• في المستشفى
بعد مافاق الجد وكان الكل حول الجد
- لان نعيم بالعمليات ..
ابو نعيم وابو الريم جالسين والضيقه ماكلتهم اكل
وهزاع وعمران الي حول جدهم ويدينهم بيده
الجد: وين ولدي وين نعيم وش صار فيه؟ ماشوفه معكم وينه ؟؟؟
هزاع تضايق اكثر: بالعمليات ياجدي
الجد: وجالسين عندي ليه ليه؟؟؟؟
هزاع: عنده ابو نعيم وابو الريم ياجدي
الجد : ودوني ودوني له ودوني
هزاع: مايدخلون احد ياجدي غرفة عمليات
الجد: ودوني انا بخير بوقف عند باب العمليات لين اشوف ولدي والله ماخليه
عمران: ياجدي انت تعبان مابك جهاد انتظار كل شي يصير بيوصلك
الجد : والله اذا ماوديتوني لا اروح بنفسي له
عمران:تمام ياجدي تمام بس انادي الدكتور
دخل الدكتور : جدكم بخير الحمدلله بس يحتاج يرتاح ويقدر يطلع الحين انتبهوا على صحته وسلامته عموما كتبت له خروج
راح الجد وعمران وهزاع
لنعيم عند ابو الريم وابو نعيم
فز ابو الريم يوم شاف زول ابوه وحضنه: الحمدلله على السلامه يابوي
الجد: وين نعيم!!
ابو نعيم بحزن:لهم ساعه بالعمليات
هزاع: جدتي لها ساعه تدق علي وش اقولها؟
ابو الريم: قلها كلهم بخير وبيرجعون الصبح وبس
هزاع: نكذب عليها يعني؟ فوق الي سويتوه تبون تكذبون زياده؟
ابو نعيم: خلاص ياهزاع اكرمنا بسكوتك
بعد ساعه من الانتطار
دخلت الجده وغاليه وام نعيم للمستشفى وراحو يدورون نعيم
وسالو عنه وقالو لهم بالعمليات
الجده الي انهارت : يارب الطف بجنبني
ام نعيم تبكي : يارب احفظه وحيدي ولدي يارب انك تقر عيني بشوفته
اما غاليه الي كانت تبكي بحرقة قلب وبقهر على الي حصل باخوها
راحو لقسم العمليات وشافو الجد وهزاع وعمران والاعمام
هزاع ركض يمسك جدته: ياجده وش جابك والله لنا ساعتين ننتظر باذن الله خير
الجده: اتركني اتركني والله ماطلع لين اشوفه
هزاع: تطمني ياخاله وياغاليه بخير نعيم ان شاءالله
طلعت الممرضه وهو مستعجله : نبي متبرع نبي متبررررع ضروري المريض فقد دم كثيررررر
نبغي شخصين
الجد : لاحول ولا قوة الا بالله ابشري ابشري
الممرضه : A+ مانقدر ننتظر اكثر من كذا بنفقد المريض
ام نعيم صارت تلطم وتصرخ: ياااااااااااااااربي ياااااااااارب الطف فينا
غاليه قامت تبكي بكل شدتها
اما هزاع الي انصدم: انا انا انا خوذو روحي واتركوا انا نعيم نفسي نعيم
الممرضه صارت تصرخ تنادي الي تسحب الدم
راح هزاع معها وقلبه يعوره وحس ان بيصير شي
غاليه: من وين بنلقى من وين!!!!!
الجد: دقي على على الي بالمزرعه اساليهم
غاليه دقت عليهم وقالت لهم كل التفاصيل
العنود : سرى سرى A+ قومي سرى قومي قومي تجهزي الحيننننننن
الريم: بجي بجي معكم بجي بتطمن
العنود: يلا يلا عمران بيجي تقول غاليه
قاموا تجهزو باسرع شي وطلعو لعمران الي وصل بسرعه
واتجهو للمستشفى
العنود: شلون نعيم؟
عمران: فقد دم كثير كثير
العنود: يارب يارب
اما الريم الي كانن منهاره وتبكي ومو راضيه تسكت من اول ماصار الموضوع
عمران: ريم تكفين لاتقطعين قلبي اكثر والله انك بحسبة اختي ولا ارضى تنكسرين باذن الله نعيم بيقوم وبيصير بخير لاتخافون وصدقيني كلنا بنحاسب هالي مايتسمى سلطان ولاتضنين الشرطه بتسكت ولا جدي بيسكت بس حنا نبي سلامة نعيم الحين
الريم: الله كريم ياعمران انا جدي ما اتامل فيه شي خلاص
عمران: ماردك بتعرفين وبتعرفين من جدي بعد
لاتظنين فيه سوء وتحكمين عليه تكفين
ريم: ياعمران لولا الله ثم نعيم كان انا الحين مع سلطان
عمران: والله يخسى ياخذ بنتنا ومن قال جدي ناوي يعطيك ؟ او ابوك يعطي بنته الوحيده؟ حنا كنا لازم نسوي كذا
ريم: وليه؟
عمران: بتعرفين
يلا وصلنا المستشفى بسرعه خل ننزل
نزلو وراحت سرى تتبرع لنعيم والحمدلله قدرو يعوضون الدم الي فقده
والكل جالس بالانتظار ينتظرون الدكتور يطلع ويتطمنون
•من الجده والجد وغاليه والريم وعمران وهزاع
وابو نعيم وابو الريم وام نعيم وسرى والعنود..
