: خلاص جت عاليه بعد شوي
نعيم: ببعد ويلا روحي السياره بحاسب وبجي
الريم: تمام
راح يحاسب والريم وعاليه راحو السياره
ام الريم: تاخرتوا وينكم كل ذا
عاليه: نعيم تاخر فينا
ام نعيم: من يبي قهوه اصب له
الريم : تكفين ياخاله ابي ولا جيبي انا اصب لكم
ام نعيم: ابشري ابشري وهذي احلى قهوه لاحلى ريمي
الريم ابتسمت: ياحبيل قلبك والله
ركب نعيم
ام نعيم: مشتري البقاله كلها
نعيم: عافيه عليكم ابي قهوه يمه
ام نعيم: ابشر ياعمري
اما بالنقطه الاخيره
سيارة عمران
الجوهره: اخذت اجازه؟
عمران : اي وش اسوي يلا كلها كم يوم وارجع للكرف
الجوهره: ليه ماترحم نفسك يمه طول الوقت مداوم ولا بالمعرض عند جدك
عمران: علميني يمه وش اسوي مقدر اقول لجدي شي
العنود: وش تشتغل عنده عمران
عمران ابتسم: مدير شؤون الموظفين ومقاول بنفس الوقت والعصر اشتغل بمعرض السيارات حق جدي
العنود : ماشاءالله يوه كم ساعه بيومك
عمران: انام ٥ ساعات
العنود: ماشاءالله صراحه الله يبارك لك في وقتك
عمران: ليه ماتشتغلين معنا؟
العنود: والله هالفتره في امور شاغلتني اولها الورث و و و وبيتنا بعد وعمي في اشياء كثيره بس ان شاءالله مجرد ما اخلص وعد برد لك
عمران: لو تبين اي شي يخص الورث حاكيني تراي خبره
العنود ابتسمت : ماتقصر
عمران: وش مشتهين نجيب لان الخط طويل
امه الجوهره: والله انا صدع راسي من الخط مابي شي
شف البنات يابوي وش يبون لاتقصر معهم
عمران: ابشري هاه عنود سرى ساره وش مشتهين
ساره: ابي بيتزا ميته جوع
عمران: ابشري تامرين وانتي سرى والعنود
العنود : بس ابي اقهوه
سرى: انا قهوه
عمران: طيب شرايكم نمر ناخذ لنا اكل وناكل لاخلصنا اخذنا لنا قهوه
العنود: تمام كذا كويس
أنت تقرأ
ياقمر سود اليالي يابدر بين الاهله
Poetryعائلة سيف العالي العائلة المتكاتفه الحنونه الي يحملون الحب لبعض من اعمام وعمات واحفاد واجداد وكلن يختار نصيبه بنفسه بعد مشقات وبعد خيارات بين قلبين يختار الحب المناسب له مابين العز والدلال وحياة الرفاهيه وحياة البساطه مع الجماعه لا احلل نقلها
