ياقمر سود اليالي يابدر بين الاهله

19

• عند نعيم بعد ماضرب الشخص الي حجزه بالمستودع
طلع نعيم وكان يركض بكل شده وكانت المزرعه كبيره
جدًا جدًا ويمشي بكل سرعته كانه عطشان ويحتاج يرتوي
عطشان باخبار الريم ويركض يرتوي بصوتها
مايعرف لاوصل وش بيحصل وش بيواجه ..
يمشي ويمشي ويمشي ولا يعرف وين يتجه
والحمدلله طلع له خط سريع وسيارات رايحه جايه
وحاول يوقف اي سياره قدامه

• في المزرعة  " المغرب "
دخل أبو سلطان وسلطان معاه والمفاجئه انهم جايبين
الملاك معهم عشان يخلصون بسرعه من كل شي
ومعهم الاوراق الي يدينها ابو سلطان لابو الريم والجد
اوراق قديمه عن فعل يفعله ابو الريم وابو نعيم
وتابو لوجه الله كان ابو سلطان قريب منهم لين تمكن واخذ ادله عليهم وقلب عليهم والاهم انهم اقارب ليه يصير بينهم كل ذا؟
الجد همس لابو سلطان : حياكم الله بس ليه الملاك جاي ؟
سلطان: سلمونا بنتكم ونسلمكم الشغل بيننا ولو يسمع الشيخ هالكلام ان بيننا اتفاق رفض الزواج
الجد: تمام ، بس عندي شرط ياسلطان وابو سلطان!
ابو سلطان : انا وسلطان بننفذ الشروط
الجد : تفضل ياشيخ حياك الله هزاع ولدي صب له قهوه انا ابي سلطان وابو سلطان بكلمه بالمجلس الثاني
ولدي ابو نعيم وابو الريم حياكم الله تعالو معي انا وسلطان وابو سلطان للمجلس
دخلوا للمجلس
الجد: سلطان أبيك تحلف يمين بالمصحف ان هذي الاوراق الوحيده عندكم
سلطان : ابشر
حلف سلطان يمين انه مايمتلك غير هالاوراق
وابو سلطان حلف يمين انه مايمتلك غير هالاوراق
ابو نعيم سحب الاوراق
ابو سلطان دفه: وين؟ توقع بنتكم وتستلمون الاورق
سلطان : ومتى بشوفها؟
الجد: تملك عليها وخذها
طلع سلطان يدخل الاوراق بسيارته
وبعدها
طلعو للشيخ وجلسوا يتقهوون ويتفقون على الشروط والمهر
الملاك: وين ابو البنت؟
ابو الريم: انا
الملاك: والعريس؟
سلطان بابتسامه: انا
هزاع حاول يشغل الشيخ: بس ياشيخ البنت عندها شروط محد ذكرها
الجد : عمران تعال بكلمك عشان تنادي البنت
عمران والجد طلعو
الجد: هذا مفتاح سلطان في ملفات في سيارته خذها كلها واحرقها ورا المزرعه الان الان بسررررعه يابوك
عمران : ابشر
اتجه عمران للسياره واخذ الاوراق بسرعه
شافه الجد من بعيد وراح يدخل المجلس
الجد: وقف ياشيخ البنت عندها شروط
الشيخ :وش الشروط ؟
الجد: البنت تسكن عندنا
سلطان: لا ياشيخ ما اقبل
دخل نعيم عليهم وكان يطالعهم وموسع عيونه
نعيم بصدمه: هذا وشو؟ الحين؟ عشان كذا ياسلطان راميني بمستودع بعيد عشان تتمكن؟ تحسب بخليها لك؟ وبسهوله؟ والله والله ان تطلق
ابو نعيم فرح وانبسط برجوع ولده وراح بيحضنه
نعيم بصوت عالي : لحد يقررررررررررررب !
ابو نعيم : هزاع بشررررر الاهل بشررررهم
هزاع طار من الفرح وراح لجدته واهله يبشرهم
سلطان حاول يستغل ان نعيم مايدري انهم لسى ماتزوجو
سلطان: طلاق مب مطلق وبتصير حلالي
نعيم انعمى من كلامه وقرب له ومسكه مع رقبته وصار يبقسه مع وجهه : والله ياسلطان ماينكتب لك يوم معها فاهمنييييييي والله
سلطان صار يضرب في نعيم ونعيم يرجع الضربه باقوى
الشيخ بصراخ : ماصار عقد زواج اصلا !!!!! ومين هذا !!!!!
طلع الشيخ لانه انزعج منهم
الجد صار يصرخ: خلاص يانعيم بتذبح الولد خلاص بيموت بين يدينك خلاص اتركه يابوي اتركه
نعيم: والله لا اشرب من دمه والله ما اتركه
عمران دخل عليهم المجلس هذا دليل انه احرق الاوراق وخلص والجد فهمه
عمران بركض لنعيم: نعيم والله مايستاهل انك تنسجن عليه اتركه اترررركه
للاسف نعيم كان اقوى وكان يضربه بكل شده
ابو نعيم بصراخ : يانعيم اتركه اتررررركه
الجد صار يلوم نفسه: خلاص ياوليدي تكفى يابوك اتركه
