"الله يسعدكم اي احد يشوف البارتات يتفاعل عشان أتحمس وارتب البارتات وانزلها" 🥹
عند نعيم الي كان بينفجر واعصابه تلفت والعصبيه وصلت حدها ويحاول يطلع من المكان بكل الطرق
وكالعاده ماحصل شي يقدر يطلع منه وصرخ بكل قوته
وكان يفكر في الريم وش صار فيها والضيقه ماكله قلبه
في المزرعة •
هزاع: عمران خلاص انا تشاغلت تشاغلت على نعيم ليه كل هالاختفاء نعيم مب طبعه يصد عن اي موضوع!
عمران: قلبي ياكلني خلاص واضح الولد راح لمكان مانعرفه
هزاع: دقيقه انت تتوقع ان نعيم صد وراح يعني ؟
عمران رفع كتوفه: وينه! وينه!!!!
هزاع: والله طلعت ماتعرف نعيم والله طلعت ماتعررررفه والله ما ارجع الا يدي بيده
طلع هزاع ولحقه عمران
•عند الريم
ام الريم: وين نعيم الي بيتزوجك وينه؟
غاليه: مستحيل ياخاله نعيم يختفي بدون سبب اخوي واعرفه
الريم بسخريه: غاليه وينه؟ من امس لليوم؟ وينه؟
عاليه: نعيم مايسكت بدون سبب اخوي واعرفه
الريم بحزن: اتمنى ياعاليه اتمنى مايخيب ظني اتمنى
ام الريم: ماعليك يايمه قومي تجهزي نصيبك يصيبك وخلاص سلطان نصيبك
الريم بانكسار وبكى: طلبتك يمه يمه طلبتك بنتك الوحيده لا ارخص بعينك وتعطيني اياه يمه تكفين قلبي شايل يمه احلامي من عمري ١٠ سنين متعلقه بنعيم يمه تكفين ابوس رجوووولك تكفيييييييين
غاليه قامت حضنتها: تكفيييين اهدي لايجيك شي تكفين
عاليه جلست تبكي من حالة الريم
ام الريم انكسر خاطرها ومابيدها شي ولا حبت تزود عليها
ام نعيم دخلت على الريم: يابنتي لاتسوين بنفسك كذا
انا قلبي متقطع على ولدي المختفي وعليك
دخلت الجده: محد يعرف وينه ؟؟؟؟
غاليه: دقيت عليه ١٠٠ مره مايرد ومغلق
عاليه: حتى انا
الجده : وين راح وين اختفى !!!!! وينه ! وينه والله مايهنى لي بال لين اشوفه
ام نعيم قلبها يعورها : يارب ولدي بودائعك
بعد ساعات
هزاع دخل عليهم ووجهه مخطوف: حصلت جوال نعيم وسيارته عند البحر بس هو ماحصلته
جلس بالارض بخيبه وبانكسار وبشعور غريب ولا همه من فيه ومن موجود صديق عمره وصديق ايامه وصديق حزنه وفرحه معقوله صار فيه شي ؟
الجد فز: وين حصلته باي اتجاهه !!!!!
ابو نعيم : ياهزاع شتقول ! ولدي نعيم؟ يترك سيارته؟ وجواله؟ وش السبب !!! وش تقول وانا خالك ؟
الجد صفق هزاع: صحصح معي وعطني التفاصيل
الجده تطلم وتبكي : لايصير خذاه البحر لايصير جاه شي ياررررب وين وليدي يارب اظهره ياررررب
الجد بصراخ وجمود: اسكتي يامررره اسكتي وش هالفال
ابو نعيم: وين ولدي يايبه وينه!!!! تبينا نسكت وليش نسكتتتت ولدي مختفي من امس ولا حسينا فيه وليه؟ عشان سلطان؟؟؟؟ ابو سلطان؟؟؟؟؟ ياجعله يدخلني السجن ولا يروح فلذة كبدي حسبي الله ونعم الوكيل
الجد بعصبيه: وانا وش بيدي ! وانا قلبي محترق ترا ولدي وحفيدي نفس ماهو ولدك
عمران: رجاء ياجدي وياخوالي لحد يتدخل بالي بيصير الحين انا ببلغ الشرطه
الجد: لا محد بيبلغ الشرطه بننتظر بننتظر
ام نعيم انهارت: ننتظر وشو! وش تنتظرون !!!!! ماعندكم قلب ولدي الله العالم وينه ! لو ماعلمتو الشرطه انا بقولهم ولا انتم وش تنظرون!!!!!