ويدعون له من كل قلوبهم
• طلع الدكتور : الحمدلله ابشركم نعيم بخير استقرت حالته من نص ساعه تقريبًا بس ولدكم عنيد مهما حاولنا نخلي وضعه مستقر يسوء اكثر لكن الحمدلله
الجد فز ومسك يد الدكتور: اسالك بالله اسالك بالي عينه ماتنام هل حالته مستقره فعلًا ؟
الدكتور ابتسم وباس راس الجد: ابشرك والله انه بخير ووضعه مستقر واشكر الي تبرعو له ساهمو في شفاءه واستقراره ..
ابو نعيم ابتسم: الله يبشرك بالخير
ابو الريم: متى نقدر نشوفه؟
الدكتور: الحين بننقله للغرفه وهو تحت التدخير الان
اول مايفوق باذن الله يدخل عليه شخص شخص بس الاكيد مب كلكم لازم يرتاح يومين
الجد: ابشر ابشر الله يبشرك بالجنه
راح الدكتور والكل شكر الله وحمد الله على شفاء نعيم
• الريم الي خايفه عليه من كل شي وتتمنى بس تشوفه وتطمن قلبها وعيونها وعرفت ان مالها اي فرصه انها تشوفه دام مو مسموح الا لكذا شخص
هي الاختيار الاخير ..
بعد ماطلعوه من غرفة العمليات
وكان بالسرير الابيض طريح مب حاس باي شي حوله
الجد فز من مكانه : يابعد عيني ياولدي الله يسامحني منك يارب
الريم الي انهارت بعد ماشافت عيونه المتسكره والاكسجين على خشمه والاسلاك على صدره وسريره فيه دم
وام نعيم الي ركضت لولدها وتحضنه والكل يحاول يبعدها عنه
هزاع الي انكسر بعد ماشاف نعيم وتمنى لو انه مكانه ولا صديق عمره بهالمكان
عمران الي تضايق على عايلته وضيقتهم
وعلى صديقه وولد خاله الي كانوا يخططون وش يسوون بالشغل وتفكيرهم لحياتهم بالمستقبل جميع
وكان يتذكر كل شي بينهم
عمران اتجه للريم بعد ماشاف انهيارها
عمران: ريم تكفين لايجيك شي مايصلح
وتدرين لو نعيم يدري ان سويتي في نفسك كذا والله ان يتضايق منك ماتدرين وش قال بعد ما انرمى
قال انك تستحقين دمه تتوقعين شخص قال كذا يرضى تنزل دموعك؟
ريم: تعبت ياعمران شلون تغيرت حياتي بيوم وليله؟
شلون تغير ابوي علي؟ شلوم تغير جدي علي ؟
ليش؟؟؟
غاليه الي قربت للريم وحضنتها: ريمي اسفه على الكلام الي قلته لك تكفين اعذريني قلبي احترق على اخوي وتعذبت بعد ماشفته
الريم حضنتها: معذوره انا بنفسي كرهت نفسي
عمران: يلا انتي وياها مسحو دموعكم
ام نعيم: ماقصرتي يمه سرى وانت هزاع ماقصرت حبيبي
سرى: نعيم اعتبره اخو كبير لي ابد دمي فداه
ام نعيم : ياقلبي انتي
هزاع: افديه بروحي ماتعرفين وش كبر غلاه
راحت غاليه اشترت عصير ومويا
وقربت لهزاع: اشرب عصير عوض الي فقدته
وراحت لسرى عطتها
وراحت لجدتها: ياجده اشربي عصير ارتاحي شوي
الجده ماسكه العصا وكانت متضايقه: ماشرب ولا اكل لين اشوف جنيني
الجد: مايصير تسوين بنفسك كذا مايصير
الجده: كله باسبابكم تدرون؟
ابو نعيم: تكفين يمه الي فينا مكفينا
الجده: والله لو يجيه شي ماتسلمون مني ..
DU LIEST GERADE
ياقمر سود اليالي يابدر بين الاهله
Poesieعائلة سيف العالي العائلة المتكاتفه الحنونه الي يحملون الحب لبعض من اعمام وعمات واحفاد واجداد وكلن يختار نصيبه بنفسه بعد مشقات وبعد خيارات بين قلبين يختار الحب المناسب له مابين العز والدلال وحياة الرفاهيه وحياة البساطه مع الجماعه لا احلل نقلها