والكل يحاول يبعد نعيم عن سلطان
ونعيم كان يضربه وطاح سلطان بالارض
ابو سلطان بصراخ: سلطان ولدي لايرووووووح لايروححححح طلع مسدس ووجهه لنعيم اتركه يانعيم اتركه ولا والله لا اصيبك
نعيم: والله ماتركه
عمران: خلللللله نعيم خله بيموووووووووت
هزاع دخل وانصدم وحاول يبعد نعيم
ونعيم كل ماقرب منه احد بعده
ابو سلطان انقهر على ولده واصاب نعيم في ظهره
الجد انهار وطاح بالارض يوم شاف الدم يطلع من نعيم
هزاع بصراخ: دقوووووو على الاسعاااااااااف دق دق ياعمي دق
عمران كان يرجف بكل قوته وكان ماسك جده ويحاول يصحيه
ابو نعيم يبكي ويلطم على ولده ومسك ولده: تكفى لاتطيح تكفى يابوك
نعيم كان يرجف لسانه بكل قوه: والله انها تستحق دمي
ابو الريم راح وحاول يمسك نعيم ويمسك جرحه لين يوصلون الاسعاف
سلطان وابو سلطان طلعو بكل سهوله
دخلت الجده : ياااااااااااااااوييييييلي ياااااااااااااربي الطف ياااااااااااربي يااااااااربي الطف فيني
ام نعيم دخلت وانهارت من ولدها الي طايح بدمه وكان يرجف وراحت تركض وتحضنه وتبكي بكل قوتها : ولدي يارب لايروح لايروح ياررررررررررب ولدي في ودائعك
دخلت غاليه وعاليه وشافو اخوهم وجدهم بالارض طايحين الجد مغمي عليه واخوهم بدمه والارض كل مالها تشرب من دم نعيم والصدمه الي هم فيها مستحيل تتصدق !
ودخلت ام الريم ودخلت العمه الجازي والعمه الجوهره
والعنود وخواتها والكل كان يبكي والبنات يبكون بصراخ ويرجفون
وصلو الاسعاف للمزرعه وشالو نعيم والجد ..
وطلعو اتجهوا للمستشفى
اما الريم الي ماتوقعت كل الي صار وكان بالغرفه
ومقفله على نفسها وكانت حالفه ماتطلع لين يجيها نعيم
وبسجادتها وتدعي من كل قلبها
طقت غاليه عليها الباب كل قوتها
الريم فتحت: شفيكم
غاليه دفتها بكل قوه: والله لو اخوي يجيه شي والله ان تندمين تفهمين !!!!!! والله لا اذبحك بيدي
الريم الي صارت ترجف من كلام غاليه: وش فيه ؟ وش فيكم ؟ بعد مادخلت الجده وام الريم وام نعيم والعنود وخواتها وضي وفي والعمات
الريم: شفيكم؟؟؟؟؟ جاوبوني وش هالصياح وش هالدموع؟؟؟؟ وش فيكم ؟؟؟
عاليه بصياح: ياليت نعيم بقى على العنود وافتكينا منك ومن شرك ومن حبكم
العنود: مايصلح هالحكي ياعاليه خلاص حصل الي حصل ونعيم ماله نصيب الا مع الريم
الريم ورجفتها تزيد: يمه؟ وش فيكم؟ نعيم ؟ نعيم حصلوه؟ وينه نعيم؟؟؟؟؟ ياناس جاوبوني
الجده كانت حاطه يدينها على عينها وتبكي بكل شدتها
ام نعيم كانت منهاره وكل يدينها دم
الريم شافت الدم: نعيم؟ دم نعيم؟؟؟ هذا دم نعيم؟
ضي : خلاص خلاص الريم خلاص صار الي صار
الريم بصراخ: وش صاررررررررر جاوبونييييي
وش فيه نعيم؟؟؟ وينه؟ وينه ؟ وش صارررررر جاوبووووني
العنود: ابو سلطان صوب نعيم من ظهره والجد طاح مغمي عليه
الريم طاحت بالارض وصارت تبكي بكل قوتها
الريم بصياح:ليه يارب؟ ياربي ليه؟ يارب لاتواخذني
يارب يارب يارب تعبت انا يارب تعبت انا يارررررب خلاص وصلت حدي لاحول ولا قوة الا بالله
طلعت ريم للمجلس تركض وشافت الارض كله دم
وصارت تبكي بكل شدتها وتصارخ ومنصدمه من كل الي صار ولا توقعت توصل المواصيل لهنا
غاليه دخلت مع الريم وجلسو يبكون بكل شدتهم
"الجد متفق مع عمران بالبداية ومتفق مع ابو نعيم وابو الريم ان هذا الزواج مستحيل يصير بس بياخذون الاوراق ويحرقونها وبعدها يحوسون الخطبه
والجد مستحيل يعطي سلطان الريم لو وش ماصار
بس كان الجد لازم يسوي نفسه صادق وابو نعيم وابو الريم لازم يكونون صادقين عشان مايوصل لابو سلطان خبر ان الخطبه كذب بكذب ولازم يمثلون عشان يضبطون كل شي ويستلمون الاوراق"
حصل الي ماكان بالحسبان ..