ابو نعيم : ام نعيم استهدي بالله الي يقوله ابوي بيصير اكبر منا وافهم منا
ام نعيم: لمتى! لمتىىىىىى لمتى
العمه الجازي: يايبه اذا بيدك شي الحين سوه وش يفيد لمتى بنصبر؟؟؟
الريم الي كانت بالغرفه منهاره وتسمع كل شي
وعرفت ان نعيم ماتركها بكيفه ماتركها للي في تفكيرها
ماباعها وكانت تدعي الله مايصيبه شي تدعي ببكى وحسره
غاليه وعاليه منهارين على اخوهم وقتها
وام نعيم انهارت عشان ولدها وكان الكل متضايق ويبكي
الريم الي استدمت شجااعتها وطلعت
توجهت لجدها : مبسوط ياجدي ؟ ها مبسوط يابوي ؟
مبسوط على جرحك لي الي لو يمر مليون عام مانسيت جرحك ، ليه تسوي كذا ؟ وانت يايبه ليه؟
على اي شيك بعتوني ؟ شيك الستر؟ علمني ياجدي علمني انا غاليه في عين نفسي انا استحق زوج افضل
استحق ابو لعيالي افضل بتعطوني خريج سجون ماتاب ؟
أحس في صدري حرارة براكين ياجدي انكسرت منك
ياجدي امس تمسح على شعري بحنانك واليوم تقسى على خدي بيدك ليه ؟ سويت لكم شي انا ؟ اخطيت في حقكم؟
من كنت صغيره تقولون نعيم للريم نعيم للريم ليه مستغربين الحين انه يبيني ؟ واني ابيه ؟ شاوف فيني صرت بخاطره تذكر شلون كنت تحب جدتي ؟ تذكر شلون كسرك ولد عمك وخطبها ؟ تذكر يوم اهلك يكسرونك شي تعذبت منه ليه انا ونعيم نمر فيه ؟
والله لو أجتمعت بشر الارض كلها ما اخذت سلطان
وحتى لو كسرتو حيلتي وبعتوني له صدقوني ماراح تشوفوني طول حياتكم وانت يابوي مب بس بتبيعني على سلطان انت بتيتمني قبل اروح معه لان الاب يفدي بروحه ولا يضر بنته طيب انت ياجدي يوم ابو هزاع خان بنتك
ليش تطلقها منه ؟ ليه تحرم عياله منه عشان بس خان بنتك ؟ وليه تعز بنتك وتهينني انا ؟ ليه ؟ انا فيني شي ؟
انا ما أشرفكم تعطوني واحد بمستواي ؟ مارضيت على بنتك خيانتها وترضى علي اخذ واحد نفس كذا ؟ ليه؟ ليه؟
كنت محسوده اني امتلك نفسكم عزوه واليوم انكسرت منكم
دخلت الريم للغرفه وقفلت الباب لان ماكانت تبي تشوف اي احد
الجده: حسبي الله عليك من رجل وحسبي الله عليكم من عيال حسبي الله عليكن تكسرون هالبنت عشان رفعت صوتها عليك تعاندها ؟ الزواج مافيه عناد خلاص يكفي انكسار يكفي ذبحتو البنت بيوم خلاص خلاص خلاص
ياقو قلوبكم ياقو قلوبكم
ام الريم: والله يامحمد والله الشيخ الي بيملك للريم بيطلقني منك
محمد تضايق وتمنى انه مات قبل يزوج بنته
اما الجد انصدم من كلام الريم وشاف كمية الحزن بعيونها شاف كمية الانكسار والخذلان في مشاعرها تجاه جدها
وغاليه وعاليه يبكون والكل حزين
سرى وضي وفي والعنود وساره يهدون ام نعيم وام الريم والجده وغاليه وعاليه
اما الريم مقفله باب الغرفه
جالسه ووراها الباب وفرشت سجادتها وتبكي بكل خشوع
"يارب لا املك من الحيله الا قليل يارب زي ماجمعتني فيه ورجعت حبي بقلبه انك ترجعه لي وتخليه ليه يارب ما اشوف فيه شر يارب انك تحفظه بعينك الي ماتنام"
اما عمران وهزاع الي راحو للنفس المكان ويدورون بكل مكان ويسالون الناس الموجوده
اما عند نعيم
بالمستودع دخلو له الاكل وكان رافض ويسالهم
نعيم: مين الي مسلطتك؟ والله لا اطلع وتشوف واخلي كل واحد منكم يندم قد شعر راسه
بسخريه: الي موصينا سلطان وابي نشوف وش تسوي !
نعيم بسخريه: سلطان اجل ؟ تشوف انت وسلطان
اعطاه قفاه بيطلع من المستودع
نعيم ركض وضربه مع راسه بالحديده
وطاع الشخص المسؤل عن المستودع .
لكن هل في غيره؟ برا؟
•وانقلبت ايام الشرقية "الدمام" نكد عليهم وحزن•
YOU ARE READING
ياقمر سود اليالي يابدر بين الاهله
Poetryعائلة سيف العالي العائلة المتكاتفه الحنونه الي يحملون الحب لبعض من اعمام وعمات واحفاد واجداد وكلن يختار نصيبه بنفسه بعد مشقات وبعد خيارات بين قلبين يختار الحب المناسب له مابين العز والدلال وحياة الرفاهيه وحياة البساطه مع الجماعه لا احلل نقلها
